Morgunblaðið - 26.11.2003, Blaðsíða 16

Villeroy & Boch-búðin er nú komin í jólaskap og býður upp á mikið úrval af vörum til jóla-
gjafa. Fyrst ber að nefna töskuhankann. Allar konur þekkja vandamálið: „Hvar á ég að setja
töskuna mína,“ þegar þær fara á kaffihús eða út að borða. Nú er lausnin fundin. Hankinn er
settur á borðbrúnina og taskan er hengd á hann.
Verslunin hefur til sölu íslensku jólasveinana að norðan sem komnir eru í bæinn ásamt jóla-
kettinum. Jólalyktin Noel er til bæði sem ilmolía og híbýlasprey. Það er tilvalið að setja
nokkra dropa af ilmolíunni í bómull og ryksuga bómullina upp í ryksugupokann. Þegar
íbúðin er síðan ryksuguð ilmar allt af þessari góðu lykt.
Boðið er upp á margar gerðir af pipar- og saltkvörnum með keramikmyllu. Keramikmyllan
tryggir að bragð kryddsins skili sér í matinn. Það fara engar málmagnir út í fæðuna og hægt
er að stilla mylluna þannig að hún mali piparkorn í tvennt eða mjög fínt. Það er 10 ára
ábyrgð á sjálfri myllunni.
Villeroy & Boch kemur með nýja jólalínu sem er öll úr postulíni. Eplabakarinn, eplið er sett í
bakarann og kveikt er á teljósi þar undir. Á meðan verið er að snæða bakast eplið og gefur
mjög góða lykt. Eplið er síðan borðað sem eftirréttur með ís eða þeyttum rjóma.
kynning
lifun