Fréttablaðið - 17.11.2003, Blaðsíða 2

2 17. nóvember 2003 MÁNUDAGUR
„Nei. Fyrr mundi ég setja Noel
Blake inn á.“
Guðjón Þórðarson, þjálfari Barnsley, átti aðeins
ellefu leikmenn heila fyrir sigurleikinn gegn Tran-
mere á laugardaginn. Noel Blake er 41 árs og lék
sinn síðasta leik fyrir Exeter fyrir tveimur árum.
Samkvæmt heimildum Fréttablaðsins kennir
Blake nú leikfimi í grunnskóla.
Spurningdagsins
Guðjón, þarftu ekki bara að fara að
taka fram skóna sjálfur?
Óíbúðarhæft um helgar
Fjölgun veitingastaða í miðborginni og lengri afgreiðslutími hefur gert
nokkrar íbúðir óíbúðarhæfar. Eigandi einnar segir nóg komið og vill að
borgin kaupi íbúðina eða greiði kostnað við að gera hana íbúðarhæfa.
MIÐBORGIN „Fjölgun veitingastaða
hér í nágrenninu og lengri af-
greiðslutími hefur gert mína íbúð
og fleiri óíbúðarhæfar um helg-
ar,“ segir Björg Einarsdóttir
sjúkranuddari.
Hún býr við Smiðjustíg og hef-
ur ítrekað orðið fyrir ónæði gesta
skemmtistaða í götunni. Þegar
Björg keypti íbúðina var fyrir
einn skemmtistaður og af-
greiðslutíminn til þrjú eins og
annars staðar í borginni. Nú eru
knæpurnar fjórar og afgreiðslu-
tíminn allt til sex á morgnana.
„Það er ekki ein helgi án ónæð-
is eða óláta. Hávaðinn er ærandi,
enda staðfesta hljóðmælingar
Umhverfis- og heilbrigðisstofu
Reykjavíkur að hávaðamengunin
frá skemmtistöðunum er langt
yfir mörkum,“ segir Björg.
Hún segist fimm sinnum á und-
anförnum þremur árum hafa
þurft að kalla til lögreglu vegna
rúðubrota. Um þverbak keyrði
um helgina, en þá fuku tvær rúð-
ur. Steinhnullungi var kastað inn
um annan gluggann, málmhólki
inn um hinn. Glerbrot voru um
alla íbúð og mildi að enginn svaf
innan við gluggana. Símtölin til
lögreglu vegna annars ónæðis eru
óteljandi. Lögreglan ber hins veg-
ar við manneklu og vísar á borg-
aryfirvöld.
„En við mætum ekki miklum
skilningi hjá borgaryfirvöldum.
Þau litlu svör sem við höfum feng-
ið eru á þann veg að við getum
reynt að leita liðsinnis,“ segir
Björg.
Hún segir tvær leiðir til lausn-
ar. Annars vegar að borgin greiði
kostnað við hljóðeinangrandi ör-
yggisgler og rimla í glugga íbúð-
arinnar eða að borgin hreinlega
kaupi íbúðina, þó henni þyki það
afarkostir.
„Ég hef ekki brjóst í mér til að
selja fólki íbúðina út frá því sem
ég hef lýst. En það er sanngirnis-
mál að borgaryfirvöld greiði
þennan kostnað þar sem forsend-
ur hafa breyst svo gríðarlega frá
því ég keypti íbúðina,“ segir
Björg Einarsdóttir.
the@frettabladid.is
Kjartan Gunnarsson um æviminningar Sverris:
Fráleitt samhengi hlutanna
ÆVIMINNINGAR „Samhengi hlut-
anna þarna er fráleitt. Þessi svo-
kallaði undirbúningur að starfs-
lokum þeirra Sverris Hermanns-
sonar og Björgvins Vilmundar-
sonar var einungis liður í undir-
búningi að breytingu Landsbank-
ans í hlutafélag. Undirbúningur-
inn miðaði ekki síst að því að
tryggja eðlileg réttindi bæði
bankastarfsmanna og banka-
stjóra. Það var því ekkert sam-
hengi milli þessara átaka og
starfslokanna,“ segir Kjartan
Gunnarsson, framkvæmdastjóri
Sjálfstæðisflokksins og fyrrum
bankaráðsformaður í Lands-
bankanum.
Kaflar úr
væntanlegri
æ v i s ö g u
Sverris Her-
mannssonar,
áður þing-
manns, ráð-
herra og
bankastjóra
Landsbanka
Íslands, birt-
ust í Frétta-
blaðinu í gær,
meðal annars
kafli um átök
Sverris og
Davíðs Odds-
sonar forsæt-
isráðherra vegna vaxtamála og
hlutverk Kjartans Gunnarssonar í
þeim átökum. Kjartan vill ekki tjá
sig um bókina að öðru leyti en því
að samhengi hlutanna sé ekki rétt.
Í Fréttablaðinu birtist einnig
kafli um þátt Sverris í að tryggja
Davíð Oddssyni kjör í formanns-
slag við Þorstein Pálsson.
Þorsteinn Pálsson, fyrrverandi
formaður Sjálfstæðisflokksins og
núverandi sendiherra í Kaup-
mannahöfn, sagðist í gær ekki
hafa séð téða bókarkafla og gæti
því ekkert um þá sagt.
Davíð Oddsson forsætisráð-
herra svaraði ekki skilaboðum
Fréttablaðsins. ■
Bankaránið:
Rætt við
vitni
RÁN „Við höfum engar upplýsingar
um annað en að bankaræninginn
hafi verið einn að verki,“ segir
Kristján Ó. Guðnason, aðstoðaryf-
irlögregluþjónn í Hafnarfirði. Lög-
reglan hefur fengið ábendingar í
kjölfar ránsins og vinnur úr þeim
auk annarra vísbendinga. Ekkert
liggur þó fyrir í þeim efnum.
Tveir menn sem lögreglan aug-
lýsti eftir settu sig í samband við
hana um kvöldmatarleytið í gær.
Þeir eru ekki grunaðir um aðild en
eru taldir geta veitt upplýsingar. ■
BYSSA Á LOFTI
Palestínskur uppreisnarsinni heldur byssu
sinni á lofti.
Palestínskur ráðamaður:
Vígamenn
jákvæðir
VESTURBAKKINN,AP Hassan Abu
Libdeh, aðstoðarmaður Ahmed
Qureia, forsætisráðherra Palest-
ínumanna, segir að palestínskir
vígamenn hafi sent mjög jákvæð
skilaboð þess efnis að þeir séu til-
búnir til að efna til vopnahlés við
Ísrael.
Þetta kom fram í viðtali sem
Libdeh átti við AP-fréttastofuna.
Hann segist vera sannfærður um
að Ísraelar og Palestínumenn
muni binda enda á þriggja ára
átök innan skamms.
„Ég held að ef Ísraelar spili
ekki með okkur séu uppreisnar-
sinnar tilbúnir til að teygja sig
mjög langt,“ sagði Libdeh. ■
SKRIFSTOFA SÞ
Bíll ekur á brott frá miðstöð hermála Sam-
einuðu þjóðanna í Kabúl í Afganistan.
Skotárás í Afganistan:
Frönsk kona
skotin
AFGANISTAN, AP Franska konan
Bettina Goislard, starfsmaður
Sameinuðu þjóðanna, var skotin
til bana í Afganistan í gær. Hún er
fyrsti starfsmaður samtakanna
sem er myrtur í landinu síðan
Talibanastjórnin féll af stalli.
Goislard, sem var 29 ára göm-
ul, var farþegi í bíl á vegum Sam-
einuðu þjóðanna þegar byssumað-
ur á mótorhjóli hóf skothríð að
bílnum. Lögreglu tókst að hand-
sama árásarmanninn, sem er tali-
banskur uppreisnarmaður.
813 manns starfa á vegum Sam-
einuðu þjóðanna í Afganistan auk
þess sem nokkur þúsund Afgana
vinna einnig fyrir samtökin. ■
Landssími Íslands:
Lokar á Og
Vodafone
FJARSKIPTI Landssími Íslands hefur
tilkynnt Og Vodafone að lokað
verði fyrir farsímastöðvar Sím-
ans á svæðum á Suður- og Vestur-
landi á miðnætti á mánudag. Fyr-
ir vikið munu viðskiptavinir Og
Vodafone ekki eiga aðgang að 50
sendum á þeim svæðum.
„Vodafone hefur fullyrt að við
séum að hafna einhverjum millj-
ónaviðskiptum með þessu aðgerð-
um. Ég get alveg fullyrt að þessir
örfáu sendar á Vesturlandi sem um
er að ræða gefa okkur mjög óveru-
legar tekjur,“ sagði Páll Ásgríms-
son, forstöðumaður lögfræðideildar
Landssímans. „Aðgerðin á sér eðli-
legar viðskiptalegar forsendur. Þeir
hafa ekki ennþá verið til viðræðu
um verðlagningu fyrir þá þjónustu
sem þeir eru að fara fram á.“ ■
EBÓLA BREIÐIST ÚT Ellefu manns
hafa látið lífið af völdum Ebóla-
veirunnar í norðvesturhluta
Kongó. Yfirvöld hafa greint 13
tilfelli veirunnar í Mbomo-héraði
og óttast mjög frekari útbreiðslu.
Í fyrra var sama svæði sett í sótt-
kví þegar rúmlega 100 manns lét-
ust af völdum veirunnar.
OBASANJO HITTIR MUGABE Olu-
segun Obasanjo, forseti Nígeríu,
ætlar að funda með Robert
Mugabe, forseta Simbabve, í dag
um ástæðu þess að Simbabve var
ekki boðið að taka þátt í fundi
Bretlands og fyrrum Samveldis-
ríkja þess í næsta mánuði. Mug-
abe hefur lengi verið gagnrýndur
fyrir mannréttindabrot í heima-
landi sínu.
ENN EITT RÚÐUBROTIÐ
Mesta mildi er að enginn hafi hlotið skaða
af þegar drukknir og dópaðir gestir kráa í
miðborginni skeyta skapi sínu á dauðum
hlutum.
VILL AÐGERÐIR BORGARYFIRVALDA
Björg Einarsdóttir, íbúðareigandi við Smiðjustíg, telur sanngjarnt að borgaryfirvöld axli
ábyrgðina af fjölgun vínveitingaleyfa og lengingu afgreiðslutíma skemmtistaða í borginni.
■ Afríka
KJARTAN GUNN-
ARSSON
Framkvæmdastjóri
Sjálfstæðisflokksins
segir frásögn af undir-
búningi starfsloka
Sverris Hermannsson-
ar slitna úr samhengi.
Hafnarfjörður:
Fjórir teknir
vegna dóps
LÖGREGLUFRÉTTIR Fjórir karlmenn á
þrítugsaldri voru handteknir í
Hafnarfirði vegna fíkniefnamis-
ferlis í fyrrinótt.
Lögreglumenn sem stöðvuðu
bifreiðar við reglubundið eftirlit
fundu áhöld til fíkniefnaneyslu í
bíl einum. Tveir menn voru hand-
teknir. Hinir tvímenningarnir
voru handteknir eftir að sex
grömm af amfetamíni fundust í
fórum þeirra.
Að sögn lögreglumanna í Hafn-
arfirði ber eftirlit af þessu tagi oft
árangur. Er þá oft um það að ræða
að skoðað sé í bílum hjá góðkunn-
ingum lögreglunnar. ■
AP
/M
YN
D
FR
ÉT
TA
B
LA
Ð
IÐ
/R
Ó
B
ER
T
FR
ÉT
TA
B
LA
Ð
IÐ
/R
Ó
B
ER
T
AP
/M
YN
D
VERÐLAUN Jón S. Guðmundsson,
fyrrum íslenskukennari við
Menntaskólann í Reykjavík, tók
við verðlaunum Jónasar Hall-
grímssonar sem veitt voru við há-
tíðlega athöfn í gær, á degi ís-
lenskrar tungu.
Jón hóf kennslu við MR árið
1943 og kenndi við skólann í rúm
50 ár. Í áliti valnefndar kemur
fram að það sé hverri þjóð ómet-
anlegt að eiga lærimeistara sem
stundi málrækt af slíkri alúð sem
Jón gerði.
Sérstakar viðurkenningar voru
einnig veittar Lesbók Morgun-
blaðsins og Spaugstofunni fyrir
stuðning við íslenska tungu en í
mati dómnefndar kom fram að
Spaugstofumenn kunni þá list að
bregða á leik með tungumálið og
að málnotkun þeirra sé skemmti-
leg og skapandi. ■
VERÐLAUNAAFHENDING
Tómas Ingi Olrich afhenti Jóni S. Guð-
mundssyni verðlaun Jónasar Hallgrímsson-
ar í tilefni af Degi íslenskrar tungu.
Dagur íslenskrar tungu:
Spaugstofan og
kennari heiðruð