Morgunblaðið - 16.06.2005, Blaðsíða 22

22
Í KAFFI
BANKINN
Á miðju gólfinu stendur útigrill. Risavaxið gas-
grill. Þessi uppstilling væri ef til vill ekki svo út
úr kú í Byko eða á bensínstöð, en við erum
stödd inni í hinni fornfrægu bókaverslun Máls
og menningar við Laugaveg. Gasgrillið er um-
kringt stöndum sem sýna allt frá sniðugum
kaffikönnum („Beer – connecting people…“) til
ísskápasegla og sparibauka. Og svo er hægt að
gera reyfarakaup á… reyfurum. „Búðin um-
turnast öll á sumrin, enda fyllist þá bærinn af
túristum sem hafa mikinn áhuga á því að kaupa
boli með mynd af lundum eða víkingalykla-
kippur. Grillið er reyndar hérna í tilefni af mat-
reiðslubók sem við erum að kynna þessa dag-
ana. Mál og menning er þó fyrst og fremst
bókaverslun, eins og sést þegar stigið er úr and-
dyrinu.“
Kristján Freyr Halldórsson, bóksali, Hnífsdæl-
ingur og trommari, býður í kaffi á þriðju hæð
verslunarinnar og segir frá búðinni. Þrátt fyrir
að hann sé ugglaust ágætis aðstoðarversl-
unarstjóri ber hann með sér að starf fjölmiðla-
fulltrúa hentaði honum jafnvel enn betur. Hann
er tungulipur að hætti sölumanna og virðist
hafa algera yfirsýn yfir starfsemi verslunarinnar.
„Búðin verður svolítið eins og tyrkneskur basar
á sumrin, bæði hvað varðar vöruúrval og um-
ferð. Ferðamenn sækja rosalega hingað yfir
sumarið, stundum myndast röð fyrir utan áður
en við opnum klukkan níu. Þeir kaupa voða
mikið frímerki, lunda og lyklakippur, en Íslend-
ingasögurnar og þýddar íslenskar skáldsögur
eru líka alltaf vinsælar.“
Hverju mælir Kristján með?
Frá svölunum í Máli og menningu sést vel yfir
verslunina. Húfuklædd höfuð goretexklæddra
ferðamanna stinga nokkuð í stúf við föstudags-
sólina sem úti skín, en stuttbuxur innfæddra og
pils eru svo sem ekki í takt við hitastigið heldur.
Allt jafnast út á endanum, einhvern veginn.
„Að túristavörunum undanskildum eru kilj-
urnar helsta söluvaran yfir sumartímann, það
hefur orðið mikill og ánægjulegur skurkur í
þeim útgáfumálum upp á síðkastið,“ segir Krist-
ján og bendir á borð sem á hvíla ódýrar útgáfur
af um hálfsársgömlum jólabókunum. Þarna
liggja þau Bragi, Auja, Eiríkur og Stefán og bíða
átekta í sumarbústaðnum eða úti á palli. Krist-
ján þekkir eins og áður sagði búðina eins og
handarbakið á sér og tekur vel í að segja frá
vörum sem minna fer fyrir en Arnaldi og Rowl-
ing.
Söngur Riddarans: Sungin ljóð Páls
Ólafssonar – Ragnheiður Ólafsdóttir
og Þórarinn Hjartarson
„Þessi plata kom út fyrir þremur eða fjórum ár-
um og fór heldur lágt. Við settum hana á fón-
inn af rælni og höfðum gaman af; þegar fólk
heyrði hana hljóma hérna byrjaði hún að rjúka
út. Platan er enda frábær. Síðan þá hefur hún
selst jafnt og þétt í krafti umtals og orðspors –
um þessar mundir selst hún hérna svipað og
Mugison.“
90 sýni úr minni mínu –
Halldóra Kristín Thoroddsen
„Þessi bók samanstendur af skemmtilegum
litlum sögum og er algjör unaður. Ég hló mig
máttlausan,“ segir Kristján og les upphátt úr
henni prósa um konu sem krunkar á svölum
menntamálaráðuneytisins. Sá lofar góðu.
Culinaria-bækurnar (t.d. Italy – Spain – Greece)
„Þrátt fyrir að Culinaria-bækurnar snúi fyrst og
fremst að matargerð má eins skoða þær sem
ljósmyndabækur, uppsláttarrit eða jafnvel
ferðahandbækur. Farið er í matargerðarlist til-
tekinna landa af mikilli nákvæmni, eftir hér-
öðum, hráefni o.fl., á litríkan og skemmtilegan
hátt. Bækur úr þessari seríu er alltaf gaman að
skoða.“
Comrade Rockstar – Reggie Nadelson
„Þessa kilju lánaði Óttarr Proppé mér á dög-
unum. Hún fjallar um Bandaríkjamanninn Dean
Reed, sem var á sínum tíma skærasta rokk-
stjarna Sovétríkjanna, og sovéska rokkmenn-
ingu almennt. Virkilega áhugaverð bók.“
Kind
„Já, ég mæli með kindum þessa dagana. Mér
þykir forskotið sem lundarnir hafa haft á þær í
bola- og bangsasölu vera ósanngjarnt. Kindur
eru þjóðlegar og skemmtilegar; hér er hægt að
fá kindaboli, -bolla, -lyklakippur og jafnvel der-
húfur. Ég spái því að kindin komi sterkar inn í
sumar, líkt og ullarpeysan.“
Í KAFFI
HJÁ KRISTJÁNI Í MÁLI OG MENNINGU
Rúnar Már Sigurvinsson er 23
ára Keflvíkingur sem er á leið-
inni í nám við Háskólann í
Reykjavík næsta haust. Tölu-
verður kostnaður fylgir því að
hefja háskólanám auk þess sem
Rúnar gerir ráð fyrir því að
flytjast búferlum til Reykjavíkur.
„Þetta er frekar dýrt þegar litið
er á heildarpakkann. Skóla-
gjöldin sjálf eru minnsti hlutinn
í raun, allar bækurnar og nátt-
úrulega reksturinn á manni
sjálfum tekur sinn toll. Og ekki
má gleyma því að ég þarf
sennilega að kaupa mér nýja
tölvu,“ segir Rúnar.
Eftir að hafa búið í leigu-
húsnæði síðasta vetur hefur
Rúnar ákveðið að söðla um og
reyna að kaupa sér íbúð sjálfur.
„Maður sér þetta eftir að hafa
verið í leiguhúsnæði í smá tíma
að maður er í raun að henda
peningunum. Maður ætti frekar
að vera að borga upp í lán
frekar en í leigu enda er miklu
skemmtilegra að borga þegar
maður veit að maður eignast
íbúðina.“
Eftir smá eftirgrennslan kemur í
ljós að Rúnar hefur dreymt um
að kaupa sér íbúð en aldrei
nennt að fara í bankann og fá
upplýsingar. Þegar kemur að
tölum, vaxtaprósentum og svo
framvegis er oft erfitt að klóra
sig í gegnum þennan frumskóg.
Málið hefur því boðið Rúnari
að koma í viðtal hjá fjár-
málaráðgjafa á vegum Lands-
bankans þar sem þeir munu
finna út í sameiningu bestu
lausnina fyrir Rúnar. Fylgist með
í næsta blaði hvernig Rúnari
tekst að stokka upp sín fjármál
og ef þig vantar aðstoð þá get-
ur þú sent póst á malid@mbl.is
og fengið aðstoð Landsbank-
ans.
YFIRSTÍGÐU
BANKAFÓBÍUNA
Texti
Haukur Sigurbjörn
Magnússon
Mynd
Sigurður Jökull