Fréttablaðið - 06.01.2003, Blaðsíða 13
13MÁNUDAGUR 6. janúar 2003
Atvinnuleysisbætur 20% lægri en lágmarkstekjur:
Skammarlegt misræmi
KJARAMÁL „Þetta er skammarlegt.
Vonandi taka ráðamenn þjóðar-
innar ummæli forseta Íslands á
nýársdag til greina þar sem
hann varar við aukinni fátækt á
Íslandi og hækka atvinnuleysis-
bætur í takt við þróun lágmarks-
launa á Íslandi,“ segir Aðal-
steinn Baldursson, formaður
Verkalýðsfélags Húsavíkur.
Samkvæmt kjarasamningi
Starfsgreinasambands Íslands
og Samtaka atvinnulífsins eru
lágmarkstekjur fyrir fullt starf
nú 93 þúsund krónur á mánuði.
Þetta gildir fyrir starfsmenn 18
ára og eldri sem starfað hafa
fjóra mánuði samfellt hjá sama
fyrirtæki. Fullar atvinnuleysis-
bætur eru hins vegar rúmar 77
þúsund krónur. Þarna munar
tæpum 16 þúsund krónum á
mánuði.
„Þetta gengur alls ekki.
Hefðu atvinnuleysisbætur fylgt
þróun launa fiskvinnslufólks
eins og þær gerðu áður, væru
fullar atvinnuleysisbætur í dag
92.768 krónur eða nálægt um-
sömdum lágmarkslaunum. Þá
vekur það óneitanlega athygli að
á sama tíma og laun embættis-
manna hjá ríkinu hækka um 7%
frá áramótum hækka atvinnu-
leysisbætur aðeins um 5%,“ seg-
ir Aðalsteinn Baldursson. ■
AÐALSTEINN
BALDURSSON
Segir athyglis-
vert að laun
æðstu embætt-
ismanna skuli
hækka um 7%
á sama tíma og
aðeins sé svig-
rúm til að
hækka atvinnu-
leysisbætur um
5%.
Fimmtíu skemmiferðaskip heimsóttu Reykjavík árið 2002:
Aldrei fleiri skipsfarþegar
FERÐAMÁL Rúmlega 30 þúsund
ferðamenn komu til Reykjavíkur
með skemmtiferðaskipum á síð-
asta ári og hafa þeir aldrei verið
fleiri.
Alls komu 50 skemmtiferða-
skip til höfuðborgarinnar á árinu
og var Carnival Legend þeirra
stærst. Það tekur rúmlega 2.100
farþega og um borð eru 930
starfsmenn.
Það skip sem vakti hvað mesta
athygli var The World of Residen-
Sea. Það er í raun fljótandi „lúxus-
fjölbýlishús“ þar sem fólk býr all-
an ársins hring. Alls hafa 53
skemmiferðaskip bókað komu
sína til Reykjavíkur næsta sumar.
Ferðamönnum með skemmti-
ferðaskipum hefur fjölgað gríðar-
lega undanfarin ár. Árið 1992
komu 12.000 ferðamenn til
Reykjavíkur með þessum hætti
og hefur fjöldi þeirra því þrefald-
ast á síðustu 10 árum.
Á síðasta ári komu um 12.500
Þjóðverjar til Reykjavíkur með
skemmtiferðaskipum, en næst-
flestir voru frá Bandaríkjunum
eða um 8.500. ■
FLJÓTANDI „LÚXUSFJÖLBÝLISHÚS“
Fljótandi „lúxusfjölbýlishús“ lagðist að bryggju í Sundahöfn í Reykjavík í lok ágúst. Í skip-
inu, sem nefnist The World of ResidenSea, eru 110 íbúðir og 88 gestaíbúðir á tólf hæð-
um. Íbúðirnar kosta á bilinu 180 til 640 milljónir króna.