Morgunblaðið - 29.05.2005, Qupperneq 50

50 SUNNUDAGUR 29. MAÍ 2005 MORGUNBLAÐIÐ
MINNINGAR
✝ Ingibjörg Þor-valdsdóttir Hill-
ers fæddist á Sauð-
árkróki 14. maí
1918. Hún lést í Heil-
brigðisstofnun Suð-
urlands á Selfossi 7.
maí síðastliðinn.
Foreldrar hennar
voru hjónin Þorvald-
ur Guðmundsson,
kennari, hreppstjóri
og sjúkrahúshaldari
á Sauðárkróki, f. 13.
október 1883, d. 10.
október 1961, og
Ingibjörg Salóme
Pálmadóttir, f. 7. október 1884, d.
21. apríl 1957. Foreldrar Þorvalds
voru hjónin Guðmundur Gíslason
og Guðbjörg Guðmundsdóttir á
Auðkúlu í Svínadal. Foreldrar Sal-
óme voru hjónin Pálmi Jónsson og
Ingibjörg Eggertsdóttir á Ytri-
Löngumýri í Blöndudal. Þeim Þor-
valdi og Salóme varð fjögurra
barna auðið og var Ingibjörg næst-
yngst þeirra. Systkini hennar voru
þessi: 1) Svavar Dalmann, bifreið-
arstjóri í Reykjavík; hann átti Dag-
rúnu Halldórsdóttur; þau eru bæði
látin. 2) Þorvaldur, fyrrum kaup-
maður á Sauðárkróki; hann átti
Huldu Jónsdóttur, sem er látin;
Þorvaldur dvelst nú á hjúkrunar-
deild Heilbrigðisstofnunarinnar á
Sauðárkróki. 3) Guðbjörg, hús-
freyja í Reykjavík; hún er látin;
hún bjó fyrr með Sveini Guð-
eru: 1) Ómar Hillers, f. 6. septem-
ber 1942, kona hans er Anna Frið-
björnsdóttir, f. 17. ágúst 1943.
Eiga þau tvær dætur, Helgu og
Thelmu. Áður eignaðist Ómar son-
inn Pál. Barnabörn þeirra eru
átta. 2) Úlla Hillers, f. 26. septem-
ber 1947. Dóttir hennar er Rakel
Lilja og fóstursonur Davíð Þor-
valdur. Barnabörn eru sex. 3) Úlf-
ar P. Hillers, f. 3. maí 1953. Kona
hans er Ingibjörg Hjaltadóttir, f.
22. nóvember 1956, eiga þau þrjú
börn, Söru, Aron Jarl og Evu. Áð-
ur eignaðist Úlfar dótturina Svölu
Borg. Barnabörnin eru þrjú. 4)
Karl H. Hillers, f. 14. ágúst 1954.
Kona hans er Edda Guðmunds-
dóttir, f. 22. nóvember 1957, eiga
þau þrjá syni, Birgi Ottó, Óttar og
Arnór. Áður átti Karl soninn Dav-
íð Arnar. Þá átti heima hjá þeim
Ingibjörgu og Börge í rúm tvö ár
Guðbjörg Linda Udengaard, frá
því hún var tveggja ára að aldri.
Móðir hennar var Ingibjörg Sal-
óme Sveinsdóttir.
Ingibjörg fæddist á Sjúkrahús-
inu á Sauðárkróki, flutti með for-
eldrum sínum að Brennigerði í
Skarðshreppi 1920, þar sem þau
bjuggu í tíu ár, en fluttu að þeim
liðnum aftur til Sauðárkróks. Hún
var gædd listrænum hæfileikum,
söng í Kirkjukór Sauðárkróks og
lék m.a. annað aðalhlutverkið í
Pilti og stúlku eftir Jón Thorodd-
sen. Hún flutti á Selfoss 1941 og
átti þar heima síðan. Hún stundaði
þar ýmis tilfallandi störf. Hún
hafði yndi af heimilishaldi og hlutu
þau Börge verðlaun fyrir fallegan
blómagarð við heimili þeirra í
Heiðmörk 3 á Selfossi.
Útför Ingibjargar Þorvaldsdótt-
ur Hillers fór fram frá Selfoss-
kirkju laugardaginn 21. maí, í
kyrrþey, að ósk hinnar látnu.
mundssyni á Sauðár-
króki, en gekk síðar
að eiga Erlend Þórð-
arson.
Hinn 30. maí 1936
gekk Ingibjörg að
eiga Björn Guðmunds-
son frá Reykjarhóli í
Seyluhreppi, f. 28. maí
1911, d. 20. júní 1979.
Foreldrar hans voru
hjónin Guðmundur
Guðmundsson frá
Flatatungu og Stef-
anía Guðrún Guð-
mundsdóttir frá Dun-
hagakoti í Hörgárdal.
Þau Ingibjörg og Björn skildu.
Dóttir þeirra er Gyða Huld Björns-
dóttir, f. 13. apríl 1937, húsfreyja á
Selfossi. Eigimaður hennar er Jón
Ágústsson, húsasmíðameistari á
Selfossi, f. 7. júlí 1936. Þau eiga
fjögur börn: Ingibjörgu, Sigrúnu,
Ágúst og Örvar. Áður eignaðist
Gyða soninn Björn. Barnabörn
þeirra eru fimm og auk þess eiga
þau eitt barnabarnabarn.
Árið 1941 hóf Ingibjörg að búa á
Selfossi með Börge Hillers, mjólk-
urfræðingi frá Marup Mark við
Koldind/Koldindbro á Jótlandi, f.
3. júní 1915, d. 2. október 1987.
Foreldrar hans voru hjónin Carl
Christian Heinrich Hillers, kaup-
maður, og Nielsine (Kristine) Ped-
ersen Kolind Hillers. Þau Ingi-
björg og Börge gengu í hjónaband
29. desember 1951. Börn þeirra
Elsku mamma mín, mig langar að
kveðja þig með nokkrum fátæklegum
orðum sem þó eru alls ekki nógu
sterk til þess að lýsa því hve góð,
sterk og heilsteypt manneskja þú
varst.
Þú varst ávallt okkar vinur þegar í
raunirnar rak, taldir í okkur kjark og
þor, og þegar eitthvað bjátaði á þá
hvattir þú okkur til dáða. Þú hvattir
okkur einnig til að sigrast á erfiðleik-
um lífsins, sama af hvaða toga þeir
voru. Þeir væru til þess að sigrast á
þeim og færa okkur betra líf. Á það
áttum við að trúa með Guðs hjálp.
Umfram allt áttum við þó að vera
heiðarleg gagnvart sjálfum okkur og
öðrum því það myndi skila sér til
baka margfalt. Þetta lífsviðhorf þitt
er beinlínis „orka“ til þess að sigrast
á mörgu því sem á daga okkar hefur
drifið. Er hægt að hugsa sér betri ráð
og veganesti frá móður til barnanna
sinna?
Mamma lagði mikla áherslu á að
við værum góð við þá sem minna
mega sín, einnig að vera dýrunum og
náttúrunni góð, bera tilhlýðilega
virðingu fyrir öllu sem í kringum
okkur er og virða skoðanir annarra.
Ég er þess fullviss að öll börnin þín,
tengdabörn og aðrir sem til þín
þekktu geta verið mér sammála um
að þessi orð í þinn garð séu hverju
orði sannari. Ég vil þó segja eitt til
þín, mamma mín, frá mér persónu-
lega. Mér fannst þú aldrei verða
gömul kona, þó það hafi vantað að-
eins eina viku á að þú yrðir 87 ára
gömul, því af útliti þínu, hugsun,
dugnaði, mannkostum og lífsviðhorfi
þá virtist þú mörgum árum yngri. Ég
held, að þú hafir borið aldurinn svona
vel vegna þess hversu jákvæð og góð
þú varst, hvað þú hafðir mikið að gefa
öðrum og lést gott af þér leiða.
Mamma, þú varst stórkostleg og
glæsileg kona, full af góðvild, gæsku
og glæsileika svo tekið var eftir hvar
sem þú komst eða varst. Þú varst
höfðingi heim að sækja og frá þér fór
enginn með tóma sál eða maga, því
svo mikið hafðir þú að gefa.
Ég vil að lokum þakka þér sam-
fylgdina, mamma mín, og þakka þér
allt það góða sem þú kenndir mér. Þá
umhyggju, stuðning og vináttu sem
þú veittir mér í erfiðum veikindum
mínum, því mun ég seint gleyma.
Ekki er það ætlun mín að telja upp
alla þína mannkosti eða lífshlaup hér
í þessum fátæklegu orðum, enda of
langt mál. Það geymum við fyrir okk-
ur sem til þín þekktu. Morgunblaðið
er einfaldlega alltof lítið og mundi
hvergi duga til. Að endingu, takk fyr-
ir allt og allt, elsku mamma, hann
pabbi bíður þín.
Þinn sonur,
Úlfar Pálmi.
Vorið var uppáhalds árstíminn
hennar Ingibjargar. Þegar allur
gróður var að lifna, brumið að mynd-
ast á trjánum og birtan að ná yfir-
höndinni, lauk hún sínu lífshlaupi eft-
ir stutta en erfiða baráttu við þann
illvíga sjúkdóm sem í dag leggur svo
margan að velli. Eftir 40 ára kynni,
sem aldrei bar skugga á, koma marg-
ar minningar upp í hugann. Ingibjörg
og Börge voru afar samhent, glað-
lynd og skemmtileg hjón. Þau höfðu
bæði mikla ánægju af garðrækt og
eyddu drjúgum tíma í að rækta garð-
inn sinn á Heiðmörkinni. Þar hlóðu
þau steinbeð sem þau fegruðu með
fjölærum blómum, gróðursettu tré
og skrautrunna, að ógleymdum öllum
matjurtunum sem að þau ræktuðu.
Allt óx og dafnaði svo vel undir þeirra
handleiðslu.
Það kom því ekki á óvart að garð-
urinn þeirra var í tvígang valinn feg-
ursti garðurinn á Selfossi.
Bæði höfðu þau mikla ánægju af að
ferðast um landið og kom það mér oft
í opna skjöldu hversu fróður Börge
var um örnefni og staðhætti hér á
landi. Daninn sló okkur þessum inn-
fæddu oft við í landafræðinni. Oft var
gestkvæmt hjá þeim enda bæði gest-
risin og nutu þess að hafa glaðværð í
kringum sig. Ingibjörg var listakokk-
ur og hafði mikla ánægju af að gera
vel við gesti og gangandi í mat og
drykk, lagði hún mikið upp úr því að
allt væri fallega framreitt og var fljót
að tileinka sér nýjungar í matargerð-
arlist. Börge lést um aldur fram í
október 1987. Seldi Ingibjörg húsið
þeirra á Heiðmörkinni árið 1994 og
flutti til Úllu dóttur sinnar og héldu
þær mæðgur saman heimili þangað
til Ingibjörg veiktist og var lögð inn á
Sjúkrahús Suðurlands 14. apríl sl.
Ingibjörg var nútíma kona og hafði
ákveðnar skoðanir á hlutunum. Þeg-
ar Úlla eignaðist gsm-síma lagði
mamma hennar ríka áherslu á, að
hún lærði að senda sms-skilaboð og
henni fannst alveg frábært að hægt
væri að fá tölvupóst og myndir af
langömmubörnunum í Noregi, eigin-
lega á sömu mínútu og hann var
sendur.
Að leiðarlokum viljum við, ég og
fjölskylda mín, þakka samfylgdina.
Við vottum börnum hennar, tengda-
börnum og fjölskyldum þeirra okkar
innilegustu samúð. Guð blessi minn-
ingu Ingibjargar Þorvaldsdóttur
Hillers.
Erna.
INGIBJÖRG
ÞORVALDSDÓTTIR
HILLERS
Morgunblaðið birtir minningar-
greinar alla útgáfudagana.
Skilafrestur Ef birta á minningar-
grein á útfarardegi verður hún að
berast fyrir hádegi tveimur virkum
dögum fyrr (á föstudegi ef útför er
á mánudegi eða þriðjudegi). Ef út-
för hefur farið fram eða grein berst
ekki innan hins tiltekna skilafrests
er ekki unnt að lofa ákveðnum birt-
ingardegi. Þar sem pláss er tak-
markað getur birting dregist.
Minningar-
greinar
Innilegar þakkir til allra, sem sýndu okkur
samúð og vinarhug við andlát og útför móður
okkar, tengdamóður, ömmu, langömmu og
langalangömmu,
FANNEYJAR G. JÓNSDÓTTUR,
Böðvarsgötu 12,
Borgarnesi.
Sólveig Harðardóttir, Björn Á. Þorbjörnsson,
Eygló Harðardóttir, Þorkell Þ. Valdimarsson,
Hulda Karítas Harðardóttir, Jose Antonio Rodriquez Lora,
Brynja Harðardóttir, Skúli G. Ingvarsson,
Jóhannes Gunnar Harðarson, Steinunn Baldursdóttir,
ömmubörn, langömmubörn
og langalangömmubarn.
Innilegar þakkir til allra, sem sýndu okkur
samúð og hlýhug við andlát og útför
MAGNÚSAR EINARSSONAR
bifreiðastjóra
frá Tjörnum,
Strandaseli 11,
Reykjavík.
Sigurður Einarsson,
Jón Einarsson,
Kristján Einarsson,
Sigurður Einarsson
og aðrir aðstandendur.
Innilegustu þakkir fyrir alla þá hlýju sem okkur
hefur verið sýnd vegna andláts og útfarar
BÁRU KRISTJÁNSDÓTTUR,
Stokkseyri.
Sérstakar þakkir til lækna og alls starfsfólks
krabbameinsdeilda Landspítalans háskóla-
sjúkrahúss.
Kristján Geir Arnþórsson og fjölskylda.
Vönduð og persónuleg þjónusta
Inger Steinsson,
útfararstjóri,
s. 691 0919
Sími 551 7080
Bárugötu 4, 101 Reykjavík.
Ólafur Örn
útfararstjóri,
s. 896 6544
Inger Rós
útfararþj,
s. 691 0919
Helluhrauni 10, 220 Hf.,
sími 565 2566,
www.englasteinar.is
Englasteinar
Fallegir legsteinar
á góðu verði
INGVI R. K. SVEINSSON,
Hagamel 46,
lést á heimili sínu 18. maí.
Útför hefur farið fram í kyrrþey.
Sigtryggur Rúnar Ingvason, Inga Jóna Ingimundardóttir,
Tristan Máni Sigtryggsson.
Innilegar þakkir til allra, sem sýndu okkur
samúð og hlýhug við andlát og útför ástkærrar
eiginkonu minnar, móður okkar, tengdamóður,
ömmu og langömmu,
RÖGNU KR. ÁGÚSTSDÓTTUR.
Sérstakar þakkir til starfsfólks gjörgæslu-
deildar Landspítala við Hringbraut.
Ársæll Þorsteinsson,
Guðlaug Ársælsdóttir, Eyþór Vilhjálmsson,
Þóra Ársælsdóttir, Páll Hjálmur Hilmarsson,
Ragna Ársælsdóttir, Haraldur Ragnar Gunnarsson,
Björg Ársælsdóttir, Arnar Ólafsson,
barnabörn og barnabarnabörn.