Morgunblaðið - 13.06.2005, Síða 17

síðasta ári náðist að spara um 2% svo
2/3 hlutar hagræðingarkröfunnar
náðust. Á þessu ári stóð svo til að ná
kostnaðinum niður enn frekar, sam-
anlagt um rúmlega 700 milljónir.
Stjórnvöld komu hins vegar verulega
til móts við spítalann og bættu 500
m.kr. inn í fjárlagagrunn spítalans og
því lækkaði sparnaðarkrafan í um 200
m.kr.
„Þetta tók virkilega á spítalann,“
segir Anna Lilja um niðurskurðinn.
Þetta verður ekkert auðvelt í ár en við
erum að vinna að því að ná markmið-
inu.“
Miðað við uppgjör fyrstu fjögurra
mánaða ársins er hallinn minni en varð
á síðasta ári. Anna Lilja segist bjartsýn
á að markmiðið náist þar sem stór
ástæða hallans sé fjármagnskostnaður
sem spítalinn fær á sig vegna erfiðrar
greiðslustöðu vegna uppsafnaðs
rekstrarhalla í efnahagsreikningi spít-
alans frá fyrri árum.
„Það er alveg ljóst að það hefur
náðst fjárhagslegur árangur á spítal-
anum og verið er að nýta fjármagn
sem þar fer inn betur en áður,“ segir
Jón Kristjánsson heilbrigðisráðherra.
Hann vill ekki tala um niðurskurð á
fjárframlögum til spítalans. 500 millj-
ónum var bætt við LSH á fjárlögum
árin 2004 og 2005. Hins vegar sé það
rétt að spítalinn hafi farið fram á
meira fé og því varð að grípa til að-
haldsaðgerða.
„Þess er krafist að við stillum út-
gjöldum í heilbrigðiskerfinu í hóf.
Þessi stóra stofnun, sem tekur til sín
um helming af fjármagni ríkisins til
heilbrigðiskerfisins, getur ekki verið
undanþegin þeirri kröfu.“
Nálgast markmiðið
„Það er búið að berjast á öllum víg-
stöðvum við að reyna að ná sparnað-
arkröfunni,“ segir Anna Lilja. Til að
mæta kröfunni á síðasta ári var dreg-
ið úr launakostnaði, sem eru tæp 70%
af gjöldum spítalans, með því að segja
upp fólki, leggja af vaktir og draga úr
yfirvinnu. Náði þetta til 500 – 600
starfsmanna. Raunfækkun dagvinnu-
stöðugilda frá janúar 2004 til janúar
2005 var tæp 130 eða um rúm 3%. Frá
árinu 2000 hefur dagvinnustöðugild-
um á spítalanum fækkað um rúm 300,
sem náðist m.a. með sameiningu sér-
greina, fækkun stjórnenda og fækkun
vaktalína á sjúkrahúsinu. Þá náðist
umtalsverður árangur í lækkun
rekstrargjalda með auknum útboð-
um, hertum vinnureglum og útgáfu
lyfjalista.
Stjórnendur spítalans telja að nið-
urskurðurinn hafi almennt ekki kom-
ið niður á þjónustu spítalans en álag á
starfsfólk hefur aukist.
Hjúkrunarfræðingar sem Morgun-
blaðið ræddi við taka undir það. Álag
hafi aukist og aukin verkefni bæst við
störf t.d. hjúkrunarfræðinga og
sjúkraliða í kjölfar uppsagna annarra
starfsmanna s.s. ritara. Segja þeir nú
sárlega vanta aðstoðarfólk inni á spít-
alanum. „Ég tel að við séum alveg
komin út á brún í niðurskurðinum,“
segir einn hjúkrunardeildarstjóri. „Við
verðum að fara að svara þeirri spurn-
ingu hvort við viljum halda þessari
þjónustu sem við höfum og er einstök.“
Margrét S. Björnsdóttir, sem situr
fyrir hönd Samfylkingar í stjórnar-
nefnd LSH, telur liggja í augum uppi
að niðurskurðurinn hafi komið niður á
sjúklingum og starfsfólki. Aukið álag
sé á starfsfólk, sem á endanum bitnar
á þjónustu við sjúklinga. Þeir séu
sendir heim veikari en áður og dæmi
séu um að þjónusta við ákveðna hópa
sjúklinga hafi skerst verulega. Nýlegt
dæmi sem tekið var upp á Alþingi um
þetta eru parkinson-sjúklingar sem fá
meðferð á taugalækningadeild. Jón
Kristjánsson heilbrigðisráðherra
lýsti því yfir í fjölmiðlum í apríl að
unnið yrði að því að bæta aðstöðu fyr-
ir sjúklinga á deildinni og sagðist
Margrét gera ráð fyrir að unnið væri
að áætlunum um það.
Aukin framlög vegna viðhalds
Í rekstraráætlun LSH fyrir 2005 er
gert ráð fyrir ýmsum sparnaðarað-
gerðum. Í fjárlagaerindi spítalans
fyrir 2006 er á það bent að íbúum á
höfuðborgarsvæðinu fjölgi umfram
meðalfjölgun á landinu, Íslendingum
fjölgi í heildina og þá sérstaklega
öldruðum. Að auki mun einstakling-
um með ákveðna sjúkdóma fjölga, til
dæmis er því spáð að einstaklingum
með krabbamein muni fjölga umtals-
vert á næstu árum. Tillaga er gerð um
raunaukningu rekstrarútgjalda
ásamt því að farið er fram á aukin
framlög vegna viðhaldsframkvæmda
s.s. varðandi auknar sýkingavarnir og
tækjakaup.
„Ég held að stjórnvöld hafi viljað fá
sparnaðinn af sameiningunni of
fljótt,“ segir Anna Lilja. „Á tímabili
var sameiningin í fullum gangi, tvö-
földun víða og verið að gera margt
sem krafðist peninga. Fimm ár eru
ekki langur tími í sameiningarferli.
Sameiningin er að megninu til búin
miðað við öll þessi hús sem við erum í.
Við getum ekki mikið meira gert
þangað til við förum undir eitt þak.“
MORGUNBLAÐIÐ MÁNUDAGUR 13. JÚNÍ 2005 17
800 7000 - siminn.is
E
N
N
E
M
M
/ S
IA
/ N
M
16
6
8
6
Motorola V3 síminn er ekki bara
einstaklega flottur, þunnur og nettur
heldur er hann búinn öllum helstu
kostum sem prýða GSM síma í dag.
Léttkaups-
útborgun
og 2.000 kr. á má
nuði
í 12 mánuði
Verð aðeins 28.98
0 kr.
Einungis fyrir GSM
-kort frá Símanum
Motorola Razr V3
4.980
• Glæsileg hönnun
• Stafræn myndavél (VGA, 640x480)
• Hi-res skjár
• MP3 hringitónar
• Fjögurra banda, (quad band,
850, 900, 1800, 1900 MHz)
Með öllum G
SM tilboðum

fylgja grúví
símalínuska
utar
á 2.000 kr.
Hlífar fylgja
með.*
*Tilboð gild
ir meðan bi
rgðir endas
t. 2.000 KAL
L