Morgunblaðið - 16.06.2005, Blaðsíða 26

26
INNLIT
ristín Ninja Guðmunds-
dóttir er 22 ára lög-
fræðinemi og býr í fal-
legri risíbúð við Hverfisgötu.
Íbúðina keypti hún sér í október
á síðasta ári. Í miðbæ Reykjavík-
ur er mikið til af vel varðveittum
gömlum húsum og má segja að
húsið sem Kristín býr í sé eitt
slíkt.
Húsið, sem er timburhús klætt
bárujárni, var byggt í byrjun 20.
aldarinnar en fékk andlitslyft-
ingu á tíunda áratugnum.
„Þetta er fyrsta íbúðin mín en ég
var ekki í nokkrum vafa með
hana. Það sem heillaði mig við
íbúðina var fyrst og fremst stað-
setningin og einnig hversu hátt
er til lofts. Svo varð ég strax
mjög hrifin af eldhúsinu, sem er
stórt og rúmgott. Íbúðin virkaði
mjög hlýleg á mig frá byrjun,“
segir Kristín.
Hún segir íbúðina mjög hentuga
fyrir matarboð. Hún sé dugleg
að bjóða vinum og ættingjum í
mat og svo sé hún í matarklúbb
með bekkjarsystrum sínum sem
hittast á miðvikudagskvöldum og
elda saman. „Við eldum bara
fiskrétti og aðallega upp úr Fisk-
bók Hagkaupa. Bókin er frábær í
alla staði og erum við nánast
búnar að elda okkur í gegnum
hana. Hráefnið verslum við svo í
fiskbúðinni Vegamótum,“ segir
Kristín.
Innbúið fékk Kristín svona hér
og þar. „Eldhúsborðið og stólana
fékk ég í Línunni eftir mikla leit.
Allir diskar eru úr Ikea, en ég hef
líka verslað talsvert í Kokku. Inn í
stofu blanda ég gömlu og nýju,
sófa úr Habitat, borði úr Ikea og
stólum, sem ég hef látið gera
upp og klæða, sem ég fékk frá
ömmu og afa.“ Aðspurð um
gardínur eða gardínuleysið segist
Kristín vilja njóta birtunnar og á
meðan hún hafi ekki ennþá
fundið flottar gardínur vilji hún
bara hafa þetta svona. ,,Ég er
reyndar ennþá með jólaseríurnar
hangandi í eldhúsinu en það er
með ráðum gert því mér finnst
svo flott birtan frá þeim á kvöld-
in.“
Varðandi staðsetningu íbúðar-
innar segist Kristín mikið sækja í
nánasta umhverfi og skreppa oft
á Vegamót og önnur kaffihús í
nágrenninu. ,,Það er æðislegt að
búa svona miðsvæðis. Ég er alin
upp í vesturbænum og kunni vel
við mig þar. Í framtíðinni mun ég
eflaust sækja aftur þangað en ég
gæti líka vel hugsað mér að
kaupa land fyrir utan Reykjavík
og byggja þar hús. Ég væri alveg
til í að vera nálægt náttúrunni
og í barnvænna umhverfi.“
101 REYKJAVÍK
GAMALT Í BLAND VIÐ NÝTT
K
Ég er reyndar ennþá með jólaseríurnar hangandi
í eldhúsinu en það er með ráðum gert því mér
finnst svo flott birtan frá þeim á kvöldin
Umsjón
Kristrún Helga
Hafþórsdóttir
Texti
Elínrós Líndal
Myndir
Sigurjón Guðjónsson