Morgunblaðið - 16.08.2005, Síða 10

10 ÞRIÐJUDAGUR 16. ÁGÚST 2005 MORGUNBLAÐIÐ
FRÉTTIR
Íslenzkur fiskur
á lúxushótelum
í Malasíu
Úr verinu á morgun
ÞEIR innflytjendur léttvína, sem
Morgunblaðið ræddi við í gær, taka
að mestu leyti undir þá gagnrýni sem
fram kom í vínumfjöllun Steingríms
Sigurgeirssonar í Tímariti Morgun-
blaðsins um helgina á framboð há-
gæðavína í hillum ÁTVR. Steingrím-
ur sagði mörg ef ekki flest betri vín
hafa dottið út úr vöruúrvali ÁTVR og
nú væri orðið vandkvæðum bundið að
fá hágæðavín frá mörgum þekktustu
vínhéruðum heims.
„Hvar eru öll Búrgundarvínin?“
spurði Steingrímur meðal annars í
greininni, sem hefur hlotið mikil og
jákvæð viðbrögð síðan hún birtist.
Hefur tölvupósti rignt yfir greinar-
höfundinn.
Eggert Ísdal hjá Rolf Johansen og
Co ehf. segir framboð gæðavína hafa
stórminnkað frá því í júlí 2003 þegar
reglum ÁTVR var breytt í þá veru að
horfa fyrst og fremst á framlegð í vín-
sölunni. Það hafi orðið til þess að dýr-
ari vín hafi horfið úr hillunum.
„Verst er að þetta hefur orðið til
þess að við höfum hætt viðskiptum
við marga góða birgja. Við höfum
ekki átt möguleika á að koma þeim á
framfæri nema þá helst í veitingahús-
unum en þau eru ekki með nema um
15% af vínsölumarkaðnum. Stefna
ÁTVR er að hafa mikil áhrif á vín-
úrval almennt. Margir birgjar hafa
hætt með toppframleiðendur þar sem
nær ógerningur er að koma vörunum
á framfæri. Það kemur af sjálfu sér að
menn hætta að flytja inn vín þegar
þeir hafa enga möguleika á að selja
þau,“ segir Eggert, sem telur engan
vafa leika á að gæðavínin seldust ef
þeim væri komið betur á framfæri í
verslunum ÁTVR. Erfitt sé að koma
nýjum tegundum að. Hægt sé að fá
nýjar tegundir til reynslu inn í tvær
verslanir, Heiðrúnu og í Kringlunni,
en aðeins í tólf mánuði í senn. Vínin
detti þá sjálfkrafa út af listanum en
eftir aðra tólf mánuði sé hægt að
komast inn aftur.
„Ég stóð í þeirri trú að stefna
stjórnar ÁTVR væri að ýta undir vín-
menningu í landinu. Ef eitthvað er þá
er þetta fyrirkomulag þveröfugt við
stefnu fyrirtækisins. Oft hefur það
hvarflað að manni að ÁTVR sé að
reyna að leggja sig sjálft niður. Ég sé
enga ástæðu fyrir tilveru fyrirtækis-
ins ef það hugsar bara um framlegð
og sölu en ekki það að þjóna fólki,“
segir Eggert.
Gæðavínum ýtt til hliðar
Dominique Plédel Jónsson, mark-
aðsstjóri hjá Eðalvínum, segir fyrir-
komulagið hjá ÁTVR að undanförnu
hafa smátt og smátt ýtt gæðavínum
til hliðar. Einnig sé erfitt að koma
nýjum tegundum að, eitt árið sé eitt
gæðavín á boðstólum og önnur teg-
und frá sama framleiðanda næsta ár-
ið – í sömu tveimur verslunum ÁTVR.
Dominique segist ekki hafa neina
töfralausn á þessu. ÁTVR sé vænt-
anlega að reyna að gera sitt besta og
reyna að koma til móts við þarfir sem
flestra, en betur megi ef duga skal.
Nú hafi enn verið breytt um fyrir-
komulag á sölunni. Þær reglur geti
eitthvað hjálpað til og aukið lítillega
framboð á gæðavínum en áfram sé
eingöngu miðað við framlegð á vín-
tegundunum.
Arnar Bjarnason, eigandi Víns og
matar ehf., segist vel geta tekið undir
þá gagnrýni að gæðavínin fáist vart
lengur hjá ÁTVR. Nýlega sendi hann
forstjóra fyrirtækisins bréf þar sem
nokkrum tillögum að breyttu fyrir-
komulagi var komið á framfæri, m.a.
með því að flokka vín eftir svæðum og
verði, auka aðgang að svonefndum
reynsluvínum, virkja verslunarstjóra
betur við vöruvalið og skipta versl-
unum ÁTVR jafnvel upp eftir vínteg-
undum.
Þegar haft var samband við for-
stjóra ÁTVR í gær, Höskuld Jónsson,
vildi hann að svo stöddu ekki bregð-
ast við grein Steingríms í Tímaritinu.
Innflytjendur gæðavína kvarta undan reglum ÁTVR
Ógerningur að koma
vörunum á framfæri
Morgunblaðið/Golli
Innflytjendur léttvína kvarta undan innkaupareglum ÁTVR og telja að að-
gengi að gæðavínum mætti vera betra. ÁTVR vill ekki svara gagnrýninni.
Í SAMRÆÐU fræðimanna um nátt-
úrusiðfræði sem fór fram á Hólum
sl. föstudagskvöld, þar sem fjallað er
um það sem er rétt og rangt og gott
og illt varðandi samskipti mannsins
við náttúruna, kom fram að nauð-
synlegt sé að skoða umgengni við
náttúruna í sameiginlegu ljósi
margra fræðigreina, svo sem guð-
fræði, heimspeki og náttúrufræði.
Dagskrá Hólahátíðar
verður sífellt fjölbreyttari
„Hlutverk þessara greina er að
hjálpa til við að leiðbeina okkur á
hagnýtan hátt um nýtingu auðlinda
náttúrunnar. Náttúrusiðfræði er
ekki bara fræðigrein, hún hefur líka
hagnýta þýðingu í nútímaþjóð-
félagi,“ segir Þorvarður Árnason
umhverfisfræðingur, sem skipulagði
málþingið, í samtali við Morg-
unblaðið.
Málþingið var haldið á vegum
Guðbrandsstofnunar sem er sjálf-
stæð stofnun þjóðkirkjunnar, Há-
skólans á Hólum og guðfræðideildar
Háskóla Íslands. Skúli Skúlason,
rektor Hólaskóla, segir að málþing
sem þetta sé liður í að efla Hólahátíð
sem fram fór um helgina og um leið
að efla fræðilega umræðu á vegum
skólans, ekki síst á sviði umhverf-
ismála, sem verið hafa mikilvægur
þáttur í starfi hans. Dagskrá
Hólahátíðar verði sífellt fjölbreytt-
ari sem að þessu sinni sjáist í mál-
þinginu um náttúrusiðfræði, tón-
leikum og pílagrímsgöngum sem
voru um helgina auk helgihalds og
hátíðarsamkomu. Segir rektor þetta
eins konar upphitun fyrir viðamikla
dagskrá Hólahátíðar næsta ár sem
tengist 900 ára afmæli staðarins.
Auk Þorvarðar töluðu á mál-
þinginu þau Einar Sigurbjörnsson
guðfræðiprófessor, Jón Á. Kalmans-
son heimspekingur og Sólveig Anna
Bóasdóttir, guðfræðingur og sið-
fræðingur.
Breytt viðhorf til náttúrunnar
Þorvarður segir að í heim-
spekilegri náttúrusiðfræði og vist-
guðfræði sé fjallað um ólíkar grunn-
hugmyndir um tengsl manns og
náttúru og tengsl guðs við náttúruna
og manninn.
„Guðfræðingar og heimspekingar
hafa í æ meira mæli síðustu 30–40
árin beint sjónum að umhverf-
ismálum og þar með hafa orðið til
þessar nýju fræðigreinar, nátt-
úrusiðfræði og vistguðfræði, sem
fjalla um samband mannsins við
náttúruna. Þarna fást fræðimenn við
eina helstu rót umhverfisvandans,
sem er afstaða manna til náttúrunn-
ar, og leita svara við spurningunni
hvernig við getum bætt umgengni
okkar við umhverfið og forðast að
spilla því,“ segir Þorvarður og legg-
ur áherslu á að þessi umræða sé
einnig hafin hérlendis og mikilvægt
sé að auka veg hennar enn frekar og
virkja almenning til þátttöku í henni.
„Viðhorf Íslendinga til náttúrunn-
ar hafa breyst mjög mikið á allra síð-
ustu árum. Umræða um nátt-
úrusiðfræði fer vaxandi hérlendis og
hún veitir okkur leiðsögn í því að
bera virðingu fyrir náttúrunni, öllu
sköpunarverkinu.“
Samræða fræðigreina um umgengni manns við náttúruna var umfjöllunarefni á málþingi á Hólum
Leiðbeining í um-
gengni við náttúruna
og nýtingu hennar
Eftir Jóhannes Tómasson
joto@mbl.is
Morgunblaðið/jt
Þorvarður Árnason heimspekingur var meðal fyrirlesara (t.v.) og Skúli
Skúlason, rektor Hólaskóla, var ráðstefnustjóri.