Fréttablaðið - 03.09.2002, Page 10

10 3. september 2002 ÞRIÐJUDAGUR
Útgáfufélag: Frétt ehf.
Ritstjóri: Gunnar Smári Egilsson
Fréttastjóri: Sigurjón M. Egilsson
Ritstjórnarfulltrúi: Steinunn Stefánsdóttir
Auglýsingastjóri: Þórmundur Bergsson
Ritstjórn, auglýsingar og dreifing:
Þverholti 9, 105 Reykjavík
Aðalsími: 515 75 00
Símbréf á fréttadeild: 515 75 06
Rafpóstur: ritstjorn@frettabladid.is
Símbréf á auglýsingadeild: 515 75 16
Rafpóstur: auglysingar@frettabladid.is
Setning og umbrot: Frétt ehf.
Prentvinnsla: Ísafoldarprentsmiðja hf.
Fréttablaðinu er dreift ókeypis á heimili
á höfuð-borgarsvæðinu. Einnig er hægt að fá
blaðið í völdum verslunum á landsbyggðinni.
Fyrirtæki geta fengið blaðið gegn greiðslu
sendingarkostnaðar; kr. 1.100 á mánuði.
Fréttablaðið áskilur sér rétt til að birta allt efni
blaðsins í stafrænu formi og í gagnabönkum
án endurgjalds.
BRÉF TIL BLAÐSINS
Undrandi
á Atla
Fótboltaáhugamaður skrifar:
Mér þykir einkennilegt í meiralagi að Atli Eðvaldsson lands-
liðsþjálfari velji ekki leikmenn
eins og Þórð Guðjónsson og
Guðna Bergsson í landsliðið fyrir
æfingaleikinn gegn Ungverjum.
Hann hefur sagt að Þórður hafi
ekki spilað sem heitið getur í
nokkurn tíma. Það á líka við um
Ríkharð Daðason. Hann hefur
verið meira og minna utan liða um
nokkurn tíma. Það má samt ekki
skilja mig svo að ég hafi eitthvað
á móti Ríkharði. Síður en svo, en
eitt verður yfir alla að ganga.
Okkur berast fréttir af góðri
frammistöðu Þórðar og því er
eðlilegt að halda að kjörið sé að
nota æfingaleiki til að meta menn
og getu þeirra.
Viðbrögð Atla landsliðsþjálf-
ara við spurningum og gagnrýni
er með þeim hætti að halda má að
hann hafi ekki hreina samvisku
gagnvart vali sínu á leikmönnum.
Með þeirri framkomu mun honum
ekki takast að glæða áhuga land-
ans fyrir liðinu.
Ég minntist á Guðna Bergsson
hér að framan. Það er ótrúlegt að
sá ágæti leikmaður og góði dreng-
ur skuli í áraraðir vera hafður
fyrir utan landsliðið án haldbærra
skýringa. Persónulegt samband
manna á millum virðist ráða
meiru en geta leikmanna. Þess
vegna tel ég tímabært að fá
nýjann landsliðsþjálfara, og hann
má ekki vera Íslendingur. 
Reykjavík:
Þrjú innbrot
framinn
LÖGREGLUMÁL Þrjú innbrot voru
fram í Reykjavík í fyrrinótt. Á
fjórða tímanum var brotist inn í
fyrirtæki í Skeifunni. Skemmdir
voru unnar á þaki og dyrabúnaði.
Eitthvað virðist hafa truflað þá sem
voru að verki eftir að þeir höfðu
komist inn í anddyri hússins. Fóru
þeir á brott án þess að hafa nokkuð
með sér. Töskum með verðmætum í
var stolið úr bíl í miðborginni um
þrjúleytið. Komst þjófurinn á brott
með varninginn. Þá gleymdist lykill
í hurð pylsuvagns í Lækjargötu.
Einhverjir komu auga á lykilinn og
hleyptu sér inn. Hafði sælgæti ver-
ið stolið þegar betur var að gáð. 
SKATTAR Fjöldi þeirra framtelj-
enda sem fengu á sig áætlanir
skattayfirvalda vegna álagningar
fyrir árið 2001 var óbreyttur frá
því árið áður.
Skattgreiðslur eru að þessu
sinni áætlaðar á 13.123 einstak-
linga sem ekki
skiluðu inn fram-
tölum. Í fyrra var
þessi fjöldi 13.113
f r a m t e l j e n d u r.
Sambærilegur fjöl-
di fékk á sig áætl-
un fyrir árið 1999,
eða 13.059 einstak-
lingar. Árið þar á
undan var hins
vegar áætlað á mun færri fram-
teljendur, eða 11.016.
Tekjuskattstofn þeirra 157.804
einstaklinga, sem skiluðu inn
framtali fyrir árið í fyrra, er 421,3
milljarðar króna. Það eru tæpar
2,7 milljónir króna á mann. Ríkis-
skattstjóri hefur hins vegar áætl-
að að meðaltekjuskattstofn þeirra
sem ekki skiluðu inn framtali séu
rúmar 2,5 milljónir króna. Sam-
tals er áætlaður tekjuskattstofn
þessa hóps nálægt 33,4 milljarðar.
Steinþór Haraldsson, yfirlög-
fræðingur hjá ríkisskattstjóra,
segir embættið ekki geta sagt til
um hversu mikið tekjuskattstofn-
inn dregst saman eftir að tekið
hefur verið tillit til kæra. Lækk-
unin sé einhver jafnvel þó áætl-
anirnar hvíli á nokkuð traustum
forsendum.
Að sögn Steinþórs eru menn
einfaldlega stundum aðeins of
seinir á sér. Framtölin nái ekki
inn í tæka tíð jafnvel þó þau séu
tilbúin. „Við bíðum með opnar
bækurnar eins lengi og við mögu-
lega getum. Það verður hins veg-
ar að skera á einhvern tíma. Það
er ótrúlega stór hópur sem lendir
öfugu megin við frestinn, alveg
sama hvað við
teygjum okkur,“
segir hann.
Steinþór seg-
ir mikla áherslu
lagða á að menn
gangi frá sínum
málum og geri
það fljótt. Menn
hafi allt að sex
ára leiðréttingartíma. Þá fái
menn hins vegar ekki sömu fyrir-
greiðsla og ef þeir skila innan 30
daga kærufrests. „Þeir sem hafa
skilað áður en fresturinn er úti
mega búast við leiðréttingu fljót-
lega. Menn sem skila síðar munu
hins vegar þurfa sitja á hakan-
um,“ segir hann.
Fram að áramótum verða
starfsmenn ríkisskattstjóra að
afgreiða kærur vegna álagning-
arinnar.
gar@frettabladid.is
Skattaskussarnir
eru 13 þúsund
Fjöldi þeirra sem ekki skilar inn skattaframtali hefur verið nær óbreytt-
ur í þrjú ár, eða ríflega 13 þúsund einstaklingar. Yfirlögfræðingur hjá
ríkisskattstjóra segir að þó sex ár gefist til leiðréttinga sé mikilvægt að
kæra innan 30 daga. Annars taki afgreiðslan mun lengri tíma.
HÚSNÆÐI RÍKISSKATTSTJÓRA
Þeir sem ekki kærðu áður en frestur rann út mega eiga von á
að sitja á hakanum.
„Það er ótrú-
lega stór hóp-
ur sem lendir
öfugu megin
við frestinn, al-
veg sama
hvað við teygj-
um okkur.“
Flestir íbúar í New York teljalíklegt að fleiri hryðjuverka-
árásir verði gerðar á borgina.
Samkvæmt skoðanakönnun dag-
blaðsins New York Daily News
telja 70% New York-búa það vera
mjög líklegt eða frekar líklegt að
ráðist verði á borgina. Flestir telja
að helst sé að óttast bílasprengjur
og sjálfsmorðsárásir.
Einn lést og 17 særðust þegargríðarmikil sprenging varð í
einbýlishúsi í austurhluta Mar-
yland í Bandaríkjunum. Talið er
að gasleki hafi ollið sprengingun-
ni.
Nelson Mandela, fyrrverandiforseti Suður-Afríku, hefur
varað Bush, Bandaríkjaforseta,
við því að ráðast á Írak. Segir
hann að forsetinn geti gert út af
við Sameinuðu þjóðirnar ráðist
hann á landið án alþjóðlegs stuðn-
ings.
Óttast er að meira 100 en mannshafi farist í Suður-Kóreu í
mestu fellibylum sem gengið hafa
yfir landið í 40 ár. Hermenn í land-
inu hófu í gær miklar hreinsunar-
aðgerðir, sem tekur að minnsta
kosti mánuð að ljúka. Talið er að
eyðileggingin vegna óveðursins sé
ein sú mesta í sögu þjóðarinnar.
ERLENT
BENSÍNVERÐ Olíufélögin voru sam-
stíga í hækkunum sínum á bensíni
í gær. Esso reið á vaðið og hækk-
aði lítrann um eina krónu og sjötíu
aura. Hin olíufélögin fylgdu fast á
eftir og hækkuðu verðið hjá sér
um sömu upphæð. Ástæða hækk-
unarinnar eru gengisbreytingar
og hækkun á heimsmarkaðsverði.
Runólfur Ólafsson, fram-
kvæmdastjóri Félags íslenskra
bifreiðaeigenda segir að álagning-
in hjá félögunum sé nú í hærri
kantinum. Félögin hafi haldið vel
aftur af hækkunum sínum áður en
kom að gjalddaga rauða striksins.
„Þeir juku svo álagninguna í júní
til að ná hluta til baka.“ Runólfur
segir að álagningin hafi lækkað í
júlí, en sé ennþá yfir meðaltali sé
litið til sögunnar. Hann segir
nokkuð góða fylgni hafa verið
með verði félaganna og hækkun
og lækkun dollara og heimsmark-
aðsverðs. „Við höfum hins vegar
gagnrýnt að þeir eru fljótari að
hækka en lækka.“ 
Bensínið hækkar:
Tríóið heldur takti
BENSÍNHÆKKUN
Eldsneyti hækkaði í gær og
er eins og oft áður sú sama
hjá olíufélögunum þremur.
Íslensk erfðagreining:
25 sagt upp
störfum
ATVINNA 25 starfsmenn Íslenskrar
erfðagreiningar fengu uppsagn-
arbréf um helgina. Uppsagnirnar
eru hluti af hagræðingu í rekstri
fyrirtækisins og fylgja í kjölfar
fyrri uppsagna. Að auki láta um
15 manns af störfum hjá fyrir-
tækinu nú í byrjun vetrar. Er þar
um að ræða afleysingafólk og
fólk sem er á leið í nám eða önn-
ur störf.
Páll Magnússon, fram-
kvæmdastjóri upplýsinga- og
framkvæmdasviðs, segir upp-
sagnirnar hluta af hagræðingu í
rekstri fyrirtækisins. „Þróun á
hugbúnaði hefur gert okkur
kleift að fækka starfsfólki. Það
er ekki verið að draga úr rann-
sóknum. Þvert á móti er aukinn
kraftur settar í þær.“ 
ÓSPEKTIR Stórum hópi unglinga á
aldrinum 14 til 16 ára var vísað úr
íbúð í fjölbýlishúsi í Unufelli á laug-
ardag. Höfðu nágrannar kvartað til
lögreglu vegna mikils hávaða auk
þess að skemmdarverk höfðu verið
unnin á póstkössum. Þegar út var
komið reyndi hópurinn, um 25
manns, inngöngu á ný með því að
sparka í hurðir ásamt því að ýta við
lögreglumönnum. Þá hræktu ung-
lingarnir á lögreglumennina auk
þess að einhverjir úr hópnum hentu
í þá spýtum.
Lögreglan segir það hafa verið
nauðsynlegt að sprauta gasi á mestu
óróaseggina. Sjö þeirra voru teknir
og fluttir á lögreglustöð en þrír voru
fluttir á slysadeild til augnskolunar.
Var haft samband við foreldra
sjömenningana og þeim komið heim
í samráði við foreldra. 
Hópur ungmenna í Breiðholtinu:
Hræktu á
lögreglumenn
STEINÞÓR
HARALDSSON
Þeir sem skiluðu
inn kærum áður en
frestur rann út
mega eiga von á að
fá úrlausn mála
sinna fljótlega.