Morgunblaðið - 26.11.2003, Blaðsíða 41

lifun
skinku-ostabaka
reyktur lax á kartöfluköku
2 b hveiti
145 g smjör
2–3 msk ískalt vatn
fylling:
200 g beikonskinka eða reykt skinka,
skorin fínt, einnig gott að nota afgang
af hamborgarhrygg
1/2 b rifinn cheddarostur
1 msk fersk steinselja, söxuð
4 egg
1 1/2 b rjómi
2 tsk Dijon-sinnep
salt og svartur pipar
Hrærið saman hveiti og smjör í hrærivél eða
matvinnsluvél og hellið vatninu varlega
saman við á meðan. Úr á að verða mjúkt
deig. Vefjið plastfilmu utan um deigið og
kælið í ísskáp í 30 mínútur. Fletjið út þar til
deigið er um 3 mm þykkt. Setjið bökunar-
pappír í bökuform, leggið deigið þar í og
þrýstið út að jöðrunum. Fyllið með hrís-
grjónum og bakið bökuskelina við 180
gráður í 10 mínútur. Takið þá út úr ofninum,
fjarlægið pappírinn og grjónin og setjið
bökuskelina aftur í formið. Bakið aftur í 5
mínútur. Með þessari aðferð verður skelin
stökk þótt fyllingin sé blaut.
Stráið skinku, osti og steinselju yfir skelina.
Hrærið saman egg, rjóma, sinnep, salt og
pipar og hellið yfir. Bakið í 40 mínútur við
160 gráður eða þar til bakan er stinn. Hægt
er að bera bökuna fram bæði kalda og
heita. (fyrir 6)
350 g gott salat
325 g reyktur lax í sneiðum
2 tómatar í teningum
4 msk sýrður rjómi
graslaukur til skrauts
kartöflukökur:
225 g soðnar kartöflur, stappaðar
25 g smjör, bráðið
50 g hveiti
sítrónusósa:
6 msk ólífuolía
2–3 msk sítrónusafi
salt og svartur pipar
graslaukur, saxaður
Byrjið á kartöflukökunum. Blandið saman
stöppuðum kartöflum, smjöri og hveiti.
Hnoðið og mótið litlar kúlur sem þið þrýstið
niður. Stráið á þær smá hveiti og steikið á
pönnu þar til þær fá á sig gullinn lit. Kælið.
Hrærið saman allt hráefnið í sósuna, hellið
yfir salatið. Setjið salatið á kökurnar, þá
reykta laxinn og tómatana þar ofan á. Berið
fram með sýrðum rjóma og graslauk til
skrauts.
um hádegi