Morgunblaðið - 16.06.2005, Blaðsíða 17

17
VIÐTALIÐ
Ingvar Helgi Kristjánsson
Ingvar Helgi Kristjánsson er for-
maður Brettafélags Reykjavíkur,
sem stofnað var í kringum þá sem
stunda hjólabretti. Félagið sem
leit fyrst dagsins ljós árið 1996 er
ekki umfangsmikið í rekstri og
frekar óformlegt í flesta staði að
sögn formannsins sem gegnt hef-
ur embættinu í tvö ár. Ingvar sér
m.a. um daglegan rekstur Skeit-
parksins í Héðinshúsinu og að
skipuleggja mót sem haldin eru
nokkrum sinnum á ári. „Það er
mikið að gerast í þessum bransa í
dag; sumt gott en annað mjög
vanhugsað,“ segir Ingvar og bætir
við að opnun Skeitparksins í Héð-
inshúsinu hafi verið hápunkturinn
í brettamenningunni það sem af
er þessu ári. „Skeitparkið var opn-
að fyrir tveimur og hálfu ári en
var einungis starfrækt í eitt ár áð-
ur en því var lokað af öryggis-
ástæðum. Ári eftir lokunina, í
mars á þessu ári, þegar talsverðar
endurbætur höfðu verið gerðar á
húsnæðinu var parkið opnað aft-
ur. Aðstaðan í Héðinshúsinu skipt-
ir okkur miklu máli, enda veð-
urfarið frekar ótraust fyrir
hjólabrettaiðkun.“
Hvernig fjármagnið þið rekst-
urinn?
„Með fjárframlögum og styrkjum;
en fjármagnið er lítið. Ég get
nefnt fyrirtæki eins og verslunina
Brim og Orkuveituna sem hafa
styrkt okkur dyggilega. Svo borg-
ar ÍTR leiguna í Héðinshúsinu sem
hefur mikið að segja.“
Nú virðast ramp-pallar spretta
upp eins og gorkúlur víða um
landið, er það ekki af hinu góða?
„Jú, ekki spurning. Það sem er
hins vegar sorglegast við þetta
allt saman er að mörg sveit-
arfélögin tala ekkert við okkur
áður en þau eyða mörgum millj-
ónum í ramp-palla sem takmark-
að er hægt að nota.“
Aðspurður um bæjarfélag sem
hefur staðið sig hvað best í stykk-
inu nefnir Ingvar Mosfellsbæ sem
fékk Troels Jörgensen til að hanna
og smíða nýja parkið.
Troels Jörgensen
Troels tekur undir orð Ingvars og
segir að um margt þurfi að hugsa
þegar settir eru upp ramp-pallar.
„Mikilvægt er að setja upp pall-
ana á vönduðum grunni og þess
vegna skiptir undirlagið öllu máli.
Nauðsynlegt er að steypa undir
pallana, en ekki bara skella þeim
ofan á ósléttan flöt með fullt af
grjóti og holum í,“ segir hann.
Troels er reynsluboltinn í hópn-
um, ættaður frá Danmörku en á
íslenska kærustu. Hann er vinsæll
og vel kynntur í Danmörku og er
sagður hafa mikil áhrif á íslensku
skeitmenninguna þrátt fyrir að
hafa einungis búið hér í stuttan
tíma. „Ég kom til landsins fyrir
tveimur árum og stunda nú nám í
grafískri hönnun við Listaháskóla
Íslands.“
Troels er mikill brettamaður og
hefur stundað sportið í 17 ár og
tekið þátt í fjölmörgum keppnum
víðsvegar um heiminn. Hann sigr-
aði í eldri flokki á síðasta móti
sem haldið var í mars á vegum
Brims og Brettafélags Reykjavíkur
og gefur yngri krökkunum lítið
eftir, en allmörg góð ráð.
Er mikill munur á aðstæðunum
hér og í Danmörku?
„Já, töluverður. Aðstæðurnar
mættu vera betri hér en við redd-
um okkur alltaf, enda hægt að
skeita nánast hvar sem er á
steypu.“
Hvernig er félagsskapurinn í
þessu?
„Bara mjög fínn. Þetta er mikið
hópsport þar sem lítið er um met-
ing og innbyrðis keppni.“
Hvað þarf sigurvegarinn til
brunns að bera að mati Troels?
„Sá sem sigrar er sá sem hefur
mest gaman af þessu og æfir sig
mest. Eins einfalt og það hljóm-
ar.“
Aðspurður um björtustu vonina
liggur ekki á svari hópsins og
benda þau öll á Ómar.
Ómar „Snake“ Ómarsson
Ómar er fimmtán ára en hefur ver-
ið á bretti frá unga aldri. Hann er
búsettur á Akureyri og en segist
nota flest þau tækifæri sem hon-
um býðst til að koma suður og
skeita með hópnum hér. Ómar hef-
ur sigrað í allnokkrum keppnum
hér á landi, m.a. í keppninni í mars,
sem nefnd er hér að framan, í sín-
um aldurshóp eða fimmtán ára og
yngri. Ómar tekur ekki undir þá
staðhæfingu að hjólabrettaiðkun
sé hættulegt sport. „Það halda allir
að þetta sé hættulegt en það er
bara ekki rétt. Ég held að það séu
til dæmis miklu meiri meiðsli í fót-
boltanum en í þessu,“ segir hann.
En hvernig er aðstaðan fyrir skeit-
ara á Akureyri?
„Ömurleg, en það er reyndar að
koma einhver pallur. En ekkert sem
lagt hefur verið neina hugsun í,
bara eitthvað staðlað.“
Hvað með stelpur, eru fáar stelpur í
þessu?
„Já, mun færri en strákarnir og
þær mæta t.d. aldrei í neinar
keppni eða þannig,“ segir Ómar og
Ingibjörg tekur við.
Ingibjörg Finnbogadóttir
„Ég held þetta sé ekki spurning um
að mæta, okkur er ekkert boðið
upp á að keppa með strákunum.
Ég er reyndar ekki að gera þetta af
því ég ætli í atvinnumennsku eða
1
2
1.
Ingvar Helgi
Kristjánsson
2.
Troels Jörgensen
Það er mikið að gerast í þessum bransa í dag; sumt gott en
annað mjög vanhugsað