Morgunblaðið - 23.07.2005, Blaðsíða 13

HNLFÍ 50 ÁRA | 13
Markmið meðferðar á Heilsustofnun NLFÍ
er að viðhalda eða auka færni til sjálfs-
hjálpar, auka lífsgæði og auka hæfni til að
lifa sem eðlilegustu lífi þrátt fyrir sjúk-
dóma. Á Heilsustofnun fer fram margvísleg
meðferð og endurhæfing, oftast vegna
stoðkerfisverkja. Kristján G. Guðmundsson
er yfirlæknir á Heilsustofnun. Hann er sér-
fræðingur í heimilislækningum og doktor í
læknisfræði með áherslu á faraldsfræði
stoðkerfissjúkdóma. Skjólstæðingar hans,
og Halldórs Jónssonar læknis, koma til
meðferðar af ýmsum ástæðum. Um er að
ræða öldrun, þunglyndi, lífskreppur, kvíða,
verki, gigt, offitu, hjartasjúkdóma, reyk-
ingar, streitu, afleiðingar slysa, og endur-
hæfingu eftir krabbameinsmeðferð.
„Starfsemin lýtur m.a. að sjúkraþjálfun
og endurhæfingu sjúklinga eftir lið-
skiptaaðgerðir,“ segir Kristján og nefnir
einnig verkjasjúklinga. Þá ber að nefna
sjúkdóma sem skapast vegna lífsstílsvanda-
mála. „Áherslan er á hreyfiþjálfun, t.d. fyrir
hjartasjúklinga, og aldraða svo þeir geti
verið sjálfbjarga sem lengst í heimahúsi,“
segir Kristján.
Árið 2004 voru 1.658 sjúklingar á Heilsu-
stofnun og var meðalaldur þeirra 64 ár en
aldursbilið var frá 18 til 91 árs. Sjúklingar
koma með beiðni frá læknum um dvöl á
Heilsustofnun í Hveragerði og fara þeir allir
í skoðun hjá lækni sem skipuleggur með-
ferðina. „Grunnurinn er hreyfiþjálfun og
að auka líkamsþrek, þá er lögð áhersla á
hitameðferð.
Kristján segir að faghópar á Heilsustofn-
un vinni saman í teymisvinnu þar sem skipst
er á faglegum sjónarmiðum og reynt að
nálgast vanda sjúklinga frá sem flestum
hliðum. „Við erum stöðugt með árangurs-
mat í gangi,“ segir Kristján, „það er mark-
tækur bati hjá þeim sem hingað koma,
þorri sjúklinga sýnir góðar framfarir.“
Nýta hita og vatn til lækninga
Sérstaða náttúrulækninganna er að nýta
hita og vatn til lækninga í formi leirbaða
eða ilmkjarnaolíubaða. Einnig er í boði
sjúkranudd og nálastungur. Þá er einnig
boðið upp á samtalsmeðferð. „Reynt er að
draga úr lyfjagjöf og nota aðrar aðferðir í
staðinn eins og hreyfingu og slökun ásamt
fræðslu,“ segir hann, „margir þurfa að lifa
áfram með sjúkdómi sínum og þá er
fræðsla mikilvæg og að sjúklingar kunni
leiðir til að lifa með sjúkdómnum“.
Leirböð Heilsustofnunar eru sérstæð. Þau
gefa djúpan hita og eru vöðvaslakandi.
Rannsóknir á leirnum eru aftur á móti
flóknar, dýrar og tímafrekar. Efnasamsetn-
ing hans og jarðfræði er kunn og vitað að
leirinn er sýkladrepandi.
„Það eru fleiri leiðir til en lyf,“ segir Krist-
ján og nefnir að stefna Heilsustofnunar
hafi ávallt verið að einstaklingurinn beri
ábyrgð á eigin heilsu, en okkar hlutverk er
að benda á leiðir til heilsueflingar og for-
varna í samræmi við bestu vísindaþekkingu
hvers tíma.
Leggjum stöðugt
mat á árangur
Það eru til fleiri leiðir en lyf
Kristján G. Guðmundsson, yfirlæknir HNLFÍ.
Í tækjasal Heilsustofnunar
var Þráinn Sigurðsson frá
Hveragerði á hlaupabretti.
„Ég hef búið hér lengi, ég bý
í húsi hér á hælinu og líkar
vel það sem boðið er upp á,“
segir hann. Þórarinn kemur
hingað annan hvern dag.
Hann segist fara hringinn á
milli tækja í salnum og líka
ágætlega við hlaupabrettið.
Þórarinn keypti eitt af þjón-
ustuhúsum ÍAV sem eru á lóð
Heilsustofnunar.
Fer hring
í salnum
Þráinn Sigurðsson frá Hveragerði.

Í Heilsustofnun Náttúrulækninga-
félags Íslands eru nýjustu aðferðir í
nútíma læknisfræði tengdar nátt-
úrulækningum.

Heilbrigðir lífshættir draga úr lyfja-
þörf. Fólk ber ábyrgð á eigin heilsu.
Lágafellsskóli í MosfellsbæFjölbýlishús í GrindavíkBrú yfir Reykjanesbraut Skrifstofubygging í HafnarfirðiSendiráð Íslands
í Kaupmannahöfn
Arkitektastofan Úti og Inni sf. stóð fyrir hönnun leirmeðferðarbygg-
ingar og sundlaugarhúss, ásamt hönnun útisundlaugar, fyrir
Heilsustofnun NLFÍ í Hveragerði sem opnuð var haustið 2003.
Stofan hefur einnig komið að staðsetningu og forhönnun fyrirhug-
aðs endurhæfinga- og meðferðarhúss sem fyrirhugað er að
byggja við stofnunina í náinni framtíð.
Samvinna Úti og Inni og NLFÍ hófst haustið 1999. Fyrr það sama
ár hafði stjórn félagsins falast eftir gögnum um fyrirtækið vegna
fyrirhugaðra framkvæmda í Hveragerði. Eftir vandlega skoðun
ákvað stjórn félagsins að ganga til samninga við Úti og Inni m.a.
vegna reynslu af sambærilegum verkum, s.s. Árbæjarsundlaug
Reykjavík
Arkitektastofan Úti og Inni sf. er alhliða arkitektastofa, stofnuð í
upphafi árs 1989, og er því 16 ára á þessu ári. Stofan er í eigu
Baldurs Ó. Svavarssonar arkitekts FAÍ og Jóns Þórs Þorvaldssonar
arkitekts FAÍ.
Starfsemin fer fram í rúmgóðu eigin húsnæði í Þingholtsstræti 27 í
Reykjavík. Starfsmenn fyrirtækisins fást við öll hefðbundin verkefni
á sviði arkitekta, s.s. hönnun nýbygginga, endurhönnun eldri
bygginga, innanhússhönnun, skipulag eldri byggðar og nýbygg-
ingasvæða, gerð útboðsgagna, áætlana og almennrar ráðgjafar
á sviði arkitekta.
Verkefni stofunnar hafa að miklum meirihluta verið unnin fyrir fyrir-
tæki og sveitarfélög en einnig félagasamtök og einstaklinga.
Eigendur Úti og inni sf. eru félagar í Arkitektafélagi Íslands (FAÍ)
og félagi Sjálfstætt starfandi arkitekta (FSSA)