Morgunblaðið - 15.10.2005, Blaðsíða 8

fljótlegt kornabrauð
1 brauð
3½ dl hveiti
3½ dl haframjöl, gróft
1 dl hveitiklíð
1 msk. hrásykur
4 tsk. lyftiduft
½ dl hörfræ
½ l súrmjólk
1 msk. sólblómafræ
Blandið þurrefnum saman í skál og hrærið saman með súrmjólkinni.
Setjið í form og stráið sólblómafræjum yfir. Bakið við 200°C í 50 mínútur. Ein-
falt, gott og fljótlegt.
heitrauð paprikusúpa
fyrir 4
6 rauðar paprikur
1 laukur
4 hvítlauksgeirar
2 msk. ólífuolía
2 msk. smjör
6 dl vatn
2 msk. grænmetiskraftur
½ tsk. chiliduft
¾ tsk. kummin
2 tsk. kóríander
½ tsk. salt
svartur pipar
1 dl sýrður rjómi
ferskt kóríander
Berið olíu utan á paprikurnar og setjið þær í ofnskúffu og inn í 250°C heitan
ofn í 10 mínútur. Látið paprikurnar kólna aðeins og afhýðið svo undir rennandi
köldu vatni. Skerið lauk og hvítlauk smátt. Hitið olíu og smjör í potti og steikið
laukinn í smá stund. Setjið paprikurnar útí ásamt vatni, kryddi og grænmet-
iskrafti og sjóðið í 20 mínútur með lokinu á pottinum. Blandið saman með
töfrasprota eða í matvinnsluvél.
Smakkið til með salti og pipar og berið fram með sýrðum rjóma og fersku kórí-
ander.
eplakaka
10 sneiðar
100 g marsipan
3 egg
1½ dl hrásykur
3 dl hveiti
2 tsk. vanillusykur
1 tsk. lyftiduft
1 dl mjólk
50 g smjör, brætt
3 epli, afhýdd og skorin í bita
Þeytið egg og sykur. Rífið marsipan gróft og blandið
saman við eggjahræruna. Blandið hveiti, vanillusykri og
lyftidufti saman við ásamt mjólk og bræddu smjöri.
Hrærið varlega saman og setjið 1/3 af deiginu í smurt
form, til dæmis stórt hringform. Raðið helming af epla-
bitunum ofan á og setjið helming deigsins sem eftir er
þar ofan á. Raðið þvínæst afganginum af eplunum ofan
á og loks síðasta hluta deigsins. Bakið í miðjum ofni við
200°C í um það bil 35 mínútur.
Berið fram með þeyttum rjóma. Mjúk og góð eplakaka
sem þolir að geymast í nokkra daga.