Fréttablaðið - 04.02.2004, Síða 13

13MIÐVIKUDAGUR 4. febrúar 2004
Sverrir Hermannsson:
Niðurlæging
Ég held bara næstum því að þaðsé lögbrot, ef ekki stjórnar-
skrárbrot, að halda ríkisráðsfund
án þess að gera forsetanum við-
vart, hvað þá meir. Forsætisráð-
herra hafði ekkert umboð til þess
að boða fund-
inn,“ sagði
Sverrir Her-
mannsson, fyrr-
verandi alþingis-
maður, ráðherra
og forseti Al-
þingis.
„Og þetta tal
forseta Alþingis um að forsetinn
hafi hlotið að gera ráð fyrir ríkis-
ráðsfundi þennan dag, þetta er
náttúrlega bara rugl. Það lá auð-
vitað ekkert fyrir þessum fundi
nema eitthvert punt til þess að
geta niðurlægt forseta lýðveldis-
ins. Til þess eru refarnir skornir
og enn fremur til þess að sólin
mikla njóti sín og aðrir skyggi
ekki á hana.“ ■
Guðrún Helgadóttir:
Átti að boða
forsetann
Það sem hlýtur að vekja undruneftir árslanga undirbúnings-
vinnu fyrir þennan minningarfund
er að með dags fyrirvara skuli boð-
að til þessa ríkis-
ráðsfundar. Það
er auðvitað af-
skaplega undar-
leg fyrirhyggja
vægast sagt og
erfitt að sjá hvaða
nauðsyn bar til.
Auk þess er það
að mínu mati óeðlilegt að efna til
fundarins án þess að hafa samband
við forseta lýðveldisins,“ sagði Guð-
rún Helgadóttir, fyrrverandi alþing-
ismaður og forseti Alþingis.
„Forsætisráðherra boðar ríkis-
ráðsfundi samkvæmt stjórnar-
skránni, í umboði forseta Íslands.
Það segir sig sjálft að það er ein-
kennilegt að gera slíkt án vitneskju
forseta.“ ■
Salome Þorkelsdóttir:
Tilkynning
ekki brýn
Forsetinn var búinn að tilkynnaað hann yrði fjarverandi á þeim
tíma sem efnt var til hátíðarhald-
anna og þar með er málið í höndum
handhafa forseta-
valds, forsætis-
ráðherra, forseta
Alþingis og for-
seta Hæstaréttar.
Þeir eru hér
heima til þess að
hlaupa í skarðið
og ég get ekki séð
að þeim hafi borið að tilkynna for-
setanum eða forsetaskrifstofunni
um ríkisráðsfundinn 1. febrúar,“
sagði Salome Þorkelsdóttir, fyrrver-
andi alþingismaður og forseti Al-
þingis.
„Það er mál forsætisráðherrans
að boða ríkisráðsfundi og það gerði
hann. Ég legg ekki frekari dóm á
framkvæmdina við boðun fundar-
ins,“ sagði Salome Þorkelsdóttir. ■
Ragnar Arnalds:
Eldfimt mál
Það leysir engan vanda að viðsem utan við stöndum fellum
dóma um þetta mál sem virðist
svo eldfimt í fjölmiðlum,“ segir
Ragnar Arnalds, fyrrverandi
ráðherra, alþingismaður og
fyrsti varafor-
seti Alþingis.
Hann kaus að
svara báðum
s p u r n i n g u m
blaðsins á sama
hátt.
„Við skulum
frekar gefa
deiluaðilum ráðrúm til að hittast
og leysa sjálfum úr þessum
ágreiningi. Eðli sínu samkvæmt
á það ekki heima í pólitískum
skotgröfum.“ ■
DAVÍÐ ODDSSON
Forsætisráðherra opnar sýninguna í Þjóð-
menningarhúsinu.
Þjóðmenningarhús:
Davíð opnar
sýningu
HEIMASTJÓRN Sýningin „Heima-
stjórn 1904“, sem unnin er í sam-
vinnu Þjóðmenningarhússins og
Þjóðminjasafns Íslands, var opn-
uð í Þjóðmenningarhúsinu í gær.
Davíð Oddsson forsætisráð-
herra opnaði sýninguna, en með
henni er verið að minnast þess að
hundrað ár eru liðin frá því að Ís-
lendingar öðluðust heimastjórn
og fyrsti íslenski ráðherrann,
Hannes Hafstein, tók við emb-
ætti. Sýningin dregur upp mynd
af þeim breytingum sem urðu við
flutning framkvæmdavaldsins til
Íslands og sýnir framfarir og
framkvæmdir sem einkenndu
þennan tíma í lífi þjóðarinnar. ■
RÍKISRÁÐSFUNDUR „Jafnvel á laug-
ardag hefði verið hægt að hafa
samband við mig og láta mig vita
að til stæði að halda fund í ríkis-
ráðinu. Ég hefði þá komið heim
með kvöldvélinni frá Bandaríkj-
unum og verið kominn á sunnu-
dagsmorguninn. Ég tel að það sé
ein af mikilvægustu embættis-
skyldum forsetans að sitja slíka
fundi og stjórna þeim,“ sagði
Ólafur Ragnar Grímsson, forseti
Íslands, í viðtali við Fréttablaðið í
gær.
Ljóst er að sú ákvörðun að láta
forsetaembættið ekki vita af fyr-
irhuguðum fundi í ríkisráði mun
draga dilk á eftir sér. Ólafur
Ragnar segir engar haldbærar
skýringar hafa verið gefnar í mál-
inu. Fundinum hafi verið haldið
leyndum fyrir sér og skrifstofu
forsetaembættisins.
„Það er alls ekki hægt að nota
það sem afsökun að forsetinn sé
erlendis og því þurfi að boða til
skyndifundar í ríkisráðinu án for-
setans,“ sagði Ólafur Ragnar og
bætti við að í aðdraganda hátíðar-
haldanna hafi aldrei verið óskað
eftir aðkomu forsetans eða emb-
ættisins að hátíðinni. Hann hafi
hins vegar fengið boðskort um að
vera við sjónvarpsútsendingu úr
Þjóðmenningarhúsinu fyrir um
tveimur vikum síðan.
En bar forsætisráðuneytinu að
gera forseta Íslands viðvart um
ríkisráðsfundinn og gefa honum
kost á að sitja fundinn? ■
Engar skýringar á leyndinni
Sjúkraþjálfarar:
Mótmæla
niðurskurði
HEILBRIGÐISMÁL Sjúkraþjálfarar á
Landspítalanum mótmæla harð-
lega boðuðum niðurskurði á þjón-
ustu við sjúklinga spítalans og
uppsögnum starfsfólks. Skora
þeir á stjórnvöld að endurskoða
fjárveitingar til spítalans.
Í ályktun sem samþykkt var á
fundi sjúkraþjálfara fyrir helgi
segir að niðurskurðurinn komi
hart niður á endurhæfingarþjón-
ustu spítalans og vara sjúkra-
þjálfarar við þeim afleiðingum
sem skerðing á þessari þjónustu
veldur.
„Skerðing þjónustu hefur
sjaldnast sparnað í för með sér,“
segir í ályktuninni. „Í flestum til-
fellum er einungis um tilfærslur á
kostnaði að ræða. Skert þjónusta
sjúkraþjálfara mun bitna illa á
sjúklingum spítalans, getur valdið
fylgikvillum og lengri sjúkralegu
á bráðadeildum með miklum
aukakostnaði sem því fylgir.“
Sjúkraþjálfararnir taka heils
hugar undir tilmæli stjórnar-
nefndar Landspítalans til fram-
kvæmdastjórnar spítalans um að
rekstur endurhæfingardeildar
fjölfatlaðra í Kópavogi verði
tryggður.
„Með því að loka endurhæfing-
ardeildinni væri áratuga upp-
byggingarstarf eyðilagt og dýr-
mætri sérþekkingu við meðferð
þessa hóps kastað á glæ.“ ■
RÍKISRÁÐSFUNDUR Ég hefði gjarnan
viljað að forsetinn væri á landinu
en hann kaus einhverra hluta
vegna að vera það ekki,“ sagði
Júlíus Hafstein, stjórnandi við-
burða sem efnt verður til í tilefni
100 ára afmælis heimastjórnar á
Íslandi.
Athygli vakti að Ólafur Ragnar
Grímsson, forseti Íslands, var
hvorki viðstaddur hátíðarsam-
komu sem efnt var til í Þjóðmenn-
ingarhúsinu síðastliðinn sunnu-
dag vegna tímamótanna né hátíð-
arfund ríkisráðs þann sama dag.
Júlíus Hafstein vill ekki blanda
sér í þær umræður sem á eftir
fylgdu en segist ánægður með
hvernig til tókst.
„Mér finnst að umfjöllun allra
fjölmiðla hafi verið mjög góð og
jákvæð, þar hefur komið fram
mikill skilningur á mikilvægi
þessara tímamóta. Ég gleðst yfir
því hvað fjölmiðlar hafa tekið
þessu vel,“ sagði Júlíus.
Hann segir að aldrei hafi kom-
ið til greina að finna forsetanum
sérstakt hlutverk í hátíðardag-
skránni í Þjóðmenningarhúsinu.
„Það var ein hátíðarræða sem
haldin var fyrsta febrúar. Þar
minntist forsætisráðherra fyrsta
forsætisráðherra Íslands, þing-
ræðisins, stofnunar stjórnarráðs-
ins og þess að Reykjavík er höfuð-
borg. Önnur hátíðarræða var ekki
í þessari dagskrá og það var eðli-
legt að forsætisráðherrann minnt-
ist þessa. Þó svo að Hannes Haf-
stein hafi verið einn ráðherra var
hann þess vegna eins manns ríkis-
stjórn og það liggur í augum uppi,
sögulega séð, að það er í verka-
hring forsætisráðherra að flytja
þessa hátíðarræðu,“ sagði Júlíus
Hafstein. ■
Júlíus Hafstein, stjórnandi hátíðardagskrár heimastjórnarafmælis:
Æskilegt að forsetinn hefði verið viðstaddur
JÚLÍUS HAFSTEIN
Stjórnandi hátíðarhalda í tengslum
við aldarafmæli heimastjórnar á Ís-
landi segist gjarnan hafa viljað að
forsetinn hefði verið viðstaddur há-
tíðardagskrá í Þjóðmenningarhúsinu.
NÝR SKRIFSTOFUSTJÓRI Hrafn-
hildur Ásta Þorvaldsdóttir hef-
ur verið sett skrifstofustjóri al-
mennrar skrifstofu í umhverfis-
ráðuneytinu til þriggja ára. Hún
gegnir starfinu í afleysingum
fyrir Þórð H. Ólafsson skrif-
stofustjóra, sem mun gegna
starfi fulltrúa umhverfisráðu-
neytisins í sendiráði Íslands í
Brussel á sama tíma. Hrafn-
hildur Ásta hefur starfað sem
deildarstjóri fjármáladeildar í
umhverfisráðuneytinu.
AFHENTI TRÚNAÐARBRÉF Eiður
Guðnason sendiherra afhenti í
gær landstjóra Nýja-Sjálands,
frú Silviu Cartwright, trúnaðar-
bréf sitt sem sendiherra Íslands
á Nýja-Sjálandi með aðsetur í
Peking.
■ Stjórnsýslan
RÍKISRÁÐSFUNDURINN UMDEILDI 1. FEBRÚAR 2004
Halldór Blöndal, forseti Alþingis og einn þriggja handhafa forsetavalds, stýrði ríkisráðsfundinum umdeilda í Ráðherrabústaðnum við Tjarnargötu sunnudaginn 1. febrúar í fjarveru Ólafs
Ragnars Grímssonar, forseta Íslands.