Fréttablaðið - 17.02.2004, Blaðsíða 6
6 17. febrúar 2004 ÞRIÐJUDAGUR
■ Evrópa
■ Írak
GENGI GJALDMIÐLA
Bandaríkjadalur 68,02 0,59%
Sterlingspund 128,39 0,29%
Dönsk króna 11,64 0,01%
Evra 86,75 0,02%
Gengisvísitala kónu 119,21 0,23%
KAUPHÖLL ÍSLANDS
Fjöldi viðskipta 354
Velta 7.092 milljónir
ICEX-15 2.424,5 -0,54%
Mestu viðskipti
KB banki 735.053
Þorbjörn Fiskanes 705.468
Pharmaco 148.414
Mesta hækkun
Hraðfrystihúsið Gunnvör 6,25%
Líf hf. 6,00%
Kaldbakur 1,74%
Mesta lækkun
Jarðboranir hf. -9,52%
Tryggingamiðstöðin hf. -3,53%
Straumur fjárfestingabanki hf. -0,79%
Erlendar vísitölur
DJ* 10627,85 óbr.
Nasdaq* 2.053,6 óbr.
FTSE 4.408,1 -0,1%
DAX 4.070,5 0,3%
NK 50 1.335 0,1%
S&P* 1145,8 óbr.
* Bandarískir markaðir voru lokaðir í
gær.
Veistusvarið?
1Í hvaða borg varð um helgina stórslysí sundlaug?
2Hverjir urðu Afríkumeistarar í knatt-spyrnu um helgina?
3Hvað heitir leikstjórinn sem verðurformaður dómnefndar á kvikmynda-
hátíðinni í Cannes?
Svörin eru á bls. 30
Óeirðir brutust út í frumbyggjahverfi í Sydney:
Yfir fjörutíu lög-
reglumenn særðust
SYDNEY, AP Yfir fjörutíu lögreglu-
menn særðust þegar reið ung-
menni kveiktu í járnbrautarstöð
og köstuðu bensínsprengjum og
múrsteinum í lögregluna í frum-
byggjahverfi í Sydney í Ástral-
íu.
Óeirðirnar brutust út þegar
fréttir bárust af því að lögreglan
hefði orðið völd að dauða sautján
ára drengs sem búsettur var í
hverfinu. Móðir piltsins greindi
frá því að sonurinn hefði verið að
flýja undan lögreglunni þegar
hann datt af hjóli og lenti á girð-
ingarstaur. Lögreglan segir að
þessi frásögn eigi ekki við rök að
styðjast.
Harðir götubardagar stóðu yfir
í níu klukkustundir. Hundruð lög-
reglumanna voru kölluð út frá öll-
um hverfum borgarinnar og
beittu þeir háþrýstidælum gegn
óeirðaseggjunum. Átta lögreglu-
menn voru fluttir á sjúkrahús
með beinbrot og höfuðáverka.
Fjögur ungmenni hafa verið hand-
tekin og ákærð fyrir óspektir en
búist er við frekari handtökum á
næstu dögum.
Yfirvöld hafa fyrirskipað rann-
sókn á orsökum óeirðanna og
dauða piltsins. Reiði í garð lög-
reglunnar hefur kraumað í frum-
byggjasamfélaginu í Sydney
árum saman. Íbúarnir saka lög-
regluna um að leggja ungmenni
hverfisins í einelti. ■
LÍÚ telur fráleitt að
banna botnvörpu
Krafa 1.100 vísindamanna um bann við botnvörpu vekur blendnar
tilfinningar. Smábátamenn vilja að dregið verði úr veiðum með
botnvörpu en LÍÚ segir að svæðalokanir dugi.
UMHVERFISMÁL Rúmlega 1.100 vís-
indamenn frá 69 löndum vilja að
veiðar með botnvörpu verði alfarið
bannaðar þar sem þær eyðileggi
kaldsjávarkórala sem séu mikilvæg-
ir fyrir lífríki sjávar. Vísindamenn-
irnir gáfu yfirlýsingu sína út sam-
tímis á fundi aðildarríkja samnings
Sameinuðu þjóðanna um líffræði-
lega fjölbreytni í Kuala Lumpur og
ársþingi bandarískra vísindasam-
taka.
„Verið er að eyðileggja djúpsjáv-
arkóralla og
sveppavistkerfi
með fiskveiðum,
einkum botnvörpu-
veiðum,“ segir í
yfirlýsingunni.
Vísindamenn-
irnir 1.100 rök-
styðja tillögu sína
um bann við botn-
vörpuveiðum með
því að kórallar
myndi allt að 10
metra há „tré“ og
þétta runna sem
séu lífríki hund-
raða eða þúsunda
tegunda nauðsyn-
leg. Þeir telja að
enn sé ekki of seint
að bjarga miklum
hluta þessara vist-
kerfa og hvetja
Sameinuðu þjóð-
irnar og aðrar al-
þjóðastofnanir til að banna botn-
vörpuveiðar. Einnig hvetja þeir ein-
stakar þjóðir eða ríki til að banna
botnvörpuveiðar á þeim stöðum inn-
an efnahagslögsögu sinnar þar sem
vitað er um kóralrif.
Friðrik J. Arngrímsson, fram-
kvæmdastjóri Landssambands ís-
lenskra útgerðarmanna, segir frá-
leitt að banna alfarið veiðar með
botnvörpu. Hann segir að þegar séu
stór svæði á Íslandsmiðum lokuð í
friðunarskyni og sjálfsagt að grípa
til frekari aðgerða að undangengn-
um rannsóknum.
„Það er fráleitt að ætla að banna
öll togveiðarfæri. Hvernig ætlum
við að stunda veiðar á rækju og
karfa og svo framvegis? Ef um við-
kvæm svæði er að ræða þarf að taka
tillit til þess eins og LÍÚ hefur ævin-
lega bent á. Okkar hagsmunir eru að
skaða ekki lífríkið,“ segir Friðrik.
„Maður hefur fundið það lengi að
botnvarpan á undir högg að sækja.
Þetta kemur ekki á óvart en er ekki
fagnaðarefni,“ segir Örn Pálsson,
framkvæmdastjóri Landssambands
smábátaeigenda.
„Þessi yfirlýsing sýnir það mat
viðkomandi vísindamanna að veiðar-
færið er mun skaðlegra en menn
hafa haldið fram að þessu. Við höf-
um lengi haldið því fram að það sé
alls ekki sama með hvaða hætti fisk-
urinn er veiddur. Það er ávísun á
sterkari fiskistofna að auka sókn
með kyrrstæðum veiðarfærum,“
segir Örn.
rt@frettabladid.is
Forstjóri Hafrannsókna-
stofnunarinnar:
Kortleggja
kóralsvæðin
SJÁVARÚTVEGSMÁL „Það er engin
ástæða til að banna alfarið notkun
botnvörpu,“ segir Jóhann Sigur-
jónsson, forstjóri Hafrannsókna-
stofnunarinnar,
um yfirlýsingu
1.100 vísinda-
manna um að til
þess verði gripið
að banna veiðar
með botnvörpu til
að vernda vist-
kerfi sjávar.
Jóhann segist
ekki hafa hug-
mynd um það
hvaða vísinda-
menn séu að baki yfirlýsingunni
og bendir á að þeir vísindamenn
sem tengist Alþjóðahafrann-
sóknaráðinu séu rétt á annað þús-
und. Hann taldi víst að þeir væru
ekki á þeim lista. Jóhann segir að
rannsóknir Hafrannsóknastofn-
unarinnar sýni að við ákveðnar
aðstæður valdi botnvarpan ekki
skaða. Á stórum hluta veiðisvæða
togara sé leirbotn og þar hafi
botnvarpa ekki skaðleg áhrif.
„Öðru máli gegnir á harðari
botni sem er viðkvæmur en tog-
arar forðast alla jafna. Hafrann-
sóknastofnun stefnir að því að
kortleggja kóralsvæði allt í
kringum landið. Við viljum átta
okkur á botngerð og botnsamfé-
lagi til að geta í framtíðinni gert
tillögur um verndun viðkvæm-
ari svæða,“ segir Jóhann. ■
OPINBERIR STARFSMENN LEGGJA
NIÐUR VINNU Hátt í 85.000 opinber-
ir starfsmenn í Bretlandi hafa lagt
niður vinnu til að þrýsta á stjórn-
völd að koma til móts við launakröf-
ur þeirra. Verkfallið hófst í gær-
morgun og stendur yfir í tvo sólar-
hringa. Verkfallsverðir höfðu tekið
sér stöðu fyrir utan skrifstofur hins
opinbera um landið allt snemma í
gærmorgun.
FLUGUMFERÐARSTJÓRAR Í VERK-
FALLI Starfsemi Orly-flugvallar í
París lamaðist þegar flugumferðar-
stjórar lögðu niður vinnu í gær. Yfir
helmingi allra flugferða til og frá
vellinum var aflýst. Flugumferðar-
stjórarnir eru að mótmæla áform-
um um að endurskipuleggja eftirlit
á vellinum. Verkfallið stendur yfir
fram á föstudag.
ÓEIRÐIR
Reið ungmenni skjóta flugeldum að lögreglunni í Redfern-hverfinu í Sydney.
UMDEILDAR VEIÐAR
Veiðar með botnvörpu eru umdeildar. Nú hafa 1.100 vísindamenn sameinast um að
leggja til bann.
FRIÐRIK J. ARN-
GRÍMSSON
Segir bann við tog-
veiðum fráleitt.
ÖRN PÁLSSON
Dregið verði úr
veiðum með botn-
vörpu.
JÓHANN SIG-
URJÓNSSON
Engin ástæða til
að banna tog-
veiðar.
TVEIR BANDARÍSKIR HERMENN
FÓRUST Bandarískur hermaður
lét lífið og fjórir Írakar særðust
þegar fjarstýrð sprengja sprakk
við vegkant í miðbæ Baqouba.
Tveir Írakar voru handteknir
grunaðir um að hafa sprengt
sprengjuna. Annar hermaður lést
þegar sprengja sprakk í miðborg
Bagdad.