Morgunblaðið - 29.05.2005, Side 41

MORGUNBLAÐIÐ SUNNUDAGUR 29. MAÍ 2005 41
UMRÆÐAN
Hvort sem þú þarft að selja eða
leigja atvinnuhúsnæði eða fyrirtæki
þá ertu í góðum höndum hjá Inga B.
Albertssyni.
Nú er góður sölutími sölutími fram-
undan - ekki missa af honum.
Vandaðu valið og veldu fasteigna-
sölu sem er landsþekkt fyrir traust
og ábyrg vinnubrögð.
Franz Jezorski, hdl. og
lögg. fasteignasali
ATVINNUHÚSNÆÐI
FYRIRTÆKJASALA
FASTEIGNA
MARKAÐURINN
ÓÐINSGÖTU 4, SÍMI 570 4500, FAX 570 4505. OPIÐ VIRKA DAGA KL. 9–17.
Netfang: fastmark@fastmark.is - Heimasíða: http://www.fastmark.is/
Jón Guðmundsson, sölustjóri og lögg. fasteigna- og skipasali.
Sumarbústaður - Hvítársíða
57 fm nýlegur sumarbústaður við
Dalflöt, Hvítársíðu. Bústaðurinn, sem
stendur á u.þ.b. 2ja ha leigulandi,
skiptist í forstofu, eldhús, stofu, 3
herbergi og baðherbergi. Kjarrivaxið
land. Frábært útsýni yfir á Langjökul,
Strút og Eiríksjökul. Stutt í alla þjón-
ustu. Arnarvatnsheiðin í næsta ná-
grenni. Teikn. á skrifst.
FYRIR skömmu vöktum við
athygli á síðum Mbl. á jarð-
fræðikenningu sem styður þá til-
gátu að meiri jarðhiti kunni að
finnast í Eyjafirði en hingað til
hefur verið talið. Jafnframt var
hvatt til að kenningin yrði skoð-
uð nánar svo að úr því fengist
skorið hvort hún stæðist. Ef svo
væri gæti verið um mikla hags-
muni að tefla fyrir Eyfirðinga og
Akureyringa.
Ólafur G. Flóvents, jarðeðl-
isfræðingur og forstjóri ÍSOR,
bregst við þessum skrifum okkar í
Morgunblaðinu laugardaginn 21.
þ.m. Athygli vekur að hann kýs að
nefna ekki höfund umræddrar
kenningar, Steingrím Þorbjarn-
arson jarðfræðing á nafn, hvað þá
á hverju kenning hans byggist.
Þetta verður til þess að þeir, sem
hafa eingöngu stuðst við grein
Ólafs, fá þá mynd að við bræður
höfum fundið þetta allt upp hjá
okkur sjálfum og því síst að undra
þótt niðurstaðan sé ekki bermileg
enda „ekkert í fyrirliggjandi rann-
sóknum (sem) styður þær kenn-
ingar, sem tvímenningarnir byggja
álit sitt á,“ eins og Ólafur segir í
grein sinni.
Þótt við bræður séum ekki til
skaða bældir höfum við aldrei ætl-
að okkur þá ósvinnu að setja sjálf-
ir fram kenningar á þessu sviði.
Okkur þykir hins vegar eðlilegt að
vekja athygli á kenningum sér-
fræðings, sem studdar hafa verið
rökum, og varpa fram þeirri
spurningu hvort eitthvað sé til í
þeim, ekki síst ef mikið er í húfi og
ef – við endurtökum EF – þær
reynast á rökum reistar.
Annað var það nú ekki sem
vakti fyrir okkur með því að færa
kenningar Steingríms í tal. En ef
menn eru hins vegar svo vissir um
hinn endanlega sannleik að þeim
finnst ekki taka því að skoða nýjar
kenningar, m.a. vegna þess að
margt gott hafi áður verið gert, þá
erum við hættir að skilja hvað sí-
felld leit að nýjum sannindum og
þekkingu hefur upp á sig. Við er-
um alltént sannfærðir um að um-
ræða um frumlegar og vel rök-
studdar tilgátur sé ein forsenda
framfara enda byggist þekking-
arleit bæði á kenningum og rann-
sóknum. Hitt teljum við
með öllu óásættanlegt
að afgreiða nýtt fram-
lag, eins og það sem hér
er til umræðu, léttvægt
án þess að hafa haft
fyrir að kynna sér það.
Frá okkar bæjardyrum
séð er slík afstaða ekki
boðleg og vonandi ekki
lýsandi dæmi um sam-
félag íslenskra vísinda.
Í okkar augum verður
starfsemi vísinda-
samfélagsins ekki slitin
frá þeim hræringum sem eiga sér
stað úti í þjóðfélaginu enda hefur
það sama þjóðfélag lagt fram þá
fjármuni sem skólar, tækni- og
vísindastofnanir nærast á.
Við bókstaflega neitum að trúa
því að íslenskir vísindamenn
bregðist við með þeim hætti sem
að ofan er lýst og láti ekki svo lítið
að vega kenningar Steingríms
Þorbjarnarsonar í vitrænni um-
ræðu. Þess vegna höldum við enn í
þá von að þeir kynni sér þær af al-
vöru og spyrji gagnrýnna spurn-
inga. Þá ætti bæði fræðimönnum
og leikmönnum að gefast betri
kostur á að vega umræddar kenn-
ingar og meta. Fyrr geta þeir frá-
leitt mótað sér þá skoðun að ekk-
ert sé að marka þær. Eftir það
ættu hagsmunaaðilar að geta
ígrundað hvort mark sé á þeim
takandi og ómaksins vert að kosta
nokkru til við frekari athuganir og
rannsóknir.
Eru nýjar kenningar
illa þokkaðar?
Ingólfur og Ragnar Sverr-
issynir fjalla um orkumál
’Við bókstaflega neitumað trúa því að íslenskir
vísindamenn bregðist
við með þeim hætti sem
að ofan er lýst …‘
Ingólfur Sverrisson
Ingólfur er deildarstjóri og
Ragnar er kaupmaður.
Ragnar Sverrisson
AUGLÝSINGADEILD
netfang: augl@mbl.is eða sími 569 1111