Fréttablaðið - 30.09.2003, Side 26

26 30. september 2003 ÞRIÐJUDAGUR
hvað?hvar?hvenær?
27 28 29 30 1 2 3
SEPTEMBER
Þriðjudagur
Hannes Þ. Guðrúnarson gítar-leikari heldur einleikstón-
leika í Salnum í kvöld. „Ég flyt
tónlist frá Suður-Ameríku; Para-
gvæ, Mexíkó og Kúbu. Þessi tón-
list er í uppáhaldi hjá mér og
mjög aðgengileg fyrir áheyrend-
ur í öllum aldurshópum.“
Hannes hefur starfað sem tón-
listarmaður og kennari á Akur-
eyri og í Noregi: „Þetta eru fyrstu
opinberu tónleikarnir sem ég held
hér fyrir sunnan eftir að ég út-
skrifaðist frá Tónskóla Sigur-
sveins fyrir tíu árum. Það er kom-
inn tími til að láta í sér heyra og
ég er búinn að vera að undirbúa
tónleikana síðan í vor.“
Suðrænt og seiðandi er yfir-
skrift tónleikanna en þeir eru lið-
ur í tónleikaröð kennara við Tón-
listarskóla Kópavogs: „Ég flutti til
Reykjavíkur fyrir ári og starfa
sem kennari við skólann. Hug-
myndin er að gefa kennurum
tækifæri á að njóta sín sem flytj-
endur og um leið að leyfa nemend-
um að sjá kennara sína í hlutverki
tónlistarmannsins. Krakkarnir fá
það verkefni að skrifa um tvenna
tónleika en það er mjög mikilvægt
fyrir nemendur að læra að njóta
tónlistarflutnings. Það er aldrei
það sama að heyra tónlistina
leikna af geisladisk eins og að sjá
hana lifna við í tónleikasalnum.“
Tónleikarnir hefjast klukkan
20.00 í kvöld og standa yfir í
klukkustund. ■
■ TÓNLEIKAR
■ MYNDLIST
Suðræn og
seiðandi gítartónlist■ ■ KVIKMYNDIR

20.30 Goethe-Zentrum, Laugavegi
18, sýnir heimildarmynd um þýsku „Rík-
ishraðbrautina“, Reichsautobahn. Leik-
stjórinn Hartmut Bitomsky reynir hér að
leiðrétta ýmsar ranghugmyndir.
■ ■ TÓNLEIKAR

20.00 Hannes Þ. Guðrúnarson gít-
arleikari verður með einleikstónleika í
Salnum Þetta eru fyrstu tónleikar í Tón-
leikaröð kennara við Tónlistarskóla
Kópavogs. Hannes mun flytja verk eftir
Agustin Barrios Mangore, Manuel M.
Ponce og Leo Brouwer.

20.30 Stórtónleikar Sigrúnar
Hjálmtýsdóttur, Gunnars Guðbjörns
og Jónasar Ingimundarsonar í Fjöl-
brautarskóla Suðurlands, Selfossi. Á
efnisskránni eru vinsælar aríur, dúettar
og terzettar úr þekktum óperum eftir
Mozart, Bizet, Gounod, Verdi og Puccini,
og íslensk sönglög eftir Sigfús Einars-
son, Sveinbjörn Sveinbjörnsson, Sig-
valda Kaldalóns, Markús Kristjánsson,
Emil Thoroddsen og Bjarna Þorsteins-
son.
■ ■ FYRIRLESTRAR

08.30 Hvað er að gerast í ís-
lensku viðskiptalífi? Vegna mikilla
hræringa í íslensku viðskiptalífi undan-
farna daga efnir Viðskipta- og hagfræði-
deild Háskóla Íslands til morgunfundar í
stofu 101 í Odda. Ágúst Einarsson,
deildarforseti Viðskipta- og hagfræði-
deildar, og Ari Edwald, framkvæmda-
stjóri Samtaka atvinnulífsins, eru meðal
þeirra sem flytja erindi.

12.05 Már Jónsson sagnfræðingur
flytur erindi í Norræna húsinu í fyrir-
lestraröð Sagnfræðingafélags Íslands,
„Hvað er (um)heimur?“ Fyrirlesturinn
nefnist „Heiman eða heim? Brottrekst-
ur mára frá Spáni í byrjun 17. aldar.“
Aðgangur er ókeypis og öllum opinn.

16.30 Luigi Capogrossi Colognesi,
prófessor í Rómarrétti við „La Sapienza“
háskólann í Róm, flytur fyrirlestur á Lög-
fræðitorgi Háskólans á Akureyri þar
sem hann leitar svara við spurningunni:
Hvað gagnast okkur Rómarréttur í
lögfræði nútímans? Erindið verður
haldið í Þingvallastræti 23, stofu 14.

20.00 Krabbameinsfélag Hafnar-
fjarðar efnir til fræðslufundar í Hásöl-
um, safnaðarheimili Hafnarfjarðarkirkju
við Strandgötu. Eiríkur Jónsson yfir-
læknir flytur erindi um krabbamein í
blöðruhálskirtli og Bjarni Magnússon,
fv. bankaútibússtjóri, segir frá reynslu
sinni af sjúkdómnum. Boðið verður upp
á kaffiveitingar.
■ ■ SÍÐUSTU FORVÖÐ

Sýningunni Landnámi og Vínlands-
ferðum, á rishæð Þjóðmenningarhúss-
ins, lýkur í dag. Einnig lýkur sýningunni
Íslandsmynd í mótun - áfangar í
kortagerð. Sýningar í Þjóðmenningar-
húsinu eru opnar alla daga kl. 11-17.
HANNES Þ. GUÐRÚNARSON
Kennari við Tónlistarskóla Kópavogs heldur gítareinleikstónleika í Salnum í kvöld
í tilefni af tónleikaröð kennara skólans.
Dagný Heiðdal verð-ur nú í hádeginu
með leiðsögn um yfir-
litssýningu á verkum
Júlíönu Sveinsdóttur í
Listasafni Íslands.
Á sýningunni, sem
ber yfirskriftina Vefur
lands og lita, gefst ein-
stakt tækifæri til þess
að kynnast list Júlíönu,
sem var ein af fyrstu
konunum sem gerðu
málaralist að ævistarfi
sínu.
Júlíana tilheyrir
brautryðjendum ís-
lenskrar málaralistar.
Aldrei áður hefur verið haldin
jafn yfirgripsmikil sýning á verk-
um hennar.
Leiðsögn Dagnýjar um sýning-
una hefst tíu mínútur yfir tólf og
stendur í hálfa klukkustund. ■
Síðasta plata Outkast, Stankon-ia, var ein af betri hiphop-plöt-
um allra tíma. Það hlýtur því að
teljast frekar undarleg ákvörðun
hjá þeim Antwan „Big Boi“ Patton
og André „3000“ Benjamin að
fara algjörlega í sitthvora áttina.
Þannig er fimmta plata Outkast í
rauninni ekki plata frá Outkast,
heldur tvær sólóplötur þeirra fé-
laga splæstar saman í eina tvö-
falda breiðskífu. Big Boi gefur út
stuðplötuna Speakerboxxx á með-
an André 3000 gerir hina lág-
stemmdu og svefnherbergis-rúm-
góðu The Love Below. Þeir passa
sig svo á því að rappa aldrei sam-
an í neinum lögum, André aðstoð-
ar þó Big Boi við lagasmíðar í ein-
staka tilfellum. André passar sig
svo á því að rappa sem minnst og
syngur frekar.
Fyrst fannst mér þetta frekar
galin hugmynd hjá þeim, en eftir
að hafa rennt báðum plötum
nokkrum sinnum í gegn get ég
ekki annað en verið alsæll. Þeir
félagar eru mjög ólíkir í stílum.
Big Boi er líkari því sem Outkast
hefur gert áður, stuðandi og hrað-
ur á köflum með viðlögum sem
ýta undir fjöldasöng, en André
ákveður að fara aðrar leiðir. Þar
eru leikræn tilþrif meiri og meira
um gamansemi. Hann hoppar á
milli þess að minna á Barry White
yfir í swing og að skáka sjálfum
Prince í svalheitum.
Báðar plöturnar eru frábærar.
Ég er yfirleitt mjög mótfallinn
tvöföldum plötum, en þessar bera
lengdina vel þar sem fjölbreyti-
leikinn er mikill. Það er erfitt að
gefa þessu annað en fullt hús!
Birgir Örn Steinarsson
Umfjölluntónlist
OUTKAST:
Speakerboxxx/The Love Below
Tveir ásar!
Júlíana Sveins í
Listasafni Íslands
HVÍT KANNA OG BÓK
Olíumálverk eftir Júlíönu frá 1948.
ANDRI GUÐMUNDSSON
Uppáhaldsstaðurinn minn erbara uppi í rúmi og undir
sæng, sérstaklega þegar það er
farið að hvessa í veðri,“ segir
Andri Guðmundsson, hljómborðs-
leikari Írafárs. Ég á engan uppá-
haldsskemmtistað, tek bara rúnt-
inn þegar ég fer niður í bæ og kíki
á Gaukinn, Vegamót, Sólon og
stundum Hverfisbarinn.“
Staðurinnminn
Rithöfunda- og tónskáldasöfn
Hvers vegna og hvernig?
Málþing í Norræna húsinu í Reykjavík
Föstudagurinn 3. október 2003
Dagskrá
9.00 Skráning
9.30 Setning
10.00 Safn um mig ì opnunarerindi Einars Más Gudmundssonar
rithöfundar.
11.00 Rithöfunda- og tónskáldasöfn. Hvers vegna og hvernig?
Hagnýt erindi um uppbyggingu safna, sýningar, vefsíður,
markaðssetningu og nýsköpun í rekstri safna og stofnana
sem helguð eru rithöfundum og tónskáldum.
Þeir sem flytja erindi og sitja í pallborði eru:
• Erling Dahl forstöðumaður Edvard Grieg Museum í Noregi
og forseti ICLM (International Commitee of Literary Museum)
• Marketta Tamminen forstöðumaður Borgå museum, sem sér um
safn Runebergs í Finnlandi
• Marianne Landqvist frá Strindbergsmuseet í Stokkhólmi í Svíþjóð
• Anders Ole Hauglid frá rithöfundasöfnunum Aulestad og
Bjerkebæk í Noregi
• Bente Forberg safnasérfræðingur hjá Aulestad, Karoline og heimili
Bjørnstjerne Bjørnsons í Noregi
• Ejnar Askgaard safnasérfræðingur H.C.Anderson safninu í Dan
mörku
• Monica Jangaard frá Edvard Grieg Museum í Björgvin í Noregi
• Skúli Björn Gunnarsson forstöðumaður Stofnunar Gunnars Gunn
arssonar á Skriðuklaustri.
Gert er ráð fyrir hádegisverðarhléi og síðan pallborðsumræðum í lok
fundar. Áætluð fundarlok eru kl. 14:00.
Málþingið fer fram á skandinavísku og er þinggjaldið
9.500 kr.
Innifalið í því eru gögn, léttur hádegisverður og kaffi.
Málþingið er hluti af norrænni ráðstefnu bókmennta-
safna sem stendur frá 2. - 5. október. Tema hennar er
Bókmenntir og þjóðernishyggjaî. Dagskrá ráðstefnunnar í
heild sinni er á vefsíðunni
www.skriduklaustur.is/konferanse.
Skráningar skulu sendar á netfangið
gudny@stadurogstund.is.
Sjá frekari upplýsingar á www.stadurogstund.is og í
síma 554 0070.
FR
ÉT
TA
B
LA
Ð
IÐ
/R
Ó
B
ER
T