Fréttablaðið - 17.02.2004, Blaðsíða 31
31ÞRIÐJUDAGUR 17. febrúar 2004
Hagfiskur
Lyngási 12 - Garðabæ - S. 567 7033
www.hagfiskur.is
Pantið og við sendum heim:
NETVERSLUN
www.hagfiskur.is
Hallgrímur Helgason rithöfund-ur skrifaði grein fyrir helgi
þar sem hann gagnrýnir nýtt slag-
orð Símans „Þetta er þín hugmynd.
Við hjálpum þér að láta hana ger-
ast.“ Í greininni segir Hallgrímur:
„Á íslensku gerast hugmyndir
ekki. Þær eru framkvæmdar, raun-
gerðar eða gerðar að veruleika.“
Fréttablaðið leitaði því til Hall-
gríms til að endurskapa slagorð
Símans svo rétt væri. Slíkt þvæld-
ist ekki fyrir honum og að vörmu
spori var komið nýtt slagorð;
„Þetta var vond hugmynd. Við
hefðum aldrei átt að láta þetta ger-
ast.“ ■
Geta hugmyndir gerst?
HALLGRÍMUR HELGASON
Er ósáttur við nýtt slagorð Símans og segir
fyrirtækið hafa borgað 200 milljónir fyrir
málvillu.
Sýning Árna
slær í gegn
Þegar Árni Johnsen opnaði sýn-ingu á listaverkum sínum í
Gryfjunni í Duushúsum í Reykja-
nesbæ nú á laugardaginn streymdi
að fólk alls staðar að af landinu. Að-
sóknin var svo mikil að margir
komust ekki inn til þess að skoða
verkin fyrr en líða tók á daginn.
„Þetta er fjölsóttasta sýning sem
við höfum nokkurn tímann staðið
að,“ segir Valgerður Guðmunds-
dóttir, menningarfulltrúi Reykja-
nesbæjar. „Hingað komu um helg-
ina eitthvað á þriðja þúsund manns.
Árni virðist höfða til breiðari hóps
heldur en aðrar listsýningar sem
við höfum verið með.“
Sýning Árna var opnuð klukkan
þrjú á laugardaginn. Um leið var
komið svo mikið af fólki að Gryfjan,
þar sem um 300 manns eiga að kom-
ast fyrir, var orðin troðfull. Sömu-
leiðis var bíósalurinn svonefndi,
sem þarf að ganga í gegnum til þess
að komast í Gryfjuna, einnig fullur
af fólki sem beið eftir að komast
inn. ■
LISTAMAÐURINN ÁRNI JOHNSEN
Höfðar greinilega til margra sem ekki eru
vanir að sækja listsýningar.
Sýning
ÁRNI JOHNSEN
■ Listaverkin sem Árni gerði úr grjóti
í fangelsinu hafa heldur betur
vakið athygli.
Þeir sem eru skráðir á póstlistaheimasíðu Björns Bjarnason-
ar dómsmálaráðherra fengu til-
kynningu í tölvupósti um nýja
færslu ráðherrans á heimasíð-
unni um helgina. Í aðfararorðum
skeytisins lét Björn þess getið
vegna pistils síns síðastliðinn
sunnudag „að Ólafur Ragnar
Grímsson forseti Íslands sneri
heim frá Bandaríkjunum að
morgni 14. febr-
úar og flutti síð-
degis sama dag
ræðu í sextugs
afmæli Alfreðs
Þorsteinssonar,
formanns borg-
arráðs og stjórnar Orkuveitu
Reykjavíkur. Lék forseti við
hvern sinn fingur eftir fríið.“
Þetta kemur heim og saman við
frásagnir annarra en forsetinn
mun hafa haldið hressilega ræðu
þar sem hann bar saman sjálfan
sig og Alfreð, tvo gamla vinnufé-
laga á Tímanum sáluga. Þar
skrifaði Alfreð íþróttafréttir en
Ólafur stjórnmálafréttir. Þessi
hlutverk hafa nú snúist við, að
sögn forsetans, þar sem Alfreð sé
á kafi í pólitíkinni á meðan Ólaf-
ur sé bara á skíðum.
Fréttiraf fólki