Morgunblaðið - 28.08.2005, Blaðsíða 14

14 SUNNUDAGUR 28. ÁGÚST 2005 MORGUNBLAÐIÐ
Búum til Við leggjum upp í fundaferðog bjóðum öllum íbúum
Reykjavíkur að taka þátt
í spennandi umræðum um
framtíð borgarinnar.
Búum saman til betri borg.
www.betriborg.is
Mánudaginn 29. ágúst kl. 20.00:
Laugarnes og Langholt -
Laugum, Sundlaugavegi 30.
Þriðjudaginn 30. ágúst kl. 20.00:
Grafarvogur -
Rimaskóla, Rósarima.
Miðvikudaginn 31. ágúst kl. 20.00:
Miðborg, Vesturbær, Austurbær -
Hótel Borg, Pósthússtræti 11.
Fimmtudaginn 1. september kl. 20.00:
Árbær, Selás, Ártúnsholt -
Fylkishöllinni, Fylkisvegi 6.
Mánudaginn 5. september kl. 20.00:
Breiðholt -
Menningarmiðstöðinni Gerðubergi, Gerðubergi 3-5.
Miðvikudaginn 7. september kl. 20.00:
Háaleiti, Fossvogur, Hlíðar -
Kringlukránni, Kringlunni.
Fimmtudaginn 8. september kl. 20.00:
Kjalarnes -
Fólkvangi.
Fimmtudaginn 8. september kl. 20.00:
Grafarholt -
Holtakránni, Kirkjustétt 2-6.
Guðrún Ebba
Kjartan
Bolli
Vilhjálmur
Kristján
Lítill drengur tekur á móti aðkomumann-inum. Hann er óhræddur og sýnir eng-in merki feimni. Stafræn myndavélgestsins vekur strax forvitni. Hann vill
skoða myndinar, sem hafa verið teknar og láta
taka myndir af sér. Eftir smá tilsögn byrjar
hann síðan sjálfur að taka myndir. Drengurinn
heitir Tian Long Long og er fjögurra ára.
Hann fæddist með sjúkdóm, sem nefnist spina
bifida og lýsir sér þannig að einn hryggjarliður
eða fleiri ná ekki að þroskast og verja því ekki
mænuna og hefur leitt til þess að hann stjórnar
hvorki hægðum né þvagláti. Hann er einnig
með klumpufætur. Hann er einn af ellefu börn-
um, sem dvelja á heimilinu Blue Sky í norð-
austurhluta Peking. Hann hefur nú þegar farið
í aðgerðum bæði vegna mænugallans og fót-
anna. Glaðvært yfirbragð hans ber hins vegar
ekki sjúkdómum hans og fötlun vitni.
Eftir smá tíma kemur annar drengur að.
Hann heitir Jian Gong og er sjö ára. Hann hef-
ur farið í aðgerðir vegna snúinna fóta og er
einnig fatlaður á höndum. Hann dvaldi á heim-
ili fyrir þroskaheft börn, en starfsfólkið á Blue
Sky telur að hann sé greindur. Hann hafi hins
vegar enga menntun hlotið og ekki einu sinni
séð sjónvarp. Hann var fluttur til Peking til að
athuga hvort hægt væri að laga á honum fætur
og hendur og mennta hann í örvandi umhverfi.
Jian Gong er alveg jafn forvitinn um mynda-
vélina, vill skoða hana og prófa. Hann hræðist
ekki ókunnuga frekar en Tian Long Long.
Stofnað til að hjálpa munaðarlausum börnum
Drengirnir tveir eru meðal 11 barna, sem nú
dvelja á Blue Sky. Heimilið var stofnað til að
hjálpa munaðarlausum börnum, sem eiga við
sjúkdóma og fötlun að stríða og koma þeim
undir læknishendur.
Stofnendur Blue Sky heita Molly Albers og
Tania Suhandinata. Albers er sjúkraþjálfari
frá Bandaríkjunum. Hún hefur verið í Kína frá
2001 og heimsótt munaðarleysingjahæli um
allt land.
Suhandinata er frá Singapore og gerðist fyr-
ir tveimur árum sjálfboðaliði hjá Alþjóða-
nefndinni fyrir kínverska munaðarleysingja í
Peking (BICCO), samtaka um 100 erlendra
kvenna, sem fara á milli heimila fyrir mun-
aðarleysingja. Þær höfðu báðar fundið til með
fötluðum og sjúkum börnum, sem þurftu á
hjálp að halda. Þegar Suhandinata var einu
sinni sem oftar að ræða við mann sinn um
áþján munaðarleysingjanna í Kína lagði hann
til að þau stofnuðu einfaldlega heimili til að
hjálpa þeim og í staðinn fyrir að skiptast á dýr-
um brúðkaupsgjöfum legðu þau peningana
sína í verkefnið.
Niðurstaðan var Blue Sky. Þangað fá þær
börn af munaðarleysingjahælum, sjá annast
þau og koma undir læknishendur. Börnin geta
verið það fötluð að flóknar aðgerðir þarf til að
lækna þau. Heimilið var opnað í júní 2004 og
hefur hjálpað rúmlega 30 börnum. Þegar börn-
Börnum bjargað
Anna Sveinsdóttir heldur á Luo Fei á Blue Sky-heimilinu. Hann fæddist
tvíkynja og hefur verið í hormónameðferð og bíður uppskurðar.
Tian Long Long borðar hádegismat. Hinum megin við borðið situr Jian
Gong. Drengirnir hafa báðir þurft að gangast undir erfiðar aðgerðir.
Það þarf svo lítið til að gefa barni
möguleika, sem átti enga áður, segir
Anna Sveinsdóttir leikskólakennari,
sem unnið hefur sem sjálfboðaliði
með munaðarlausum börnum í Pek-
ing. Karl Blöndal heimsótti Blue Sky
þar sem fötluðum og veikum kín-
verskum börnum er hjálpað og ræddi
við Önnu um sjálfboðaliðsstarfið.