Morgunblaðið - 16.06.2005, Blaðsíða 29

arnar vorið 2004 stóðu yfir opnaði hún 12
þeirra sem ku vera met í bókum þeirra sem
eru að telja. Andlit hennar mun prýða her-
ferðir Lancôme frá og með næsta vetri í Evr-
ópu og Ameríkumarkaður fylgir í upphafi
næsta árs. Meðal fyrstu verkefna innan samn-
ingsins er kynning á nýju ilmvatni undir nafni
Lancôme og þegar er ljóst að þegar því verður
hleypt af stokkunum verður um að ræða einn
helsta viðburðinn í þessum geira í ár.
Carmen Kass
Sem fyrr sagði er Carmen Kass reynsluboltinn í
genginu og lítur á sig í dag sem ömmuna í
hópnum. Það kann að hljóma sérkennilega að
26 ára kona skuli sjá sig sem ömmu, en fyr-
irsætubransinn leyfir aðeins örfáum útvöldum
að vera með svo árum skipti. Carmen hefur
verið í fremstu röð síðan hún var 19 ára og
telst enn til súpermódela svo hún má vel við
una – og gerir það. Hún skaust á stjörnuhimin
þegar tískuhús Christian Dior kaus að nota
hana sem andlit auglýsingaherferðarinnar
kringum ilmvatnið J’Adore – tímaritahaukar
muna eflaust myndina af henni þar sem hún
stendur djúpt í gylltum vökva, gullinförðuð
sjálf hið sama.
Strax á 14. aldursári var fegurð Carmen Kass
farin að koma henni áleiðis í lífinu. Þá hreppti
hún titilinn Ungfrú Paide – sem er heimabær
hennar, rétt utan við Tallinn – og móðir henn-
ar hugði gott til glóðarinnar að koma stúlk-
unni í keppnina um Ungfrú Eistland. Carmen
hafði takmarkaðan áhuga á slíku, en sá í því
tækifæri á að komast burt frá Paide. Ekki ein-
asta var lífið þar daufleg vist og fátt um
skemmtanir fyrir táninga, heldur bjó Carmen
ásamt nóður sinni og systkinum í varasömu
hverfi; hvenær sem hún þurfti út að erindast
lét hún börnin hafa vasahnífa og breiddi
teppi yfir þau með þeim orðum að vera þar
kyrr uns hún kæmi aftur. Yrði brotist inn með-
an hún væri frá skyldu þau ekki hreyfa sig
nema einhver kippti af þeim teppinu – þá
skyldu þau nota hnífana! En öll plön mæðgn-
anna um Ungfrú Eistland breyttust hinsvegar
þegar ítalskur útsendari (e. scout) kom auga á
Carmen í stórmarkaði í Tallinn og vildi fá hana
í myndatökur í Mílanó. Carmen leist vel á en
móðirinn var á öðru máli; daman skyldi ein-
beita sér að undirbúningi fyrir atlöguna að
titli fegurðardrottningar Eistlands. Þar með
leit út fyrir að fyrirsætuferillinn yrði enginn,
því mamman harðneitaði að skrifa sem for-
ráðamaður undir skjal sem leyfði henni að
fara svo ung utan. En Carmen var ákveðin í að
komast til Ítalíu og falsaði undirskrift mömmu
sinnar á plöggin og komst þannig í 3 mánaða
reynsludvöl í Mílanó. Sú reynsla reyndist hins
vegar heldur ömurleg fyrir 14 ára stúlku sem
talaði ekki orð í ítölsku, þekkti engan og átti
þaðan af síður nokkra vini. Þegar hún hugðist
svo halda heim var ítalski umboðsmaðurinn
hennar því ósamþykkur og neitaði að láta af
hendi vegabréfið hennar. Carmen átti hins-
vegar vasahnífinn góða enn í fórum sínum og
hótaði að slægja steinilostinn umbann sem af-
henti henni passann undireins. Að svo búnu
fór hún heim og sinnti þar fyrirsætustörfum
uns hún var orðin 18 ára. Þá vogaði hún sér
loks aftur út fyrir landsteinana og hélt til Par-
ísar, og í þetta sinn fór ferillinn á flug. For-
síðumyndir af henni tóku að birtast hver á
fætur annarri og í kjölfarið varð hún ein vin-
sælasta tískusýningardaman. Í dag er vart til
sá hátískuhönnuður sem hefur ekki ráðið
Carmen Kass nokkrum sinnum á pallinn í
þeirri von að fötin seljist. Í viðbót við marg-
vísleg fyrirsætustörf er hún einn talsmanna
snyrtivöruverslanakeðjunnar Sephora. Frí-
stundir hennar fara í líkamsrækt, hesta-
mennsku og svo elskar hún að grufla í skák –
og kvað vera feikisterkur skákmaður – og hef-
ur hún náð miklum árangri á heimaslóðum
sem kynningarfulltrúi fyrir Skáksamband Eist-
lands. Hvað sem bollaleggingum í þá átt að
ferill Carmen Kass fari að styttast í annan end-
ann þá eru annir hennar í dag slíkar að þrjár
umboðsskrifstofur þarf til að halda utan um
verkefni hennar, eina í París, eina í London og
loks eina í New York.
Natalia Vodianova
Önnur fegurðardís frá Austurblokkinni, sem
kynnst hefur kringumstæðum býsna frá-
brugðnum glaumnum og glamúrnum í höf-
uðborgum hátískunnar, er hin rússneska Nat-
alia Vodianova. Uppeldisaðstæður hennar
voru jafnvel enn knappari en hjá Carmen,
stöllu hennar. Enda er það ekki að undra að
yfirlýst markmið hennar sem ofurfyrirsæta er
ekki velgengnin og framinn per se – heldur er
fyrirsætustarfið aðeins leið til að tryggja sér,
móður sinni og tveimur hálfsystrum hennar
sómasamlega afkomu. Það hefur henni tekist,
svo ekki sé meira sagt.
Þegar Natalia var ekki nema 11 ára varði hún
dögum sínum í að selja ávexti á útimörkuðum
í heimaborg sinni, Gorkíj. Uppúr því harki
höfðust krónur og aurar sem gengu til heim-
ilisins, en misvel gekk að nýta peningana því
mamma hennar hafði ólukkans lag á því að
leggja lag sitt við drullusokka sem voru ýmist
ofbeldismenn, þjófar eða hvorttveggja. Heim-
ilislífið var því jafnan í járnum og ekki það at-
hvarf frá slítandi starfinu á markaðnum sem
heimilið hefði átt að vera fyrir mjóslegna og
pasturslitla táningsstúlku. Ávaxtasölunni
sinnti hún uns hún var 15 ára, en þá hafði hún
fengið pata af því að stúlkur úr ólíklegustu
þjóðfélagsstigum gætu fengið skikkanleg
laun fyrir fyrirsætustörf – sem henni fannst
varla geta kallast vinna; að láta taka myndir
af sér hljómaði ólíkt betur en hallærið sem
æska hennar hafði verið. Natalia safnaði því
nægilega mörgum rúblum til að skrá sig á
fyrirsætunámskeið og þar lærði hún grund-
vallaratriði í líkamsburði og framkomu. Í kjöl-
far námskeiðsins bauðst henni að fara í nokk-
ur viðtöl vegna fyrirsætuverkefna og við eitt
slíkt tækifæri tóku heilladísirnar af skarið og
splæstu á hana stóra tækifærinu. Útsendari
frá París kom auga á hana og hafði það ekki
af henni. Í framhaldinu gengu hlutirnir fyrir
sig á methraða, áður en hún vissi af var hún
farin að sinna forsíðumyndatökum jafnt sem
tískusýningum.
Í dag er Natalia Vodianova 23 ára en er þegar
með fjögurra ára reynslu af lífinu í hringiðu
hátískunnar. Eins og það sé ekki nóg þá hefur
hún gifst og stofnað fjölskyldu meðfram öðr-
um skyldustörfum. Sá lukkulegi heitir Justin
Portman og er enskur milljarðaerfingi og eiga
þau saman soninn Lucas. Staðfesta hennar og
vilji í þá átt að láta hlutina ganga upp hafa
gert henni kleift að halda fyrirsætustörfunum
áfram í takt við hlutverk móður og eiginkonu.
Hitt er annað mál að ríkidæmi eiginmannsins
er slíkt að hún þarf ekki að vinna frekar en
hún vill – en fyrir okkur sem fylgjumst með
tískunni virðist hún blessunarlega hafa af því
gaman ennþá svo vonandi fáum við að njóta
nærveru hennar á blaðsíðum tímaritanna enn
um sinn. Að sama skapi er vonandi að upp-
sprettuna í austurhluta Evrópu þrjóti ekki
töfrana heldur færi okkur áfram fylkingar
fagurra fljóða.
21
Þetta þykja veigamikil ummæli frá honum komin
en alþekkt er það álit hans að fyrirsætum láti
flest betur en að hugsa rökrétt
1.
Natalia Vodianova
2.
Carmen Kass
29
LÍFIÐ &
STÍLLINN