24 stundir - 17.04.2008, Blaðsíða 12

12 FIMMTUDAGUR 17. APRÍL 2008 24stundir
Eftir Hlyn Orra Stefánsson
hlynur@24stundir.is
„Kjartan Magnússon vinnur nú
samviskusamlega að þeim verkefn-
um sem Haukur Leósson forveri
hans var að vinna að þegar hann
var rekinn af félögum sínum í
borgarstjórnarflokki Sjálfstæðis-
flokks,“ segir Óskar Bergsson,
borgarfulltrúi Framsóknarflokks,
um samkomulag REI og yfirvalda í
Djíbúti um hagkvæmnisathugun á
virkjanamöguleikum í Afríkurík-
inu sem undirritað var í síðustu
viku.
Breytt afstaða borgarfulltrúa
Óskar segir að svo virðist sem
borgarfulltrúar sjálfstæðismanna
hafi kúvent í afstöðu sinni til útrás-
arverkefna Orkuveitu Reykjavíkur.
Meirihluti Framsóknar og Sjálf-
stæðisflokks hafi sprungið í haust
vegna þeirrar grundvallarafstöðu
sjálfstæðismannanna að blanda
ekki saman opinberum rekstri og
áhættusömum einkarekstri. Nú
fari boragarfulltrúar sjálfstæðis-
manna fremstir í flokki í útrás sem
samrýmist ekki yfirlýstri afstöðu
þeirra frá því í haust.
Kjartan Magnússon, stjórnarfor-
maður Orkuveitunnar og borgar-
fulltrúi Sjálfstæðisflokks, segir
flokkinn hins vegar ekki hafa
„breytt neinu í því meginviðhorfi
að hið opinbera eigi ekki að vera í
áhættusömum fjárfestingum í út-
löndum“.
Áhætta OR lágmörkuð
Með því að bróðurpartur fjár-
magns í mögulega virkjun í Djíbúti
komi frá erlendum aðilum, nánar
tiltekið fjármögnunarsjóði Al-
þjóðabankans annars vegar og Evr-
ópska fjárfestingarbankanum hins
vegar, sé áhætta Orkuveitunnar af
verkefninu lágmörkuð.
Gera megi ráð fyrir að ekki verði
ráðist í áhættufjárfestingar erlendis
nema ef tryggð hafi verið fjár-
mögnun frá öðrum til þeirra verk-
efna. „Og við tökum ekki nýja pen-
inga úr Orkuveitunni til að setja í
útrásarverkefni,“ segir Kjartan.
Bankarnir betri en GGE?
Óskar segir að rökin fyrir því að
sameina Geysi Green Energy og
REI hafi einmitt verið þau að
minnka áhættu Orkuveitunnar
vegna útrásarverkefna, og svar
Kjartans við athugasemd Óskars sé
því marklaust. „Mér sýnist þetta
snúast frekar um að alþjóðlegir
bankar séu betri samstarfsaðilar en
Geysir Green.“
Slæmt sé fyrir ímynd Orkuveit-
unnar og orkuútrásar Íslendinga í
heild að misvísandi skilaboð berist
frá stjórn REI. Svo virðist sem sam-
komulag liggi fyrir um virkjun í
Djíbúti, segir Óskar, en samt sé
fullyrt að samkomulagið sé ekki
skuldbindandi. „Mér finnst eins og
hugur fylgi ekki máli og það eru af-
skaplega slæm skilaboð frá jafn
stóru og öflugu fyrirtæki og Orku-
veita Reykjavíkur er.“
Skipt um skoðun
varðandi útrásina?
 Segir Kjartan Magnússon vinna samviskusamlega að verkefnum Hauks Leóssonar
Veldur enn deilum Óskar Bergs-
son segir sjálfstæðismenn brjóta
gegn yfirlýstri meginreglu.➤ Stjórnarformaður OR segir aðáhætta OR vegna verkefna
REI í Djíbúti hafi verið tak-
mörkuð með því að erlendir
aðilar fjármagni bróðurpart
verkefnisins.
➤ Borgarfulltrúi Framsókn-arflokks segir sömu rök hafa
verið notuð fyrir því að sam-
eina REI og GGE í október.
➤ Hann sakar borgarfulltrúasjálfstæðismanna um að
brjóta gegn yfirlýstri meg-
inreglu sinni.
ÁGREININGURINN
Hrefnuveiðimenn undirbúa
nú veiðar í sumar. Gunnar
Bergmann Jónsson, fram-
kvæmdastjóri Félags hrefnu-
veiðimanna, segir að ekki sé
búið að gefa út kvóta en fram
hafi komið opinberlega hjá
sjávarútvegsráðherra að ekki
verði staðið í vegi fyrir
hrefnuveiðum fyrir innan-
landsmarkað. Í fyrra voru
veiddar 45 hrefnur, þar af 39
vegna vísindaverkefnis Haf-
rannsóknastofnunar og 6 í at-
vinnuskyni.
Hrefnuveiðimenn
Farnir að und-
irbúa veiðar
STUTT
● Bílvelta Bíll valt á fjórða tím-
anum í gær á Nesjavallaleið við
Hafravatn. Að sögn lögreglu
komst ökumaður sjálfur út úr
bifreiðinni, en var svo fluttur
með sjúkrabíl á slysadeild. Ekki
er vitað nánar um meiðsl öku-
mannsins.
● Rán Ungur maður framdi
vopnað rán í söluturni við
Grettisgötu í fyrrakvöld.
Hann huldi andlit sitt með
klúti og ógnaði starfsmanni
með hnífi. Ræninginn komst
undan með fjármuni og sígar-
ettur. Hann er ófundinn.
Landhelgisgæslunni barst til-
kynning klukkan hálfellefu í gær-
morgun um að neyðarsendir gæfi
frá sér merki á Snæfellsnesi. Þyrla
Landhelgisgæslunnar var send á
vettvang, björgunarsveitin Lífs-
björg í Snæfellsbæ kölluð út og lög-
reglu gert viðvart. Stóð leit yfir í
um tvo tíma en leitað var bæði á
landi og sjó uns neyðarsendir
fannst síðdegis, bundinn við rusla-
gám á ruslahaugum á Rifi á Snæ-
fellsnesi. Málið er í rannsókn. mbl.is
Landhelgisgæslan afvegaleidd
Neyðarsendir í rusli
Umsóknarfrestur er til 30. apríl
Kynntu þér námið á www.hr.is
Námið er einkum ætlað þeim sem hafa lokið BSc-prófi í verkfræði eða tæknifræði með góðum
árangri. Nemendur sem hafa annan bakgrunn úr BSc-námi sínu geta útskrifast með meistara-
próf á tilteknum sérsviðum verkfræðinnar, s.s. meistarapróf í framkvæmdastjórnun, umferðar-
og skipulagsfræðum, heilbrigðisvísindum o.fl.
TÆKNI- OG VERKFRÆÐIDEILD HR
MEISTARANÁM VIÐ
Tækni- og verkfræðideild HR býður meistaranám í
• Byggingarverkfræði
- Framkvæmdastjórnun
- Umferðar- og skipulagsfræðum
- Steinsteyputækni
- Mannvirkjahönnun
• Fjármálaverkfræði
• Véla- og rafmagnsverkfræði
• Heilbrigðisverkfræði
• Líf- og heilbrigðisvísindum
• Ákvarðanaverkfræði
Höfum leigjendur að ýmsum gerðum íbúðarhúsnæðis
á Höfuðborgarsvæðinu. Traustur og faglegur
frágangur leigusamninga.
Eggert Sk. Jóhannesson, Jóhannes Eggertsson, Ólafur Thoroddsen hdl.
Fasteignasalan Eignaver
Sími 553-2222 • eignaver.is
Síðumúli 13 • 108 Reykjavík
Íbúðarhúsnæði
óskast á leiguskrá nú þegar