Morgunblaðið - 26.11.2003, Blaðsíða 22

lifun
innlit
Uppáhaldsheimilistækið?
„Gashelluborðið, það er frábært að elda á gasinu.“
Hver verður jólamaturinn í ár?
„Reykt svínslæri og hinn einstaki kaffibúðingur sem kemur frá Hildi
(mömmu Aðalbjargar) á Selfossi.“
Hvernig njótið þið aðventunnar?
„Það er rólegra í líkamsræktinni í desember og því getum við verið
aðeins meira heima þá en annars. Við spilum þá góða tónlist, bjóðum í
aðventukaffi eða förum sjálf í heimsóknir. Svo er alltaf gaman að slugsa
í bænum og líta í búðir, fara á kaffihús og tónleika. Ekki má gleyma
jólakorta- og jólagjafagerð sem er ómissandi hluti af aðventunni.“
Uppáhaldslitir?
„Hvað varðar húsið þá eru allir litir í gangi þar. Flestir eru heitir og
gamlir og við erum ennþá mjög ánægð með upphaflega valið.“
Góð ráð við að innrétta fallegt heimili?
„Fara eftir eigin sannfæringu og nota hugmyndaflugið. Útsjónarsemi er
líka skemmtileg, ekki bara hlaupa út í búð og kaupa það flottasta. Það
er gaman að þurfa að hafa aðeins fyrir hlutunum, breyta og bæta og
skapa sjálf.“
Hvað eruð þið ánægðust með á heimilinu?
„Andann í húsinu sem gefur kyrrð og frið. Við höldum að við höfum náð
að halda ákveðnum heildarsvip og að húsið sé ánægt þrátt fyrir 103 ára
aldur. Svo erum við bara ánægð með þessa litlu þriggja manna
fjölskyldu sem býr á þessu heimili.“