Vikublaðið - 10.06.1994, Page 4
4
VIKUBLAÐIÐ IO.JÚNÍ 1994
Ingibjörg Sólrún Gísladóttir og Kjartan Valgarðsson hlusta einbeitt á mál fundarmanna í Risinu að Laugarvegi 3.
Krafa um ný
pólitísk samtök
Á fundi sem Birting liélt með
Ingibjörgu Sólrúnu. Gísladóttur
fimmtudaginn efitir kosningar kom
firam sá eindregni vilji fúndar-
manna að stofhuð yrðu stjómmála-
samtök utan um Reykjavíkurlist-
ann. Ingibjörg Sólrún, sem tekur
við embætti borgarstjóra í þessum
mánuði, tók undir með fúndar-
mönnum og taldi nauðsynlegt að í
kjölfar sigurs Reykjavíkurlistans
yrði skapaður vettvangur fyrir
stuðningsmenn framboðsins.
Fundurinn var haldinn í Risinu að
Laugavegi 3 og fundarstjóri var Kjart-
an Valgarðsson. Mörður Ámason
tók fyrstur til máls og ræddi um kosn-
ingabaráttuna og hvað af henni mætti
læra.
Mörður vitnaði til blaðagreinar eft-
ir Einar Karl Haraldsson, fram-
kvæmdastjóra Alþýðubandalagsins,
þar sem hanri sagði þrjú atriði öðrum
fremur skýra árangur Reykjavíkurlist-
ans. I fyrsta lagi að fólkið vildi sigur, í
öðru lagi að flokkarnir svöruðu og í
þriðja lagi að fólkið fann sér leiðtoga.
- Þessi þríhyrningur gekk upp og
þótt fæstir trúðu því fyrir sex mánuð-
um þá náðist sá árangur að fella meiri-
hluta sjálfstæðismanna í Reykjavík,
sagði Mörður.
Hann sagði það hafa verið áherandi
í kosningabaráttunni að frambjóðend-
ur Reykjavíkurlistans voru óvanir að
ræða við alla kjósendur sem einn hóp.
Frambjóðendurnir kæmu frá flokkum
sem hefðu alla tíð látið sér nægja al-
gjört minnihlutafylgi og væru óvanir
því að höfða til fjöldans. Þetta hefði
verið til baga í kosningabaráttunni.
Undirbúningi frambjóðenda hefði
verið ábótavant á köflum og Iítið farið
fyrir því að framboðið nálgaðist skil-
greinda markhópa.
- Kosningarnar kenna okkur að við
verðum að beita aðferðum fátæka
mannsins. Við getum ekki yfirtromp-
að í sjónvarpsauglýsingum vegna þess
að Sjálfstæðisflokkurinn hefur yfir
miklu meiri fjármunum að ráða, sagði
Mörður og taidi að vel hefði tekist til
með hlaðaútgáfu, sömuleiðis með
strætisvagninn sem ók um borg og bý
og útvarpaði áróðri fyrir Reykjavíkur-
listann. Þá hefði fundurinn á Hótel
Sögu verið vel heppnaður en hann
hefði markað upphaf kosningabarátt-
unnar og útihátíðin á Ingólfstorgi í
vikunni fyrir kosningadaginn hefði
einnig verið rós í hnappagat fram-
boðsins. Uthringingar stuðnings-
manna hefðu borið árangur og slík
vinna væri hluti af aðferðafræði fá-
tæka framboðsins.
- Reykjavíkurlistinn þarf núna
framhald, ekki bara innan borgar-
stjómar, heldur þarf að skapa vettvang
fyrir fjöldahreyfingu, sagði Mörður.
Doðinn er í flokkunum
Næstur tók til ináls Helgi Hjörvar.
Hann sagði að eftir úrslitin í Reykja-
vík j'rði ekkert eins og það áður var.
- Fólk langar ekki til að vera á tíu
nianna sellufundi, langar ekki til að
fagna átta komma tvö prósent varnar-
sigri. Þegar sigur hefur unnist einu
sinni vill fólk halda áfram að sigra.
Þetta er það sein gerðist hjá Röskvu í
Háskólanum. Og reynslan af Reykja-
víkurlistanum sýnir okkur að það er
ekki doði í fólkinu heldur í flokkun-
um, sagði Helgi og hélt áfram:
- Það verður erfitt fyrir fólk að
skipa sér í fylkingar í næstu þingkosn-
ingum.
Helgi vísaði til orða Olafs Ragnars
Grímssonar um að flokkarnir yrðu að
passa sig að verða ekki fyrir fólkinu og
rifjaði upp að á kosninganóttina á
Hótel Islandi hefði enginn haft áhuga
á að fylgjast með því sem flokksfor-
mennirnir höfðu um úrslitin að segja.
- Við viljum halda starfinu áfram
með einhverjum hætti. Við höfum
gríðarlegt afl, eitthvað sem ekki hefur
gerst í tíu til fimmtán ár eða lengur,
sagði Helgi og kvaðst óttast að ef
flokkarnir byðu ffam hver í sínu lagi í
þingkosningunum myndi einhver
þeirra semja við Sjálfstæðisflokkinn
þótt fólkið kysi til vinstri.
Hvað nú?
Ingibjörg Sólrún Gísladóttir fékk
orðið á eftir Helga og sagðist rétt vera
að átta sig á hlutunum, enda kosning-
ar nýafstaðnar.
í því starfi sem þegar væri hafið, að
skipa í nefndir borgarinnar, sagðist
Ingibjörg Sólrún hafa tekið eftir því
að fólk hugsaði bæði um sig sem full-
trúa flokkanna og sem fulltrúa
Reykjavíkurlistans. I kosningabarátt-
unni var ekki valið sanikvæmt flokks-
kvóta þegar frambjóðendur voru
sendir á fundi heldur var spurt hver
væri bestur til að tala fyrir Reykjavík-
urlistann í þeim málaflokki sem til
umræðu var. Hún taldi þessa hugsun
hafa gefist vel þótt við nefndaskipan
yrði að taka tillit til sem flestra sjónar-
rniða.
- Ég hef tekið eftir því að fólk spyr:
Hvað nú? Er borgarstjórnarflokkur-
inn búinn að yfirtaka starfið? Það er
fúllt af fólki sem lítur ekki á sig sem
flokksfólk og er tilbúið að vinna að til-
teknum málum. Við verðum að nota
starfskrafta þessa fólks og megum ekki
missa það frá okkur. Það þarf að koma
upp aðstöðu og við þurfum að huga að
félagsstofnun, sagði Ingibjörg Sólrún.
Eftir framsögu Ingibjargar Sólrún-
ar var orðið gefið laust.
Sigur fram á næstu öld
Guðrún Helgadóttir sagðist hafa
efasemdir uin ágæti þess að Reykja-
víkurlistinn opnaði skrifstofu, sagði
það kosta peninga og borgarskrifstof-
urnar ættu að nægja. Hún sagði mikil-
vægt að þingmenn létu Reykjavíkur-
listann í friði og kvaðst vona að flokk-
arnir létu það vera að stofna borgar-
málaráð hver fyrir sig.
- Það var verið að kjósa Ingibjörgu
Sólrúnu og hún verður að halda utan
um þetta og láta ekki vaða ofan í sig,
sagði Guðrún. Hún rifjaði upp meiri-
hlutasamstarfið 1978-1982 milli Al-
þýðuflokks, Alþýðubandalags og
Framsóknarflokks og sagði fyrstu vit-
leysuna hafa verið þá að ráða ópóli-
tískan borgarstjóra og mestu vitleys-
una að láta Sigurjón (Pétursson, for-
seta borgarstjórnar) kasta fyrir fyrsta
laxinn í Elliðaánum með vindil í
munnvikinu.
- Þetta verður að takast og má ekki
fara eins og síðast. Ef þið hendið út
frekum þingmönnum þá á þetta að
ganga. Góða ferð, sagði Guðrún.
Gunnar H. Gunnarsson vakti
máls á dauðu atkvæðunum svokölluðu
sem fjölgar í hlutfalli við fjölda fram-
boða. Ef finuu listar hefðu boðið fram
gegn Sjálfstæðisflokknum væru sjötíu
prósent líkur fyrir því að sjálfstæðis-
menn væru enn við völd í borginni.
- Við skulum aldrei aftur dreifa
kröftunum, það er það sama og að
tapa, sagði Gunnar.
Reynir Ingibjartsson sagði að í bí-
gerð væri að stofna hverfafélög
Reykjavíkurlistans. Hann sagðist vilja
að menn legðu á hilluna flokkssjónar-
mið, þannig væri hægt að tryggja sig-
ur ffam á næstu öld.
Framundan er barátta
Einar Karl Haraldsson sagði hug-
myndina um hverfafélög ágæta. í
kosningunum hefði goðsögnin um
kosningavél Sjálfstæðisflokksins fallið.
En framundan væri pólitísk barátta
þar sem slegist yrði um túlkanir á
ákvörðunuin Reykjavíkurlistans.
Guðmundur Bjamleifsson
minnti á mikilvægi þess að atvinnu-
málum í borginni yrði sinnt. Hann
sagðist styðja þá hugmynd að stofnað
yrði félag og varaði við því að láta
tregðu flokkanna tefja fyrir.
Hörður Bergmann yclti fyrir sér
táknrænum athöfnum á borð við opn-
un laxveiðitímabilsips í Elliðaánum.
Hann stakk upp á því að nýr meiri-
hluti héldi opna borgarmálafundi með
almenningi eftir hvert starfsár.
Magnús H. Skarphéðinsson
sagðist hafa verið í pólitískri eyði-
merkurgöngu uin árabii. Hann sagði
uppstokkun flokkakerfisins löngu
tímabæra og taldi að 'persóna Ingi-
bjargar Sólrúnar hefði gert útslagið
fyrir Reykjavíkurlistann, hún væri trú-
verðugur stjórnmálamaður.-
Bjöm Guðbrandur Jónsson lagði
áherslu á að Reykjavíkurlistinn yrði að
sýna fram á árangur til að eiga von um
áframhaldandi umboð.
- Grunnskóla- og dagvistunarmál
voru kosningamálin og það verður að
standa vel að þeiin, sagði Björn Guð-
brandur og minnti á að ungt fólk hefði
ráðið úrslitum í kosningabaráttunni
og það sýndi ekki flokkum hollustu.
Ilann mælti með faglegum vinnu-
brögðum í nefndum og lagði til að
nefndir á vegum borgarinnar héldu
heyrslur með sérffóðum til að fá sem
besta yfirsýn og skilning á málavöxt-
uin.
Reykjavíkurlistann
en ekki flokkana
Arthúr Morthens sagði að fram-
bjóðendur Reykjavíkurlistans hefðu
þróast frá því að vera fulltrúar sinna
flokka yfir í það að vera Reykjavíkur-
listafólk. Ilann sagði að ungt fólk
hefði skipt sköpum í kosningunum.
- Við verðum að byggja upp bak-
landið, stofúa hreyfingu en ekki flokk,
sagði Arthúr.
Guðrún Rögnvaldardóttir sagðist
vera óflokksbundin og hafa kornið til
starfa í kosningabaráttunni vegna
áhuga á ffamgangi Reykjavíkurlistans.
Hún starfaði í atvinnuinálahópi og
kvaðst ekki hafa getað greint það frá
hvaða flokkuin þeir komu sem störf-
uðu með henni þar, inunurinn á mál-
flutningi inanna hefði ekki verið meiri
en það.
- Ég ætla rétt að vona að það verði
vettvangur fyrir okkur til að starfa
áfram á. Eg vil ekki starfa ineð flokk-
unum heldur með Reykjavíkurlistan-
um, sagði Guðrún og stakk upp á því
að Arna Sigfússyni yrði boðið að veiða
í Elliðaánum.
Gísli Gunnarsson sagði að í þess-
um kosningum hefði komið fram ný
kynslóð sem hefði orðið fyrir áhrifum
af starfi vinstrimanna í Háskólanum.
Þetta væri eftir-Vilmundar kynslóðin
sem léti til sín taka núna. Gísli sagði
að Reykjavíkurlistinn þyrfti að taka til
í valdakerfi Sjálfstæðisflokksins.
Sveinn Baldursson taldi tímabært
að útvíkka lýðræðishugtakið; sjórn-
málamenn þyrftu að hlusta á kjósend-
ur. Hann sagði okkur á kafi í auð-
hyggju samtímis sem óhamingja ykist.
Sveinn vefengdi þá mælikvarða sein
notaðir eru til að mæla afkomu okkar.
- Það er ekkert jákvætt við það að
hafa tíu til tuttugu prósent hagvöxt ef
ofbeldi og óhamingja eykst í samfé-
laginu, sagði Sveinn. Hann lagði á það
áherslu að félagshyggjufólk þyrfti
mótvægi við Morgunblaðið og DV
enda hefði það verið slys þegar Þjóð-
viljinn fór á hausinn. <<•
Sigríður Sigurbjömsdóttir sagð-
ist hafa orðið vör við það að lands-
byggðarfólk hefði fylgst vel með
kosningunum í Reykjavík því að í höf-
uðborginni sæi fólk vald Sjálfstæðis-
flokksins. Hún frábað sér pólitísk
landamæri í Reykjavíkurlistanum.
Breytta og betri borg
Ingibjörg Sólrún Gísladóttir sagði
fundinn hafa verið mjög athyglisverð-
an og tók undir það að ungt fólk hefði
verið kjölfestan í starfi Reykjavíkur-
listans.
Flún sagði sjálfsagt að passa upp á
það að flokksforingjar slægju ekki
eign sinni á Reykjavíkurlistann og
taldi ekki ástæðu til að óttast það.
Ingibjörg Sólrún sagðist hlynnt þeirri
hugmynd að opna nefndastörf, bæði
með því að bakhópar yrðu stofnaðir
um mikilvægar nefndir og nefndirnar
sjálfar kölluðu til sín utanaðkomandi
aðila í heyrslur.
Ingibjörg Sólrún rifjaði upp að í
kosningabaráttunni hefði gætt tor-
tryggni gagnvart þeirri huginynd að
hafa málefnahópa á vegum Reykjavík-
urlistans opna fyrir öllum þeim sem
höfðu áhuga. Sumir hefðu verið
hræddir um að sjálfstæðismenn plönt-
uðu sínum mönnum í nefndirnar og
eyðilegðu þær. Þessi ótti hefði reynst
ástæðulaus og sennilega væri hann
leifar flokkshugsunar.
Hún sagði að fyrir gerð fjárhags-
áætlunar borgarinnar væri sjálfsagt að
fara út meðal fólks og heyra sjónarmið
þess.
- Við verðum að breyta vinnu-
brögðum í borgarkerfinu og breyta
því þannig að kerfið verði opnara og
aðgengilegra fyrir almenning. Við
þurfum líka að stofna félag til að hefja
okkur yfir flokkana, sagði Ingibjörg
Sólrún í fúndarlok.
Páll Vilhjálmsson
Utboð
F.h. Gatnamálastjórans í Reykjavík er óskað eftir tilboðum f
gerð malbikaðra göngustíga við Sæbraut og í Fossvogi.
Verkið nefnist:
Göngustígar viö Sæbraut og í Fossvogi.
Helstu magntölur eru:
Malbikaðir stígar
Grjótfyllingar
Grasþökur
Uppsetning girðingar
u.þ.b. 5.300 m2
u.þ.b. 4.400 m3
u.þ.b. 10.000 m2
u.þ.b. 800 m
Lokaskiladagur verksins er 1. október 1994.
Útboðsgögn verða afhent á skrifstofu vorri Fríkirkjuvegi 3, Reykja-
vík, frá og með þriðjudeginum 7. júní, gegn kr. 10.000.- skila-
tryggingu.
Tilboðin verða opnuð á sama stað þriðjudaginn 14. júní 1994, kl.
11.00.
INNKAUPASTOFNUN REYKJAVÍKURBORGAR
Fríkirkjuvegi 3 - Sími 25800