Fréttablaðið - 17.11.2003, Side 27

Kínversk kona sem var orðinþreytt á því hve illa eigin-
maður hennar lyktaði hefur lát-
ið hann skrifa undir samning um
að hann baði sig á hverjum degi.
Hjónin höfðu átt í stöðugum
deilum síðan þau giftu sig á síð-
asta ári vegna þess að eiginmað-
urinn, Luo, neitaði að þrífa sig.
Að því er kom fram í kínversku
dagblaði gat eiginkona hans,
Yin, þakkað fyrir ef Luo fór í
bað einu sinni í viku.
Vinur Yin lagði þá til að hún
setti eiginmanni sínum afar-
kosti og léti hann skrifa undir
samning sem myndi gera út af
við vandamálið í eitt skipti fyrir
öll.
Samkvæmt samningnum
verður Luo rekinn að heiman í
einn mánuð ef hann brýtur regl-
urnar þrisvar sinnum, þ.e. baðar
sig ekki á hverjum degi. ■
Það var í desember árið 1968sem Bítlarnir settust niður til
þess að ræða framtíð sína. Þá
höfðu þeir tæmt sig algerlega með
hinu 30 laga „Hvíta albúmi“ og
unnið látlaust að hljóðritunum,
kvikmyndagerð, sjónvarpsupptök-
um og viðtölum. Þeir höfðu þá ekki
leikið saman á tónleikum frá því í
ágúst 1966.
Sveitina langaði að nálgast ræt-
ur sínar og færa sig aftur út í það
að koma fram á tónleikum. Ákveð-
ið var að setja upp æfingaaðstöðu í
Twickenham-kvikmyndaverinu og
semja þar efni á nýja plötu. Einnig
var samþykkt að leyfa leikstjóran-
um Michael Lindsay-Hogg að
skjóta allar æfingarnar fyrir hugs-
anlega heimildamynd.
Aðstæður voru ekki góðar. Verið
var kalt og drungalegt og ekki
hjálpaði til að brestir voru farnir
að myndast í vinasamböndum liðs-
manna. Pirringur braust út og
George Harrison gafst fyrstur upp,
pakkaði saman græjunum sínum
og gekk út eftir rúma viku. Hann
varð þá einnig fyrstur Bítlanna til
þess að hóta því að hætta.
Vinirnir náðu sáttum og ákváðu
að klára plötuna í kjallara Apple-
plötufyrirtækisins. Þá var ákveðið
að sleppa öllu skrauti.
Þann 30. janúar héldu Bítlarnir
upp á þak Apple-byggingarinnar í
London og héldu 42 mínútna tón-
leika sem áttu að undirstrika að
sveitin væri byrjuð að spila aftur.
Þetta urðu svo síðustu tónleikar
Bítlanna.
Eftir að upptökustjórinn Glyn
Johns náði ekki að skila af sér út-
gáfu plötunnar sem allir voru sátt-
ir við lá platan í salti fram á næsta
ár. Þá var Phil Spector ráðinn til
þess að endurvinna plötuna úr öll-
um upptökunum. Hann bætti við
fjölda aukahljóðfæraleikara og
kláraði plötuna 2. apríl 1970, eftir
átta daga vinnu. Rúmri viku síðar,
þann 10. apríl, sendu Bítlarnir út
dánartilkynningu sína.
30 árum seinna hrinti Paul af
stað atburðarás sem hefur nú skil-
að þeirri útgáfu plötunnar í búðir
sem hann hefði viljað heyra upp-
runalega.
Á Let It Be... Naked eru upp-
runalegu upptökurnar, óhreyfðar
af stórtækum upptökustjórum.
Búið er að hreyfa við lagaröðinni
og lögunum Dig It og Maggie Mae
hefur verið skipt út fyrir Don’t Let
Me Down.
biggi@frettabladid.is
MÁNUDAGUR 17. nóvember 2003
THE BEATLES
Let It Be varð svanasöngur Bítlanna og Paul hefur aldrei verið sáttur við plötuna... fyrr en nú.
■ TÓNLIST
Tónlist
BÍTLARNIR
■ Í dag kemur út ný útgáfa plötunnar
Let It Be en hér er á ferðinni sú útgáfa
plötunnar sem Bítlarnir ætluðu sér upp-
runalega að gefa út.
Skrýtnafréttin
■ Kínversk hjón hafa gert samning um að
eiginmaðurinn baði sig á hverjum degi.
Afar illa lyktandi
eiginmaður
KÍNVERJAR Í STURTU
Samkvæmt samningnum þarf Luo að fara í
bað á hverjum degi.
Paul berstrípar Bítlana