Morgunblaðið - 16.06.2005, Blaðsíða 31

Hvernig hefurðu það?
Ég hef það alveg unaðslegt um
þessar mundir.
Af hverju Keflavík?
Af því að ég fæddist þar, og ég
elska mitt nánasta umhverfi.
Hver er besti tónlistarmaðurinn?
Erfið spurning, það koma margir
til greina. Ray Charles, Jimi
Hendrix, Þórir Baldursson og fleiri
og fleiri.
Hvaða persónu lítur þú mest upp
til?
Jesú, Elvis, Lennon, Ghandi og
Guðsins í sjálfum mér.
Hver er uppáhaldsdrykkurinn
þinn?
Vatn, Guinness og Malt whiskey.
Dagurinn þegar allt fór í vitleysu
var þegar…
Ég var á leið að spila, lenti í rann-
sókn, fór í hjartaaðgerð í beinu
framhaldi og endurhæfingu, sem
reyndist svo dulbúin gæfa þegar
allt var yfirstaðið. Kannski var
þetta ekki nein vitleysa!
Hvað er ást?
Mikil vinna og unaðslegt verkefni
fyrir lífstíð.
Hverjir eru kostir þínir?
Umburðarlyndi, heiðarleiki, kær-
leiksríki, gjafmildi og hógværð í
þokkalegu jafnvægi.
En gallar?
Fljótfær, hjólbeinóttur og hjarta-
gallaður frá fæðingu.
Hvað er það besta sem þú veist?
Að geta glatt aðra og vera elsk-
aður og virtur af mínum nánustu
og verulega langt út fyrir það.
Hvernig er að eldast?
Algjör unaður. Maður öðlast meiri
dýpt og skilning á öllu sem skiptir
máli (það er málið).
Hvaða eiginleika kanntu best að
meta í fari fólks?
Heiðarleika, skopskyn, hrein-
skipti, dug, fallegt og heilsteypt
bros, jákvæðni.
Hvað líkar þér verst?
Óheiðarleiki, húmorsleysi, hræsni,
leti, falskt bros og neikvæðni.
Hvað er fullkomin hamingja?
Að vera sáttur við sjálfan sig og
verkin sem maður skilur eftir sig
og bera djúpa virðingu fyrir Móð-
ur Jörð.
Hvað óttastu mest?
Ófrið og stríðsástand og allan við-
bjóðinn og hryllinginn sem fylgir
því.
Hvað er ofmetið?
Skoðanakannanir.
Hver er fallegasta konan?
Konan mín og svo nokkrar kyn-
bombur eins og Marilyn, Kim og
Birgitta.
Súrt eða sætt?
Súrt og sætt í góðu jafnvægi.
Svart eða hvítt?
Svart og hvítt eru alveg frábærir
litir. Ég er meira fyrir svart en er
hrifinn af hvítum hröfnum.
Hvað ráðleggur þú ungu fólki í
dag?
Að vera heiðarleg, skapandi, hafa
reglu á óreglunni og ná góðu
jafnvægi.
Hvað er tónlist?
Töfrar, ljúfsárir töfrar sem snerta
allt tilfinningarófið og bregðast
manni aldrei.
HVÍTIR HRAFNAR
RÚNAR JÚLÍUSSON
En gallar? Fljótfær, hjólbeinóttur og
hjartagallaður frá fæðingu
31
SPURT OG
SVARAÐ
Mynd
Helgi Snær