Fréttablaðið - 08.03.2004, Blaðsíða 32
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Bakþankar
ÞRÁINS BERTELSSONAR
Meðalstærð
fólks
Síðasta rannsókn á líkams-stærð og byggingu Banda-
ríkjamanna var gerð árið 1941 á
vegum hersins, sem þurfti að fá
að vita í hvaða stærðum ætti að
framleiða einkennisbúninga á
ameríska herliðið í síðari heim-
styrjöldinni. En nú til dags er
fólk öðru vísi í laginu heldur en
fyrir meira en hálfri öld, og
þess vegna þurfti að endurtaka
rannsóknina svo amerískir dát-
ar þurfi ekki að berjast í alltof
þröngum einkennisbúningum
við að efla frið og lýðræði í
löndum þar sem eru olíulindir
eða merkileg hráefni. Nýlega
var gerð víðtæk rannsókn stærð
fólks í 13 amerískum borgum
og 10.000 manns var stungið inn
í hátækniskanna sem skráði nið-
ur bæði mál og vikt af mikilli
nákvæmni. Og síðan hófust vís-
indamenn handa við að reikna
út útlit meðaljónsins – sem auð-
vitað er ekki til.
RANNSÓKNIN leiddi í ljós að
fataframleiðendur verða að fara
að taka sig á varðandi stærðir.
Algengasta fatastærð í Ameríku
fyrir konur er númer 8 og gerir
ráð fyrir að meðalkona sé með
90 sm brjóstmál, 68,5 sm mittis-
mál og 95 sm um mjaðmir. En
nú kom á daginn að meðalkonan
hefur breyst og nútímakona er
ekki lengur eins og stundaglas í
laginu heldur eins og ljósapera,
og meðaltalið er núna 96,5-81-
104 hjá konum á aldrinum 18 til
25 ára. Og þegar meðalkonan er
komin að fertugu er meðaltal
hvítra kvenna 104-86-109, en
svartra kvenna 109-94-116.
MEÐALKARLMAÐUR á aldrin-
um 18 til 25 ára var talinn vera
101 sm um brjóst, 86 um mitti og
101 um mjaðmir, en nú bregður
svo við að meðaljóninn á þessum
aldri er orðinn 104-89-104. Og
menn í aldurshópnum 36 til 45
ára reyndust vera 111,7-96,5-
106,6. Meðalkona í Bandaríkjun-
um er 163 sm á hæð og vegur
67,2 kíló. Meðalkarlmaður er 175
sm og vegur 81,2 kíló. Fimmta
hver manneskja reyndist þjást
af offitu, en það er önnur saga.
ÞESSAR upplýsingar eru
ábyggilega til margra hluta nyt-
samlegar.