Fréttablaðið - 26.01.2004, Síða 32
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Bakþankar
ÞRÁINS BERTELSSONAR
Auglýsingar
um heiladauða
Fátt er ámátlegra en auglýsingarfrá fyrirtækjum sem hafa
tröllatrú á töframætti auglýsinga –
en vita bara ekki hvernig þau eiga
að auglýsa, og birta einhverja dellu
í staðinn: Úr því að það er fráleitt
að láta sig dreyma skaltu kaupa þér
happdrættismiða, eða: Allir storma
niður á Lækjartorg klukkan þrjú og
leggjast þar niður til að styðja sím-
ann. Svona auglýsingar vekja bara
meðaumkun.
FYRIRTÆKI sem eru í vandræð-
um með að auglýsa sig eiga auðvit-
að að finna sér eitthvert verðugt
verkefni og styðja það, gerast
landsfrægir kostunaraðilar þjóð-
þrifaverkefna. Þar er af nógu að
taka og mun meiri stæll á því að
taka að sér fjárvana líknar- eða
menningarstarfsemi heldur en að
snuðra uppi hirðislaust gull til að
leggjast á.
LANDSPÍTALINN gæti séð
mörgum hugumstórum kostunar-
aðilum fyrir verkefnum: Slysavarð-
stofa í boði Áfengis- og tóbaks-
verslunar ríkisins. Hjartaþræðing í
boði Orkuveitunnar. Lyf í boði
Pharmaco. Fæðingar í boði Ís-
lenskrar erfðagreiningar. Lýta-
lækningar og endurhæfing í boði
KB-banka. Líffæraflutningar í boði
Eimskipafélagsins. Krabbameins-
rannsóknir í boði Kolkrabbans. Hið
opinbera gæti tekið þátt í þessu til
að sýna gott fordæmi, til dæmis ná-
kvæmar ristilspeglanir í boði for-
sætisráðuneytisins.
SPEGLAGERÐIR gætu tekið að
sér myndlistina í landinu, bankarn-
ir bókmenntirnar og gefið út
bankabækur í þúsundum eintaka,
kvótagreifar gætu fjármagnað
kvikmyndagerðina, ljósritunar-
stofur gætu fjármagnað ævisagna-
ritun, og blikksmiðjur tónlistina;
þannig mætti lengi telja. Einnig
gætu fyrirtæki tekið stjórnmála-
menn í fóstur: Sparisjóðirnir gætu
ættleitt Pétur Blöndal, Eggert feld-
skeri dúðað Halldór Ásgrímsson í
selskinnsham, og Baugur borgað
Davíð Oddssyni 300 milljónir í
eftirlaun. Það eru því til margar
leiðir fyrir öflug fyrirtæki til að
sýna kraft sinn og framfaravilja
með öðrum hætti en að framleiða
heiladauðar sjónvarpsauglýsingar
og birta fyrir morð fjár engum til
gleði. ■