Fréttablaðið - 20.01.2004, Blaðsíða 4

4 20. janúar 2004 ÞRIÐJUDAGUR
Borðar þú þorramat?
Spurning dagsins í dag:
Eru orðin þreytt(ur) á snjónum?
Niðurstöður gærdagsins
á www.frett.is
30%
70%
Nei
Já
Kjörkassinn
Farðu inn á frett.is og segðu þína skoðun
frétt.is
Lögreglan handtók fimm manns eftir innbrot í tvö
fyrirtæki:
Endurheimtu stóran
hluta þýfisins
INNBROT Innbrotin sem framin voru
í ljósmyndastofu Jóhannesar Long
og Hárstofuna Feimu á sunnudags-
morgun eru upplýst. Fimm manns,
fjórir karlar og ein kona, voru
handtekin í kjölfarið. Björgvin
Björgvinsson rannsóknarlögreglu-
maður segir þá sem hlut áttu að
máli hafa játað verknaðinn. Fólkinu
var sleppt síðdegis gær að loknum
yfirheyrslum.
Bæði fyrirtækin eru til húsa við
Ásholt. Þjófarnir höfðu á brott með
sér vörur og tölvu og ljósmynda-
búnað fyrir 2-3 milljónir króna.
Innbrotið náðist á eftirlitsmynda-
vél sem komið hafði verið fyrir á
ljósmyndastofunni. Fljótlega beind-
ist grunur að fólkinu, sem að sögn
Björgvins hefur áður komið við
sögu lögreglu. Fólkið, sem er milli
þrítugs og fertugs, var handtekið í
húsi í miðborg Reykjavíkur og þar
fannst stór hluti þýfisins. Björgvin
segir ekki hægt að koma öllu þýfinu
til skila, sumt hafi eyðilagst. ■
STOKKHÓLMUR Dómstóll í Stokk-
hólmi hefur fundið Mijailo
Mijailovic sekan um morðið á
sænska utanríkisráðherranum
Önnu Lindh. Miajilovic mun
gangast undir ýtarlega geðrann-
sókn áður en endanlegur dómur
verður kveðinn upp. Réttarhöld-
unum hefur verið frestað þar til
rannsókninni lýkur, eftir fjórar
til fimm vikur.
Í dómsúrskurðinum kemur
fram að gögn ákæruvaldsins
bendi eindregið til sektar
Mijailovics en ekki verði hægt að
ákveða refsingu fyrr en hópur
sérfræðinga á Huddinge-sjúkra-
húsinu hafi fengið tíma til að
leggja mat á geðheilsu hans. Ef
sérfræðingarnir komast að þeirri
niðurstöðu að Mijailovic eigi við
alvarleg geðræn vandamál að
stríða verður hann vistaður á
geðsjúkrahúsi í stað þess að
verða sendur í fangelsi.
Saksóknarinn Agneta Blid-
berg og verjandi Mijailovics,
Peter Althin, fluttu lokaræður
sínar í dómshúsinu í Stokkhólmi í
gær. Blidberg sagði að árásin
hefði verið fyrir fram skipulögð
og krafðist þess að Mijailovic
yrði dæmdur í lífstíðarfangelsi.
„Það var engin tilviljun að Anna
Lindh var fórnarlamb árásarinn-
ar. (Hún) var fulltrúi þess sam-
félags sem hafði brugðist hon-
um“ sagði Blidberg. Hún vísaði
jafnframt til vitnisburðar vin-
konu Lindh, sem sagði að árásin
hefði verið ofsafengin og
grimmileg.
Althin sagði sem fyrr að um
tilviljanakenndan verknað hefði
verið að ræða og benti á að
Mijailovic hefði ekki verið með
réttu ráði sökum geðtruflana og
lyfja. Hann lagði áherslu á að
ákæruvaldinu hefði ekki tekist að
sanna að Mijailovic hefði farið í
NK-verslunarmiðstöðina í Stokk-
hólmi 10. september með það í
huga að drepa Lindh og því væri
ekki rétt að dæma hann fyrir
morð af yfirlögðu ráði. Dómstóll-
inn hafnaði beiðni Althins um að
Mijailovic yrði látinn laus úr
haldi.
Aðeins viku áður en réttar-
höldin hófust játaði Mijailovic að
hafa stungið Lindh til bana. Með
DNA-rannsókn var sýnt fram á
að lífssýni sem fannst á morð-
vopninu tilheyrði honum auk
þess sem blóð úr Lindh fannst á
fötum hans. Mijailovic lýsti því
yfir fyrir rétti að hann hefði ekki
ætlað sér að drepa Lindh og að
hann iðraðist gjörða sinna.
brynhildur@frettabladid.is
Ríkisstjórnarfundur:
Tillögur um
endurgreiðslur
HEILBRIGÐISMÁL Heilbrigðisráð-
herra mun leggja fram tillögur
um endurgreiðslur til sjúklinga á
fundi ríkisstjórnarinnar í dag.
„Ég mun taka
þetta mál upp,“
sagði Jón Kristjáns-
son, sem kvaðst
ekki vilja tjá sig um
efni tillagnanna
fyrir fundinn.
Sjúklingar sem
þurftu að leita þjón-
ustu sérfræðilækna
meðan enginn
samningur var í gildi milli lækn-
anna og Tryggingastofnunar rík-
isins urðu að greiða fullt verð fyr-
ir læknisverkin. Eftir að sam-
komulag hafði náðst lýsti heil-
brigðisráðherra því yfir að hann
hefði vilja til að hlutast um að við-
komandi fengju einhverjar endur-
greiðslur frá TR. Það er svo ríkis-
stjórnarinnar að taka endanlega
ákvörðun um það. ■
STOKKHÓLMUR Sænska öryggislög-
reglan, SAPO, hefur tekið að sér
að standa vörð við þjóðminja-
safnið í Stokkhólmi og gæta
öryggis listræns stjórnanda
safnsins, Thomas Nordanstad.
Ráðist var á Nordanstad fyrir
utan safnið en honum hafði áður
verið hótað lífláti í tölvubréfi.
Nordanstad stendur í miðju
þeirrar deilu sem reis milli Sví-
þjóðar og Ísraels eftir að ísr-
aelski sendiherrann í Stokkhólmi
vann skemmdir á listaverki í
sænska þjóðminjasafninu. Verk-
ið, sem ber titilinn „Mjallhvít og
brjálæði sannleikans“, saman-
stendur af litlum seglbáti sem
flýtur á blóðrauðu vatni. Á segl-
inu er mynd af palestínskri konu
sem sprengdi sig í loft upp í Ísr-
ael með þeim afleiðingum að
nítján manns fórust. Sendiherr-
ann hefur neitað að biðjast afsök-
unar á því að hafa reynt að eyði-
leggja verkið.
Nordanstad hafa borist yfir
400 tölvubréf með hótunum af
ýmsu tagi. Á sunnudaginn var
honum hrint niður tröppur fyrir
utan þjóðminjasafnið og mátti
litlu muna að illa færi. Árás-
armaðurinn er ófundinn en
Nordanstad hefur hafnað boði
lögreglunnar um lífvörð. Safn-
stjóranum Kristian Berg og lista-
manninum Dror Feiler hafa
einnig borist grófar hótanir. ■
ÖRYGGISMÚRINN ENDURSKOÐ-
AÐUR Ísraelska ríkisstjórnin
ætlar að endurskoða byggingu
öryggismúrsins á Vesturbakkan-
um, að sögn ónafngreinds ísr-
aelsks embættismanns. Stjórn-
völd ætla að láta kanna mögu-
leika á breytingum á múrnum
með það að markmiði að hann
valdi Palestínumönnum sem
minnstum óþægindum.
NEITAR AÐ BIÐJAST AFSÖKUNAR
Zvi Mazel, sendiherra Ísraels í
Svíþjóð, var boðaður á fund í
sænska utanríkisráðuneytinu eft-
ir að hann vann skemmdir á lista-
verki í Þjóðminjasafninu í Stokk-
hólmi. Mazel neitaði að biðjast af-
sökunar og sagði að verkið ýtti
undir fordóma í garð gyðinga.
Ísraelsk stjórnvöld hafa krafist
þess að verkið verði fjarlægt en
sænska ríkistjórnin segist ekki
geta orðið við þeirri ósk.
OPINBER HEIMSÓKN TIL
JÓRDANÍU Utanríkisráðherra Ísr-
aels fer til Jórdaníu í næstu viku.
Heimsóknin er liður í áætlun
Ísraela um bætt samskipti við ná-
grannalöndin. Jórdanar hafa
gagnrýnt Ísraela harðlega fyrir
að reisa öryggismúr á Vestur-
bakkanum þar sem þeir óttast að
Palestínumenn muni flýja yfir
landamærin til Jórdaníu.
SHARON KEMUR Á ÓVART Ariel
Sharon, forsætisráðherra Ísraels,
segir að Ísraelar verði að draga
sig til baka frá Gólanhæðum ef
þeir ætli að eiga von um að semja
frið við Sýrland. Ísraelar hertóku
svæðið árið 1967. Síðan hafa þeir
ítrekað reynt að semja frið við
Sýrlendinga en þvertekið fyrir að
fara frá Gólanhæðum.
SKOTIÐ Á ÍSRAELSKAR HERÞOTUR
Líbanski herinn og Hizbollah-
skæruliðar skutu á tvær ísraelsk-
ar herþotur sem flugu yfir aust-
ur- og suðurhluta Líbanons í gær,
að sögn ónafngreindra líbanskra
embættismanna. Skotin hæfðu
þoturnar ekki.
■ Ísrael
HEILBRIGÐIS-
RÁÐHERRA
Leggur fram til-
lögur um end-
urgreiðslur.
JÓHANNES LONG EFTIR INNBROTIÐ
Þjófarnir létu greipar sópa um ljósmyndastofu Jóhannesar Long og höfðu á brott með sér
ljósmyndavörur að andvirði milljónir króna.
BRJÁLÆÐI SANNLEIKANS
Listamennirnir Gunilla og Dror Feiler standa við verk sitt „Mjallhvít og brjálæði sannleik-
ans“. Dror Feiler er fæddur í Ísrael en býr í Svíþjóð ásamt konu sinni Gunillu.
Deilt um listaverk á þjóðminjasafninu í Stokkhólmi:
Ráðist á stjórn-
anda safnsins
Mijailovic fundinn
sekur um ódæðið
Hinn 25 ára gamli Mijailo Mijailovic hefur verið fundinn sekur um að hafa banað sænska utan-
ríkisráðherranum Önnu Lindh. Hann verður látinn gangast undir geðrannsókn áður en refsing
verður ákveðin. Ákæruvaldið krefst þess að Mijailovic verði dæmdur í lífstíðarfangelsi.
Í RÉTTARSALNUM
Teikning af dómssalnum í Stokkhólmi þar sem réttarhöldin yfir Mijailo Mijailovic fara fram. Mijailovic situr fyrir framan dómendurna, við
hlið verjanda síns, Peters Althin.