Fréttablaðið - 08.03.2004, Blaðsíða 6
6 8. mars 2004 MÁNUDAGUR
■ Írak
■ Evrópa
Veistusvarið?
1Nýtt heimsmet var sett í Búdapest ístangarstökki kvenna innanhúss.
Hvað er nýja metið?
2Hvaða hljómsveit mun spila íKaplakrika 26. maí?
3Hvar á höfuðborgarsvæðinu gætirtöluverðs titrings vegna skólamála?
Svörin eru á bls. 30
Ísraelskar hersveitir gerðu áhlaup á flóttamannabúðir:
Fjórtán Palest-
ínumenn féllu
GAZA-STRÖNDIN, AP Fjórtán Palest-
ínumenn féllu í átökum sem brutust
út þegar ísraelskar hersveitir gerðu
áhlaup á tvær flóttamannabúðir á
Gaza-ströndinni. Á meðal þeirra
sem létust voru fjögur börn.
Ísraelski herinn fór með tugi
skriðdreka og tvær Apache-árásar-
þyrlur inn í búðirnar í Bureij og
Nusseirat fyrir dögun í gærmorg-
un. Leyniskyttur komu sér fyrir á
húsþökum á meðan hermenn gengu
á milli húsa í leit að vopnum og
eftirlýstum vígamönnum. Harðir
bardagar brutust út þegar herskáir
Palestínumenn vopnaðir rifflum og
handsprengjum reyndu að bjóða
hermönnunum birginn. Hundruð
palestínskra barna eltu ísraelsku
skriðdrekana og köstuðu í þá
grjóti.
Tíu vígamenn féllu í átökunum
auk fjögurra barna á aldrinum átta
til sextán ára. Yfir áttatíu manns
særðust, þar á meðal fjöldi ung-
menna.
Að sögn ísraelska hersins fund-
ust engin vopn og enginn var hand-
tekinn. Palestínskir ráðamenn hafa
gagnrýnt aðgerðirnar harðlega og
andspyrnuhreyfingar hafa hótað
blóðugum hefndum. ■
Skólastjórar óttast
niðurskurð
Bréf frá Menntamálaráðuneytinu varar skólastjórnendur við
að taka inn nemendur umfram umsaminn hámarksfjölda.
Ekki má gera ráð fyrir aukafjárveitingum vegna umframfjölda.
FRAMHALDSSKÓLAR Framhalds-
skólar landsins hafa verið varaðir
við að fara fram úr umsömdum
hámarksnemendafjölda á næsta
skólaári og að þeir geti ekki reikn-
að með fjárveitingu fyrir um-
framnemendur. Þetta kom fram í
bréfi til skólastjórnenda en sam-
kvæmt heimildum Fréttablaðsins
er þetta í fyrsta sinn sem þeir fá
slíka áminningu frá Menntamála-
ráðuneytinu.
Þeir skólastjórar sem Frétta-
blaðið ræddi við lýstu yfir áhyggj-
um af því að ef fjárveitingar til
framhaldsskóla yrðu skertar á
þennan hátt gæti það haft í för
með sér að vísa þyrfti nemendum
frá námi næsta haust.
Framhaldsskólar fá fjárveit-
ingu samkvæmt árlegum skóla-
samningi sem þeir gera við
Menntamálaráðuneytið þar sem
hámarksfjöldi nemenda er skil-
greindur. Hins vegar hafa skólar
getað sótt um umframfjárveit-
ingu fyrir nemendur umfram
þann fjölda. Sú greiðsla hefur
hingað til verið greidd að loknu
skólaári.
Samkvæmt nýlegu fylgibréfi
með skólasamningi sem sent hef-
ur verið til allra framhaldsskóla
landsins er athygli skólastjórn-
enda vakin á því að nemendur
megi ekki vera fleiri en samið
hefur verið um. Skýrt er tekið
fram að skólinn geti ekki reiknað
með að fá fjármagn umfram þá
tölu.
„Auk þess að þurfa ef til vill að
vísa nemendum frá setur það
skólum áveðnar skorður að tak-
marka nemendafjölda, sérstak-
lega ef stefnt er á að fjölga nem-
endum á svæðinu,“ segir Hörður
Ó. Helgason, skólastjóri Fjöl-
brautaskóla Vesturlands á Akra-
nesi.
Að sögn Þorgerðar Katrínar
Gunnarsdóttur menntamálaráð-
herra var með bréfinu ekki verið
að boða niðurskurð til framhalds-
skólanna. Markmiðið var að
ítreka hámarksnemendaígildi
hvers skóla samkvæmt fjárlögum
til þess að minna á aðhald í ríkis-
rekstri.
„Aftur á móti stöndum við
frammi fyrir ákveðnu vandamáli í
framhaldsskólakerfinu,“ segir
hún. „Ljóst er að framhaldsskóla-
nemendum kemur til með að
fjölga að minnsta kosti fram til
ársins 2008–9 og við því þarf að
bregðast.“
Aðspurð, hvort ný reglugerð
um innritun í framhaldsskóla sem
er í vinnslu sé að því miðuð að
sporna gegn fjölgun nemenda,
segir hún að ekki sé enn ljóst hvað
hún muni fela í sér.
sda@frettabladid.is
Rulspóstur:
Tölvupóstur
kosti pening
NEW YORK, AP Bill Gates, stofandi
Microsoft, hefur bæst í hóp
þeirra sem telja að til þess að
stöðva mikla dreifingu af rusl-
pósti komi til greina að taka upp
gjaldtöku fyrir tölvupóstsend-
ingar.
Hugmyndirnar ganga út á að
til að senda tölvupóst þurfi að
kaupa eins konar frímerki fyrir
smávægilega upphæð, sem engu
að síður yrði hindrun fyrir þá
sem senda milljónir tölvu-
skeyta. Talan sem oftast er
nefnd í þessu sambandi er eitt
bandarískt sent, sem samsvarar
um sjötíu íslenskum aurum.
Önnur hugmynd felur í sér að
tölvur þurfi að leysa stærð-
fræðiþrautir þegar sendur er
tölvupóstur. Þetta hefði ekki
áhrif á venjulegan notanda en
myndi valda því að tölvur þeirra
sem reyna að senda milljónir
tölvuskeyta myndu ekki ráða
við álagið. ■
SPRENGING Í FJÖLBÝLISHÚSI Öfl-
ug sprenging varð í fjórtán hæða
fjölbýlishúsi í Moskvu fyrir dög-
un í gær. Tveir voru fluttir á
sjúkrahús með brunasár en bygg-
ingin var rýmd í kjölfar spreng-
ingarinnar. Embættismenn segja
að sprenginguna megi rekja til
gasleka. Töluverðar skemmdir
urðu á húsinu, sem þegar var í
mikilli niðurníðslu.
ÁRÁS Á HÖFUÐSTÖÐVAR HER-
NÁMSLIÐSINS Íraskir uppreisn-
armenn skutu að minnsta kosti
sjö flugskeytum í átt að höfuð-
stöðvum bandaríska hernámsliðs-
ins í Bagdad í Írak síðdegis í gær.
Einn Bandaríkjamaður særðist í
árásinni.
NÝR LEIÐTOGI
Costas Karamanlis, leiðtogi íhaldsmanna,
mætir á kjörstað.
Þingkosningar á
Grikklandi:
Stjórnar-
andstaðan
sigraði
GRIKKLAND Íhaldsmenn í Grikklandi
unnu sigur í þingkosningunum sem
fram fóru í gær, ef marka má út-
gönguspár, en sósíalistar hafa farið
með völdin í landinu nánast óslitið
frá árinu 1981. Fyrstu spár bentu til
þess að flokkurinn Nýtt lýðræði
hefði fengið allt að 47% atkvæða en
sósíalistaflokkurinn Pasok aðeins
um 40%.
Íhaldsmenn hafa verið í stjórn-
arandstöðu í ellefu ár. Costas Kara-
manlis, leiðtogi Nýs lýðræðis, hefur
heitið því að lækka skatta, aðstoða
fátæka, minnka skriffinnsku og út-
rýma spillingu í stjórnkerfinu, ef
flokkurinn kemst til valda. ■
GRJÓTKAST
Palestínsk ungmenni kasta grjóti í skriðdreka ísraelska hersins í Bureij-flóttamanna-
búðunum á Gaza-ströndinni.
FRAMHALDSSKÓLAR
Skólastjórnendur framhaldsskólanna óttast niðurskurð á fjárveitingum í kjölfar bréfs frá
Menntamálaráðuneytinu. Menntamálaráðherra segir að vandmál hafi skapast vegna fjölg-
unar nemenda en segir fjárveitingar óskertar.