Fréttablaðið - 31.08.2003, Side 18

18 31. ágúst 2003 SUNNUDAGUR
■ Kvikmyndastjarna
■ Framtíðarhornið ■ Maðurinn er
Dorothy Dandridge fæddistárið 1922. Móðir hennar var
leikkona sem yfirgaf eiginmann
sinn og ól ein upp tvær dætur
þeirra. Dorothy sá föður sinn að-
eins einu sinni á fullorðinsárum.
Þegar hún var orðin þekkt leik- og
söngkona kom hann á fund hennar
og sagði henni að hann væri stolt-
ur af henni. Síðan hélt hann sína
leið og þau sáust aldrei eftir það.
Dorothy og systir hennar
sýndu umtalsverða leik- og söng-
hæfileika strax á unga aldri og
móðirin fór með þær í söngferða-
lag um Bandaríkin sem stóð í þrjú
ár. Systurnar komu fram í
nokkrum kvikmyndum og komu
síðan fram í hinum fræga Cotton
Club í New York.
Heilaskaðað barn
Dorothy var einstaklega falleg,
með gulbrúnan húðlit og hafði fal-
lega söngrödd. Hún var vel gefin
og glaðlynd en um leið ofurvið-
kvæm og framkoma hennar ein-
kenndist ætíð af virðuleika. Hún
giftist tæplega tvítug blökkudans-
aranum Harold Nichols en hjóna-
bandssaga þeirra var ekki farsæl
vegna ótta Dorothy við kynlíf og
eiginmaðurinn fór fljótlega að
leita huggunar hjá öðrum konum.
Dorothy varð barnshafandi og
notaði ástand sitt sem afsökun
fyrir því að sofa ekki hjá eigin-
manni sínum. Þegar eiginmaður-
inn var að skemmta í Evrópu,
komst Dorothy að því sér til
skelfingar að eins árs dóttir þeir-
ra væri alvarlega heilasköðuð.
Eiginmaðurinn treysti sér ekki til
að takast á við vandann og sendi
skilaboð til konu sinnar þess efnis
að hann ætlaði sér ekki að snúa
heim frá Evrópu. Eftir skilnað
þeirra sendi Dorothy dóttur sína í
fóstur en kom henni síðar fyrir á
hæli og þjáðist alla ævi af sektar-
kennd vegna þeirrar ákvörðunar.
Eiginmaðurinn var síðasti
svarti karlmaðurinn sem Dorothy
átti í ástarsambandi við. Erfitt
hjónaband varð til þess að hún
fékk andúð á svörtum karlmönn-
um og þegar hún lék á móti
blökkumanninum Brock Peters í
Carmen Jones bað hún leikstjóra
myndarinnar um að reka hann.
„Ég þoli hann ekki, hann er svo
svartur,“ sagði hún.
Ris og fall
Dorothy varð stjarna eftir leik
sinn í Carmen Jones. Tímaritið
Life setti hana á forsíðu sína og
það var í fyrsta sinn sem blökku-
kona rataði þar á forsíðu. Á sama
tíma var hún kosin ein af fimm
fegurstu konum heims af ljós-
myndurum í Hollywood. Hún var
tilnefnd til Óskarsverðlauna fyrir
leik sinn í Carmen Jones en Grace
Kelly hreppti verðlaunin. Dorothy
sagði vinum sínum að dag einn
myndi hún hampa styttunni. Og á
þeim tíma virtist það raunhæfur
möguleiki.
Næsta mynd hennar var Island
in the Sun sem fjallaði um ástir
blökkukonu og hvíts manns.
Síðan komu tvær lélegar myndir
og svo Porgy and Bess. Myndin
fékk dóma í meðallagi en
Dorothy vann Golden Globe
verðlaunin fyrir leik sinn.
Skömmu eftir frumsýningu
myndarinnar giftist Dorothy
Jack Dennison, yfirmanni á
hóteli í Las Vegas. Hann gerð-
ist umboðsmaður hennar og
fjármálastjóri. Það fór ekki
gott orð af honum og kvik-
myndatilboð hættu fljótlega
að berast. Dennison krafðist
þess að Dorothy skemmti í næt-
urklúbbi hans en vinir hennar
lögðust gegn því að hún léti sjá sig
á svo litlum skemmtistað. Denni-
son einangraði Dorothy frá vinum
hennar og lagði á hana hendur.
Eftir þriggja ára hjónaband sótti
Dorothy um skilnað. Hún sagði
mann sinn hafa ofsafengið skap
og bætti við: „Allt breyttist
daginn sem við giftumst.“
Södd lífdaga
Dorothy hafði á
unga aldri haft andúð
á áfengisdrykkju en
nú var hún byrjuð að
drekka ótæpilega í
laumi og lifði á ró-
andi töflum. Hún
hafði brotist frá
fátækt til
frægðar og
hafði auðgast
vel en fjár-
m u n i r n i r
v o r u
gengnir til
þurrðar og
að hluta til var slæmum fjárfest-
ingum fyrrverandi eiginmanns
hennar um að kenna. Hún neydd-
ist til að lýsa yfir gjaldþroti.
Dag einn mætti Earl Mills, um-
boðsmaður Dorothy, að heimili
hennar, en þau höfðu mælt sér
mót. Dorothy svaraði ekki kalli
hans og að lokum braust hann inn.
Hann fann hana
þar sem
h ú n
lá á baðherbergisgólfinu, nakin en
með slæðu um höfuð sér. Hún var
látin.
Dorothy var 42 ára þegar hún
lést. Eftir krufningu kom í ljós að
hún hafði látist vegna of stórs
skammts af róandi lyfjum. Hvort
hún hafði tekið lyfin vegna kvíða,
eða í þeim tilgangi að binda enda á
líf sitt, veit enginn. Á hvorn veg-
inn sem var er ljóst að hún lést
södd lífdaga.
kolla@frettabladid.is
DOROTHY
DANDRIDGE
Hún var fyrsta
blökkukonan sem
varð kyntákn í
Hollywood og
jafnframt fyrsta
blökkukonan
sem tilnefnd
var til Ósk-
arsverðlauna
fyrir bestan
leik í aðal-
hlutverki.
Þegar Halle Berry varð fyrst blökkukvenna til að hreppa Óskarinn fyrir bestan leik í aðalhlutverki, nefndi hún Dorothy Dandridge
sem fyrirmynd sína.
Fyrsta svarta kyntáknið
Nýtt heimilisfang:
Tryggvagata 8, sími: 552-3870. Fax: 562-3820.
hefjast 15. september.
Innritun í síma 552 3870
1.-13. september.
• Námskeið fyrir byrjendur og lengra komna
• Einkatímar - Taltímar
• Námskeið fyrir börn
• Viðskiptafranska
• Lagafranska
• Kennum í fyrirtækjum. Netfang:
af@ismennt.is.
Veffang:
http://af.ismennt.is.
Dorothy var 42 ára
þegar hún lést. Eftir krufn-
ingu kom í ljós að hún hafði
látist vegna of stórs
skammts af róandi lyfjum.
Hvort hún hafði tekið lyfin
vegna kvíða eða í þeim til-
gangi að binda enda á líf sitt
veit enginn.
,,
Helgi
Hjörvar
Maðurinn sem um var spurt ásíðunni hér á undan er Helgi
Hjörvar sem nú er að hefja sitt
fyrsta kjörtímabil sem þingmaður
Samfylkingarinnar. Við jómfrúr-
ræðu Helga fór hann fram úr sér,
að mati Halldórs Blöndal forseta
Alþingis, sem veitti honum ákúr-
ur. Mun það í fyrsta skipti sem
þingmaður hlýtur slíkt tiltal við
flutning jómfrúrræðu sinnar. ■
MEÐ HARRY BELAFONTE
Myndin Carmen Jones, þar sem Dorothy
lék á móti Harry Belafonte, gerði Dorothy
að alþjóðlegri stjörnu.
Evrópusambandið veitir á hverjuári gríðarlegu fjármagni til
rannsókna á nýrri tækni sem ætlað
er að leysa tölvuna, eins og við
þekkjum hana, af hólmi. Þeir sem
horfa lengst til framtíðar gera ráð
fyrir að þróun á þessu sviði muni á
komandi árum gerbreyta lifnaðar-
háttum fólks og sjá fyrir sér að við
getum horft á sjónvarp, tengst Net-
inu og haldið fjarfundi á svokölluð-
um „vitrænum“ veggjum, skrifað
minnispunkta á borðstofuborðið og
rætt við viðskiptavin í öðrum
heimshluta gegnum skyrtukrag-
ann. „Tölvan, eins og við þekkjum
hana, er ekki inni í þessari framtíð-
armynd. Hún verður einfaldlega
óþörf - og hverfur. Afkomendurnir
geta kíkt á hana í Árbæjarsafni“,
segir Gunnar Salvarsson í grein um
fyrirbærið á heimasíðu AcoTækni-
vals, www.atv.is.
George Metakides, prófessor
við háskólann í Patras, er einn af
umsjónarmönnum verkefnisins
„Disappearing Computer“ innan
ESB. Hann telur að flestir hlutir
sem við notum í daglega lífinu
muni tengjast ósýnilegu og allt um-
lykjandi neti sem leysa muni tölv-
una af hólmi. Hann nefnir sem
dæmi tannbursta „sem getur upp-
lýst eigandann um það að hola sé að
myndast í næstaftasta jaxli og tími
hafi þegar verið pantaður hjá tann-
lækni.“ Hann segir að þegar ósýni-
lega netið verði tekið við muni það
leysa af hólmi tölvurnar, farsímana
og allan þann tæknibúnaður sem
fólk hefur „verið að burðast með á
síðustu árum og áratugum.“ ■
GEORGE METAKIDES
„Í framtíðinni verður tæknin hluti af hvers-
dagslegu umhverfi okkar. Ósýnilega tækni-
lega netið veit hvar ég hvar, hvað mig van-
hagar um og hvað ég á að gera“, segir
Metakites.
Ósýnilegt net tekur við