Morgunblaðið - 20.12.2005, Blaðsíða 4

„VIÐ erum fullkomlega ósammála því að nokk-
uð sé hæft í þessari afstöðu og teljum að þarna
sé fyrst og fremst um það að ræða að veita
þjónustu, sem þeir ættu að fagna að geta veitt
sínum viðskiptamönnum en ekki að leggjast
þvert í götu þess,“ segir Indriði Þorláksson
ríkisskattstjóri um það svar Samtaka banka og
verðbréfafyrirtækja að fjármálafyrirtækjum
sé óheimilt að afhenda embætti Ríkisskatt-
stjóra upplýsingar um skuldir viðskiptavina
sinna vegna forskráningar á skattframtöl.
Indriði bendir á að upplýsingar frá Íbúða-
lánasjóði um íbúðalán séu forskráðar á framtöl.
Á seinasta ári hafi embættið fengið slíkar upp-
lýsingar frá Lífeyrissjóði verzlunarmanna og
fleiri lífeyrissjóðir tekið vel í að veita slíkar
upplýsingar. Einnig veiti Lánasjóður íslenskra
námsmanna upplýsingar um skuldir framtelj-
enda til forskráningar og upplýsingar fáist frá
fjármögnunarfyrirtækjum sem veita bílalán
o.fl.
Bankar í nálægum löndum
veita samskonar upplýsingar
Embætti RSK skrifaði bönkunum bréf í
seinasta mánuði og gerði þeim grein fyrir að
embættið vildi fá upplýsingar um skuldir ein-
staklinga hjá bönkunum til forskráningar á
framtöl. ,,Við gerðum grein fyrir þessu og báð-
um þá að búa sig undir að veita okkur slíkar
upplýsingar. Þetta var bara hugsað sem vin-
samlegt bréf um að fá samstarf þeirra við að
veita þessa þjónustu. Við urðum dálítið hissa
þegar við fengum síðan þessi kaþólsku við-
brögð frá Samtökum banka og verðbréfa-
fyrirtækja að [upplýsingar] sem ýmsir aðilar
hafa verið að láta okkur fá séu leyndarmál,“
segir Indriði.
Að sögn hans veita bankar og fjármálastofn-
anir í nálægum löndum skattyfirvöldum sam-
bærilegar upplýsingar og því furða starfsmenn
RSK sig á þessari afstöðu SBV.
Hann segir að þær breytingar sem átt hafa
sér stað á íbúðalánamarkaði hafi leitt til þess
að forskráning íbúðalána á skattframtöl hefur
minnkað um 30 til 40 milljarða. Kveðst Indriði
reikna með að þetta varði 10 til 20 þúsund
framteljendur, sem fái fyrir vikið verri þjón-
ustu.
„Við teljum að allar lagaheimildir séu til
staðar til þess að krefjast þessara upplýsinga
en við höfum fyrst og fremst litið á þetta sem
þjónustu, sem menn ættu að leysa eins og gert
er alls staðar í kringum okkur,“ segir Indriði.
Að mati hans er sú afstaða sem fram kemur í
bréfi SBV, sem greint var frá í frétt Morg-
unblaðsins í gær, mjög villandi, þar sem látið
sé í veðri vaka að RSK sé að sækjast eftir öllum
upplýsingum um fjármál viðskiptavina bank-
anna. Svo sé ekki. Embættið sé eingöngu að
leita eftir upplýsingum um lánveitingar. Ekki
sé farið fram á upplýsingar um innistæður og
eignir viðskiptamanna bankanna í þessu sam-
hengi.
Indriði segir auk þess að RSK sé ekki að
biðja um neinar þær upplýsingar sem framtelj-
endum beri ekki að lögum skylda til að gefa
upp hvort sem er. „Þetta er eingöngu spurning
um hvort við fáum þær með auðveldum hætti
eða ekki. Það er ekki þannig að bankarnir séu
að ljóstra upp neinu sem skattyfirvöld eiga
ekki hvort sem er að fá. Þetta er því bara forn-
aldarviðhorf hjá þessum blessuðum mönnum.“
Hverju leyna bankar hér sem þeir
gefa upp í öðrum löndum?
RSK hefur sent SBV svarbréf vegna við-
bragða samtakanna þar sem bent er á ákvæði
laga og upplýst um þær reglur sem gilda um
þessi mál á öðrum Norðurlöndum.
,,Þeir [SBV] eru með algera sérstöðu í þess-
um málum. Ég veit ekki til þess að þessi við-
horf séu nokkurs staðar uppi í þeim löndum
sem við berum okkur oftast saman við. Ég hef
spurt sem svo, hverju er Kaupþing-banki hér á
landi að leyna fyrir skattyfirvöldum, sem þeir
láta skattyfirvöldum í té af fúsum vilja í Noregi
og Svíþjóð þar sem þeir eru með dótturfyr-
irtæki?“ segir Indriði.
Ágreiningur Samtaka banka og verðbréfa-
fyrirtækja og Ríkisskattstjóra um afhendingu
upplýsinga um skuldir viðskiptamanna bank-
anna hefur ekki komið inn á borð Persónu-
verndar skv. upplýsingum Sigrúnar Jóhann-
esdóttur, forstjóra Persónuverndar.
Ríkisskattstjóri segir RSK heimilt að krefja banka upplýsinga um skuldir viðskiptavina sinna
Undrast fornaldarviðhorf SBV
Forskráning íbúðalána hefur minnkað um 30–40 milljarða í kjölfar breytinga á lánamarkaði
Eftir Ómar Friðriksson
omfr@mbl.is
4 ÞRIÐJUDAGUR 20. DESEMBER 2005 MORGUNBLAÐIÐ
FRÉTTIR
Varist allar
pappírsþurrkur
og snýtuklúta,
í guðanna bænum!„Fólk á öllum aldri smitast
af gleðinni … enginn ætti
að láta þennan furðufugl
fram hjá sér fara.”
Þórarinn Þórarinsson / Fréttablaðið
Geggjað grín, hörku hasar
klístrað klúður
www.jpv.is
Metsölulisti
Morgunblaðsins
barnabækur 15. des.
EMBÆTTI ríkisskattstjóra
vinnur að ýmsum nýmælum
vegna undirbúnings að fram-
talsgerð vegna skattframtala
á næsta ári. Er m.a. stefnt að
aukinni forskráningu á fram-
tölin og að einstaklingum
gefist kostur á að senda nauð-
inga til forskráningar á
skattframtöl orðin nægjanleg
til þess að meira en helming-
ur framteljenda geti lokið
framtalsgerð sinni með
undirritun framtalsins einni
eða eingöngu með minni hátt-
ar breytingum á því.
synlegar upplýsingar vegna
skattframtals úr vefbanka
sínum yfir í vefframtalið með
einfaldri aðgerð.
Í Tíund, fréttabréfi RSK,
kemur fram að embættið hafi
sett sér það markmið að fyrir
árið 2010 verði öflun upplýs-
Gögnin send úr heimabanka
LÍKAN af Bakkafjöru var kynnt í
gærmorgun fyrir Sturlu Böðvars-
syni samgönguráðherra en það hef-
ur verið sett upp í rannsóknarhúsi
Siglingastofnunar. Með líkaninu
hafa verið endurskapaðar aðstæður
við Bakkafjöru í Landeyjum og er
ætlunin að rannsaka mögulegt ferju-
lægi í Bakkafjöru en uppi eru hug-
myndir um að koma á ferjusigling-
um milli Bakkafjöru og Vestmanna-
eyja. Með líkaninu verður m.a.
metinn kostnaður við þessa hug-
mynd en hún er einn þriggja kosta
sem nefnd um framtíðarsamgöngur
til Vestmannaeyja hefur nú til skoð-
unar. Hlutverk nefndarinnar er að
skoða möguleika er varða jarð-
gangagerð milli lands og Eyja, ferju-
höfn í Bakkafjöru, endurnýjun Herj-
ólfs og aðra þá kosti sem kunna að
vera í stöðunni.
Reiknað er með að notuð verið
ferja sem líktist ferjunni Baldri að
stærð sem sigla myndi 1.200 ferðir
milli lands og Eyja yfir árið og yrðu
ferðir tíðari á sumrin. Siglingatími
ferjunnar tæki um fimmtung af þeim
tíma sem það tekur Herjólf nú að
sigla til Vestmannaeyja frá Þorláks-
höfn.
Að sögn Gísla Viggóssonar hjá
Siglingastofnun, sem stjórnar rann-
sóknunum, er bæði notast við
tölvulíkön og líkanið sem kynnt var í
dag við rannsóknir á þessum kosti.
Líkanið kanni siglingu skipa og
hönnun á brimvarnargörðunum við
Bakkafjöru en tölvulíkönin reikni
ölduna upp við ströndina og efnis-
burði meðfram ströndinni. „Við telj-
um þetta raunhæfan kost eins og er
en við ætlum að halda áfram mæl-
ingum og athugunum og klárum þær
á næsta ári,“ sagði Gísli.
Mikil vinna eftir
Sturla Böðvarsson sagði að vís-
indamenn Siglingastofunnar hefðu
komst að því í þessum fyrsta áfanga
rannsóknarinnar að höfn í Bakka-
fjöru sé raunhæfur kostur en heil-
mikil rannsóknarvinna væri eftir,
bæði hvað varðaði göng til Vest-
mannaeyja og Bakkafjarðarhöfn.
Þegar niðurstöður þessarar rann-
sókna hafa fengist mun nefnd um
framtíðarsamgöngur til Vestmanna-
eyja fara yfir alla kosti og skila áliti
til ráðherra sem síðan mun vænt-
anlega taka endanlega ákvörðun um
með hvaða hætti samgöngum til
Vestmannaeyja verður háttað í
framtíðinni.
Páll Sigurjónsson, formaður
nefndarinnar, sagðist ekki vilja tjá
sig um þennan kost frekar en aðra á
þessu stigi málsins en hann yrði
metinn af nefndinni líkt og aðrir
kostir.
Morgunblaðið/Ásdís
Líkan Siglingamálastofnunar líkir eftir aðstæðum sem eru við Bakkafjöru.
Bakkafjöruhöfn
raunhæfur kostur
væntanlegs álvers. Að sögn Júlíusar
hefur orkuþörf fyrirhugaðs álvers í
Helguvík verið kynnt bæði Orkuveitu
Reykjavíkur og Landsvirkjun, enda
komi vart önnur fyrirtæki en þau til
greina sem samstarfsaðilar HS við
orkuöflun til væntanlegs álvers. Þá
hefur verið gerð könnun á flutnings-
möguleikum raforku til Helguvíkur
með Landsneti.
Júlíus sagði að samkvæmt bjart-
sýnni áætlun megi gera ráð fyrir að
álframleiðsla geti hafist að einhverju
leyti í Helguvík á tímabilinu 2010–
2011. Til að svo verði þurfi að taka
ákvörðun um byggingu álvers ekki
síðar en 2008 og hefja byggingu þess
árið 2009.
HITAVEITA Suðurnesja (HS) und-
irritaði síðastliðinn fimmtudag samn-
ing við Fuji Electric í Japan um kaup
á 30 MW túrbínu sem sett verður upp
í Svartsengi. Nýja túrbínan verður
svipaðrar gerðar og 30 MW túrbína
sem gangsett var í Svartsengi í nóv-
ember 1999. Hún mun nýta að hluta
afgangsstrauma á staðnum, að því er
fram kemur á heimasíðu HS. Gert er
ráð fyrir gangsetningu hennar fyrir
árslok 2007.
Búið er að ganga frá samningi um
sölu á 15 MW af framleiðslu vélarinn-
ar til Norðuráls en 15 MW verða
væntanlega nýtt fyrir almennann
markað. Með komu nýju vélarinnar
eykst uppsett afl í Svartsengi úr 45
MW í 75 MW (auk 150 MW í varma-
framleiðslu) og er þá uppsett afl fyr-
irtækisins í raforkuframleiðslu með
Reykjanesvirkjun orðið 175 MW.
Undirbúningur vegna álvers
Hitaveita Suðurnesja (HS) hefur
sótt um rannsóknaleyfi á nokkrum
jarðhitasvæðum vegna mögulegrar
orkuöflunar til nýs álvers Norðuráls í
Helguvík. Að sögn Júlíusar Jónsson-
ar, forstjóra HS, er þar aðallega um
að ræða svæði við Krýsuvík. Umsókn-
in er í lögbundnu umsagnarferli og
kvaðst Júlíus vonast eftir niðurstöðu
með vorinu. Þá hefur Norðurál byrjað
vinnu við umhverfismat og Reykja-
nesbær að undirbúa lóðamál vegna
Ný túrbína keypt í Svartsengi