Morgunblaðið - 23.07.2005, Blaðsíða 19

HNLFÍ 50 ÁRA | 19
HNLFÍ hefur lagt mikla áherslu á
sjúkranudd og vatnsmeðferðir og
þar starfa sjö löggiltir sjúkranudd-
arar ásamt þaulvönu starfsfólki við
heilsuböð, stuttbylgjur og leirböð.
Sigurður B. Jónsson er yf-
irsjúkranuddari Heilsustofnunar.
Hann segir að sjúkranudd , hita-
meðferðir, slökun, nálastungur og
böð bæti jafnt líkamlegt sem and-
legt ástand.
Sjúkranudd er meðhöndlun á
mjúkvefjum líkamans. Klassískt
nudd er grunnurinn í sjúkranuddi
en sjúkranuddarar beita ýmsum
öðrum aðferðum samhliða því, t.d.
teygjum, trigger-punktameðferð,
rafmagnsmeðferð og vatns-
meðferð. Sigurður segir að sjúkra-
nudd sé ekki aðeins notað í með-
ferð heldur sé það einnig
fyrirbyggjandi og komi í veg fyrir
ýmis sjúkdómseinkenni og óþæg-
indi. 75%-80% dvalargesta eru í
sjúkranuddi.
Hann nefnir einnig að í leir-
böðum sé djúpur hiti sem slakar á
vöðvum og linar verki í stoðkerfi.
Þau hafa góð áhrif á psoriasis og
önnur húðvandamál. Heilsubað er
slakandi bað þar sem hægt er að
velja á milli mismunandi olía. Kvef-
bað hefur góð áhrif á óþægindi í
öndunarfærum. Kamillubað flýtir
fyrir að sár grói og er gott fyrir
húðina. Greninálabað er gott fyrir
gigtarsjúklinga og þá sem eru und-
ir álagi, þjást af streitu og/eða
svefnleysi. Slökunarbað hefur ró-
andi áhrif og dregur úr streitu, of-
þreytu og mígreni. Gigtarbað linar
verki í stoðkerfi .
„Svokölluð víxlböð felast í því að
fara í heitt vatn (38) og kalt (14) á
víxl, en það víkkar út og dregur
saman æðar,“ segir hann og bætir
við að þau séu staðbundin blóðrás-
arþjálfun fyrir fætur. „Þau vinna á
þreytu og pirringi í fótum og bæta
göngugetu.“
Sigurður nefnir nokkrar gerðir
af nuddi. Partanudd er t.a.m. með-
ferð fyrir valda líkamshluta og
hentar vel t.d. við vöðvabólgu í
hálsi, herðum og baki. Heilnudd er
meðferð fyrir allan líkamann. Það
er spennulosandi og eykur blóð-
flæði til vöðvanna. Auk þess vinn-
ur það á vöðvabólgu og þreytu í
líkamanum. Slökunarnudd er slak-
andi og streitulosandi meðferð þar
sem allur líkaminn er nuddaður og
er það gott fyrir þá sem þjást af
svefnleysi og/eða streitu.
Aðgangur almennings
Nú hefur verið ákveðið að bjóða
gestum og gangandi að koma í
meðferð á HNLFÍ virka daga frá kl.
08.00 til 15.00, á laugardögum frá
kl. 10.00 til 18.00 og sunnudögum
frá kl. 13.00 til 18.00. Sú meðferð
sem er í boði er nudd, heilsuböð,
leirböð, sund, heitir pottar, víxlböð
og gufa. Markmið meðferðarinnar
er að fá fólk til að staldra aðeins
við, hvílast og að losa um spennu í
líkamanum. Til að fá sem mest út
úr meðferðinni er mjög gott að
byrja á því að fara í heitan pott,
gufu eða gera léttar æfingar í
lauginni og er sú aðstaða innifalin
ef farið er í nudd, leirböð eða
heilsuböð. Tilvalið fyrir ein-
staklinga, að sögn Sigurðar, einnig
fyrir hópa og sem hluti af óvissu-
ferð. Hægt er að kaupa gjafabréf
og fást nánari upplýsingar um það
í síma HNLFÍ, 483–0300.
Meðhöndlun á
mjúkvefjum líkamans
Sjúkranudd er einnig fyrirbyggjandi meðferð
Sigurður B. Jónsson er yfirsjúkranuddari Heilsustofnunar.
Gönguhópur var að búa sig til göngu, en farið er í
gönguferðir á Heilsustofnun alla virka daga. Skipt
er í fjóra hópa. Sá fyrsti tekur létta göngu á stétt-
um fyrir utan húsið, sá næsti fetar sig lengra en
gengur á jafnsléttu, sá þriðji gengur á mishæð-
óttu og sá fjórði fer í fjallgöngur. Blaðamaður
ræddi við nokkra sem voru að búa sig undir
göngu. „Það er meiriháttar að vera hérna, mat-
urinn er mjög góður og starfsfólkið yndislegt,“
sagði einn og annar bætti við: „Hér er unnið eftir
þörfum hvers og eins og farið dýpra inn í öll mál
en ella.“
Meiriháttar
gönguhópar