Morgunblaðið - 28.08.2005, Blaðsíða 23

MORGUNBLAÐIÐ SUNNUDAGUR 28. ÁGÚST 2005 23
ÞEIR Jón Aðalsteinn Þorgeirsson,
sem veitt hefur á urriðasvæðinu í
Laxárdalnum til áratuga og seinni
árin einkum á örsmáar þurr-
flugur, og Emanúel Geir Guð-
mundsson voru fyrr í sumar að
veiðum á efsta veiðistaðnum vest-
an megin í dalnum þar sem heitir
Æsufit og slóst ljósmyndari Morg-
unblaðsins í för með þeim. Þarna
er áin afar stríð og straumhörð og
þeir sem þar setja í væna urriða
neyðast einatt til að elta þá á
harðahlaupum langa leið niður
með ánni að næsta veiðistað fyrir
neðan þar sem heitir Varastaða-
hólmi. Þetta hefur Jón Aðalsteinn
fengið að reyna alloft en hann er
einn af fáum veiðimönnum í svo-
kölluðum „Æsufitjarklúbb“ en það
eru þeir sem lent hafa í svona æv-
intýri.
„Þetta var sennilega í fjórða
eða fimmta skipti sem ég veiði
Æsufitina en þetta var hins vegar
fyrsta Æsufitjarhlaupið og í
fyrsta sinn sem ég set í almenni-
legan fisk þarna,“ segir Emanúel.
„Ég veiddi andstreymis þarna upp
með bakkanum en það gekk ekk-
ert og við sáum engan fisk. Það
var ekkert að gerast. Ég ákvað
síðan að henda aðeins léttum
Black Ghost í þetta rétt þegar við
vorum að fara. Og þá tók hann
strax í öðru kasti, úti í straumskil-
unum og ég sá að þetta var vænn
fiskur, 4–5 pund. Það er svaka-
lega straumþungt þarna og ég sá
Jón Aðalstein einu sinni setja í
stóran fisk á þessum stað og hann
virðist alltaf gera það sama. Hann
hendir sér strax út í beljandi
strauminn og þessi sem ég setti í
gerði það líka. Það er ekkert ann-
að að gera en svíntaka á honum
og eiga á hættu að slíta eða
hlaupa á eftir honum,“ segir Em-
anúel en hann var með létta stöng
fyrir línu 4 en 10 punda taum. „Ég
prófaði eitt sinn 8 punda taum og
gerði það bara einu sinni. Það fór
allt í sundur.“
Harður sprettur urriða
og veiðimanns niður ána
Um tíu mínútna röskur gangur
er frá Æsufitinni niður að Var-
astaðahólma. „En ég var nú að-
eins fljótari en það þegar ég elti
urriðann niður eftir,“ viðurkennir
Emanúel.
Að loknum hörðum spretti nam
urriðinn staðar á hægara vatni
fyrir ofan Varastaðahólma þar
sem Jón Aðalsteinn náði síðan að
háfa hann við mikinn fögnuð
veiðimannsins.
„Þetta var mikið fjör. Og raun-
ar var þessi vakt alveg svakaleg.
Ég byrjaði vaktina á að taka rúm-
lega fimm punda fisk í Auðnu-
hólmakvísl, svo tók ég um fimm
punda fisk í Djúpadrætti og svo
loks þennan en viðureignin við
hann og hlaupið niður með ánni
var mjög eftirminnilegt.“
Æsufitjarhlaup í Laxárdal
Jón Aðalsteinn gefur Emanúel góð ráð áður en kastað er í Æsufitinni.
Emanúel Geir læðist með bökkunum á Æsufitinni í leit að fiski sem gjarna liggur í straumskilunum.
Urriðinn hefur neglt Black Ghost sem Emanúel kastaði svona „rétt í lokin“.
Morgunblaðið/Einar Falur
Ekki var alls staðar mjög þægilegt að fara yfir eins og Emanúel fékk að reyna.
Jón Aðalsteinn hefur náð að háfa urriðann við mikinn fögnuð Emanúels.
STANGVEIÐI
Eftir Arnór Gísla Ólafsson og
Einar Fal Ingólfsson
veidar@mbl.is
Fáðu fréttirnar
sendar í símann þinn