Fréttablaðið - 28.04.2003, Side 8

LANDHELGISGÆSLAN „Þegar um
svona eftirlit er að ræða reynum við
að auglýsa ekki opinberlega fyrir
mönnunum sem þarna eru hvernig
eftirlitinu er háttað,“ segir Dagmar
Sigurðardóttir, fjölmiðlafulltrúi
Landhelgisgæslunnar.
Samkvæmt frétttilkynningu sem
Gæslan sendi frá sér á föstudag er
fjöldi erlendra togara að út-
hafskarfaveiðum við lögsögumörk-
in á Reykjaneshrygg, alls 43 togarar
að veiðum. Sigurður Steinar Ketils-
son, yfirmaður gæsluframkvæmda,
kaus að tjá sig ekki um málið og
Dagmar tók þann kostinn að segja
sem minnst, því þó ekki væri líklegt
að togarasjómenn erlendra skipa
væru fastir lesendur Fréttablaðsins
væru þeir oft með íslenska umboðs-
menn. ■
8 28. apríl 2003 MÁNUDAGUR
Jafnréttið er kosningamál
Mér finnst rosalega asnalegt að
strákar í Foldaskóla þurfa ekki
að fara í svona hollustufræðslu
heldur fá þeir bara leiktíma, en
við stelpurnar í 8. bekk þurfum
að gera það.
Elín í 8. bekk Foldaskóla. Morgunblaðið, 26.
apríl.
Kálfurinn og ofeldið
Það væri til dæmis skynsamlegt
að styðja við dans sem bætir
heilsufarið ekki síður en aðrar
íþróttir.
Sigurbjörn Sveinsson, formaður læknafélagsins,
um ofeldi Íslendinga. Morgunblaðið, 27. apríl.
Heimspekileg undrun
Ég hef fundið það síðustu dag-
ana að margir eru hissa á stöðu
Framsóknarflokksins í skoðana-
könnunum.
Halldór Ásgrímsson. Morgunblaðið, 27. apríl.
Orðrétt
Viðræður við
sálfræðinga
Heilbrigðisráðherra undirbýr nú að hefja viðræður um að sálfræðingar
geri samning við Tryggingastofnun á sama hátt og læknar.
SÁLFRÆÐINGAR Sálfræðingafélag
Íslands hefur að undanförnu átt í
óformlegum viðræðum við heil-
brigðisráðuneytið um að
Sálfræðingafélagið
semji við Trygg-
ingastofnun ríkis-
ins á sama hátt og
sérfræðilæknar.
Elsa Friðfinns-
dóttir, aðstoðar-
maður Jóns Krist-
jánssonar heil-
brigðisráðherra,
staðfestir að rætt
hafi verið við sál-
fræðinga og fyrir dyrum standi
formlegar viðræður. „Á fjárlög-
um nú er ekki ætlað fé í þannig
samning en við sjáum því ekkert
til fyrirstöðu að samningaviðræð-
ur verði hafnar við sálfræðinga á
grundvelli þess að fé verði veitt í
samning síðar,“ segir Elsa. Hún
segir allt fé til þessa vera ráðstaf-
að í samninga við tannlækna,
lækna og sjúkraþjálfara.
Ingi Jón Hauksson, fram-
kvæmdastjóri Sálfræðingafélags-
ins, segir að undanfarin ár hafi
sálfræðingar unnið að því að fá
viðræður um samning við Trygg-
ingastofnun ríkisins á sama hátt
og geðlæknar. „Það hefur jafnan
staðið á því að lagaheimild hafi
verið fyrir hendi. Það breyttist
með lögum um almannatrygging-
ar sem samþykkt voru á síðasta
Alþingi.”
Hann segir sálfræðinga hafa
fylgt málinu fast eftir og áfanga
hafa verið náð með breytingum á
lögunum. „Þegar það var í höfn
reyndist ekki vera fjárheimild til
breytinga en Jón Kristjánsson
hefur verið mjög jákvæður. Við
áttum fund með honum fyrir fjór-
um vikum og lýsti hann því yfir að
eðlilegt væri að hefja samninga-
viðræður þrátt fyrir að fjárheim-
ild væri ekki fyrir hendi.
Ingi Jón telur stórum áfanga
náð með viðræðunum. „Fyrst og
fremst er þetta hagsmunamál fyr-
ir sjúklinga okkar, sem hafa ekki
setið við sama borð og aðrir sem
þurfa á heilbrigðisþjónustu að
halda. Lykilatriði er að fólk hafi
val um hvort það leiti til sálfræð-
ings eða geðlæknis og skjólstæð-
ingar okkar þurfi ekki að greiða
hátt verð fyrir hverja komu. Þetta
er byrjunin og við getum fagnað
því,“ segir Ingi Jón Hauksson, sál-
fræðingur og framkvæmdastjóri
sálfræðingafélagsins.
bergljot@frettabladid.is ■
Landsbankinn og Impregilo:
Annast bankaviðskipti Ítalanna
VIÐSKIPTI Stjórnendur Landsbank-
ans og ítalska verktakafyrirtæk-
isins Impregilo hafa skrifað undir
samninga um verklokaábyrgð,
ábyrgð vegna fyrirframgreiðslu
og almenn bankaviðskipti vegna
framkvæmda við Kárahnjúka-
virkjun.
Landsbanki Íslands, aðalvið-
skiptabanki Impregilo á Íslandi,
stendur á bak við verklokaábyrgð
og ábyrgð vegna fyrirfram-
greiðslu til Landsvirkjunar í sam-
vinnu við innlendar fjármála-
stofnanir og ítalska banka.
Ábyrgðirnar eru bæði vegna
stíflu- og aðrennslisganga Kára-
hnjúkavirkjunar og gilda meðan á
framkvæmdum stendur. ■
Breskur raðnauðgari:
Átján ára
fangelsi
LONDON, AP Hálffertugur Breti
sem nauðgaði sex japönskum
stúlkum sem voru á ferðalagi í
London á fyrri hluta síðasta árs
hefur verið dæmdur í átján ára
fangelsi.
Raðnauðgarinn kom sér inn
undir hjá fórnarlömbunum með
japönskukunnáttu og fagurgala
um hjálparhönd. Þegar hann hafði
náð stúlkunum einum skipaði
hann þeim í sturtu, hjálpaði þeim
að þvo sér og nauðgaði þeim –
yfirleitt eftir að hafa hálfkæft
þær.
Nauðgarinn, sem neitaði sök,
fékk tveggja ára skilorðsbundinn
dóm í Japan fyrir tveimur árum
fyrir líkamsárás. ■
FÓRNARLAMB KLASASPRENGJU
Tamara Hamze er eitt af fjölmörgum fórn-
arlömbum klasasprengja sem liggja á víð
og dreif í íröskum borgum.
Virkar sprengjur
á víðavangi:
Lífshættuleg
leikföng
ÍRAK, AP Mannréttindasamtök hafa
þungar áhyggjur af þeirri ógn sem
börnum og öðrum óbreyttum borg-
urum stafar af virkum sprengjum
sem liggja á víðavangi í Írak.
Bandarískar hersveitir hafa verið
hvattar til þess að leggja allt kapp
á að fjarlægja sprengjurnar til
þess að koma í veg fyrir frekara
manntjón.
Fjöldi barna liggur með alvar-
lega áverka á sjúkrahúsum lands-
ins eftir að hafa komist í tæri við
virkar sprengjur. Á hverjum degi
bætast ný fórnarlömb í hópinn. Í
augum barnanna líta sprengjurnar
út eins og spennandi leikföng og
forvitnin reynist oftar en ekki ótt-
anum yfirsterkari. ■
UMSÁTRI LOKIÐ
Lögreglan hafði veitt ræningjanum eftirför
í tvær klukkustundir þegar hann loksins
stöðvaði strætisvagninn á hraðbraut
skammt suður af Hannover.
Ræningi
í gæsluvarðhaldi:
Vildi frelsa
hryðjuverka-
menn
ÞÝSKALAND, AP Dómstólar í Þýska-
landi hafa úrskurðað sautján ára
gamlan pilt sem rændi strætis-
vagni í Bremen og tók sextán
manns í gíslingu í gæsluvarð-
hald fram að réttarhöldum.
Ræninginn, sem er þýskur
ríkisborgari af líbönsku bergi
brotinn, var yfirbugaður af lög-
reglu á hraðbraut skammt frá
borginni Hannover síðastliðinn
föstudag eftir yfir fimm klukku-
stunda langt samningaþóf. Að
sögn saksóknara krafðist hann
þess að fjórir fangar yrðu látnir
lausir, þar á meðal maður sem
gegndi lykilhlutverki í hryðju-
verkaárásunum 11. september
2001. ■
Á TVÖFÖLDUM HÁMARKSHRAÐA
Tveir átján ára piltar voru stöðv-
aðir fyrir hraðakstur á Vestur-
landsvegi við Elliðaár á fimmtu-
dagskvöld. Mældust þeir á 190
kílómetra hraða, sem er meira en
tvöfaldur hámarkshraði. Piltarnir
voru sviptir ökuréttindum á staðn-
um en þeir voru báðir með bráða-
birgðaskírteini. Þá eiga þeir von á
því að fá tugþúsunda króna sekt.
INNBROT Í KEFLAVÍK Brotist var
inn í Myllubakkaskóla í Keflavík
um páskahelgina. Það var skóla-
stjórinn sem uppgötvaði innbrot-
ið þegar hann mætti í vinnu.
Unnin voru skemmdarverk í
skólanum. Meðal annars hafði
bæsi verið slett yfir myndverk
nemenda í leirvinnslustofu og
málningartúpur teknar og makað
úr þeim á veggi utandyra.
ÓLÆTI VEGNA ÖLVUNAR Lögregl-
an í Vestmannaeyjum var kölluð
til nokkrum sinnum aðfaranótt
fimmtudags vegna háreysti í
heimahúsum. Þá bárust kvartanir
vegna drukkins fólks sem var
með ólæti utan við heimahús.
Lögreglan hafði afskipti af
tveimur mönnum sem voru
ósjálfbjarga vegna ölvunar og
gisti annar þeirra fangaklefa.
VIÐRÆÐUR AÐ HEFJAST
Skjólstæðingar sálfræðinga geta verið kátir því nú standa fyrir dyrum viðræður við þá um
samning við Tryggingastofnun.
■
“Fyrst og fremst
er þetta hags-
munamál fyrir
sjúklinga okkar,
sem hafa ekki
setið við sama
borð og aðrir
sem þurfa á
heilbrigðisþjón-
usta að halda.”
SAMNINGURINN UNDIRRITAÐUR
Í fremri röð frá vinstri: Halldór J. Kristjánsson, bankastjóri Landsbankans, Roberto Velo,
framkvæmdastjóri Impregilo á Íslandi, og Brynjólfur Helgason, framkvæmdastjóri og að-
stoðarbankastjóri Landsbankans. Í aftari röð frá vinstri: Ingólfur Guðmundsson aðstoðar-
framkvæmdastjóri, Hlynur Sigursveinsson viðskiptastjóri og Davíð Björnsson aðstoðar-
framkvæmdastjóri frá Landsbankanum.
■ Lögreglufréttir
Ökumaður bifhjóls:
Tekinn á
ofsahraða
LÖGREGLAN Helgin var róleg hjá
lögreglunni í Reykjavík, Kópavogi
og Hafnarfirði og það telst helst til
tíðinda að ökumenn eru farnir að
aka full geyst á höfuðborgarsvæð-
inu. Þannig elti lögreglan í Reykja-
vík uppi ökumann bifhjóls sem
mældist á 166 kílómetra hraða í
Ártúnsbrekku. Ökumaðurinn var
með farþega á hjólinu og verður
sjálfsagt sviptur ökuréttindum eft-
ir að hann kemur fyrir dómara en
leyfilegur hámarksharði er 80 kíló-
metrar á klukkustund. ■
Erlendir togarar við Íslandsmið:
Eftirliti haldið leyndu
ERLENT FISKVEIÐISKIP
Við úthafskarfaveiðar á föstudaginn var eitt skip frá Lettlandi, fimm frá Litháen, eitt frá
Belize og fimm frá Dóminíska lýðveldinu.
Tveggja tonna trilla:
Föst í
netaflækju
BJÖRGUN Björgunarsveitin Ársæll
í Reykjavík og björgunarskipið
Ásgrímur S. Björnsson voru köll-
uð út á laugardagskvöld eftir að
tveggja tonna trilla með einum
manni um borð fékk net í skrúf-
una eina sjómílu vestur af Sel-
tjarnarnesi.
Reykjavíkur Radíó barst kall
frá trillunni klukkan 20.35 þar
sem beðið var um aðstoð og Til-
kynningarskyldan ræsti björgun-
arsveitina út í framhaldinu. Að-
stoð barst klukkan 21.10 og trill-
an var dregin til hafnar í Reykja-
vík og kom að landi klukkan
22.20. ■
FR
ÉT
TA
B
LA
Ð
IÐ
/B
IL
LI