Fréttablaðið - 08.03.2004, Blaðsíða 31
31MÁNUDAGUR 8. mars 2004
sínum dýpstu leynarmálum enda
kynnti ég mig sem málsvara
þeirra.“
Þorsteinn segir myndina sýna
þann veruleika sem fólkið var að
glíma við. „Ég áttaði mig fljótlega
á að hver sem er getur orðið
fórnarlamb fíknarinnar og að lítið
þarf til að fara út af sporinu. Ég
vil með myndinni koma því til
skila að engin ákveðin tegund af
fólki verður fíkninni að bráð. Þeir
sem sækja í vímuna eru í sömu
stöðu og sá sem setur skamm-
byssuna við höfuðið á sér og leik-
ur rússneska rúllettu.“
Heimildarmyndin fylgir
nokkrum einstaklingum eftir.
Þeirra á meðal er Kiddi, sem kom
í meðferð algerlega út úr heimin-
um en með seiglu og hjálp góðra
manna tókst honum að ljúka prófi
í Vélskólanum. „Kiddi segir fátt
en í gegnum myndina sjá áhorf-
endur hvernig hann lifnar við og
þroskast. Kiddi er í rauninni gott
dæmi um hversu langan tíma tek-
ur fyrir fólk að ná sér á strik eftir
að það er búið að missa allt. Þenn-
an tíma fá einstaklingarnir í
Byrginu.“
Þorsteinn segist ekki efast um
að starfið í Byrginu skili árangri.
„Engin vinna fer fram hér á landi
sem er í líkingu við starfsemina í
Byrginu en þar er unnið með fólk
sem aðrar stofnanir hafa gefist
upp á. Þá vinnur Guðmundur af
fullkominni einlægni. Trúin er
númer eitt hjá Guðmundi en
ásamt henni miðlar hann mikilli
lífsvisku tæpitungulaust beint til
skjólstæðinga sinna. Hann kennir
þeim grundvallarsiðfræði, sem er
að vera heiðarlegur gagnvart
sjálfum sér og öðrum.“
kolbrun@frettabladid.is
Björn Bjarnason dómsmálaráð-herra á það til að snupra menn
á heimasíðu sinni, www.bjorn.is,
þegar hann telur þá hafa gert sig
seka um ómálefnalegan málflutn-
ing. Þeir eru nokkrir sem fengu á
baukinn frá Birni á þessum vett-
vangi um helgina en ráðherrann
notaði einnig tækifærið og leiðrétti
þann útbreidda misskilning að
spennumyndin Die Hard væri uppá-
halds bíómyndin sín en sú sögusögn
hefur verið notuð grimmilega gegn
honum í sérsveitarmálinu, ekki síst
af þingmanninum Helga Hjörvar.
Goðsögnin um tilfinningaþrungið
samband Björns og Bruce Willis á
rætur sínar að rekja til viðtals Kol-
brúnar Bergþórsdóttur við Björn í
DV þann 25. ágúst 2001. Björn til-
færir kafla úr því viðtali á heima-
síðu sinni og hreinsar sig um leið af
Die Hard-orðrómnum enda hvergi
minnst á þá mynd í spjallinu: „Kol-
brún: Því var vikið að mér að þú
værir mikill hasarmyndaáhugamað-
ur? Nú er Bruce Willis uppáhalds-
hasarhetjan mín, hver er þín?
Björn: Ég er sammála þér, Bruce
Willis er með þeim betri. Ég fer
yfirleitt að sjá hans myndir. Sjötta
skilningarvitið er til dæmis mynd
sem ég var hrifinn af, hún kom mér
skemmtilega á óvart. Ég hefði viljað
vera í sporum vinar míns sem fór
til Parísar fyrr í sumar og sagðist
hafa verið þar á kaffihúsi þegar
Bruce Willis kom inn og settist við
næsta borð. Ég sé á þér, Kolbrún, að
þú hefðir líka viljað vera þar.“
Fréttiraf fólki
Hrókurinn þrefaldur meistari
Skákfélagið Hrókurinn var ör-uggur sigurvegari Íslands-
mótsins skákfélaga en síðari hlut-
inn fór fram um helgina. A-sveit
Hróksins hafði tryggt sér Íslands-
meistaratitilinn þriðja árið í röð
fyrir síðustu umferð sem tefld
var á laugardagskvöld. Hrókurinn
mætti B-sveit Taflfélags Reykja-
víkur í lokaumferðinni og sigraði
með 6 1/2 vinning gegn 1 1/2.
Predrag Nikolic tefldi á fyrsta
borði og leiddi sveitina til sigurs.
Annars var liðið skipað þeim
Nikolic, Stefáni Kristjánssyni,
Tomas Oral, Nick de Firmian,
Reginu Pokorna, Faruk Tairi,
Ingvari Jóhannessyni og Páli Þór-
arinssyni.
Hrókurinn var einnig sigur-
sæll í neðri deildunum og þegar
upp var staðið höfðu þrír titlar
skilað sér í hús. C-sveitin vann í 2.
deildinni en það lið var m.a. skip-
að Henrik Danielsen, Jan Votava,
Tómasi Björnssyni og Rógva
Rasmussen.
Spennan var þó öllu meiri í 4.
deildinni hjá D-sveitinni en þar
voru það gömlu brýnin í Hreyfli
sem tryggðu Hróknum sigur með
því að hafa þrjá vinninga af and-
stæðingum sínum úr Taflfélagi
Garðabæjar. Titlar Hróksins eru
því orðnir þrettán á sex árum.
Skákdeild Hauka sigraði í
þriðju deild með 28 vinningum en
þar hafnaði Skákdeild KR í öðru
sæti með 25 vinninga.
Reykjavíkurskákmótið hófst
síðan í gær, strax í kjölfar Ís-
landsmótsins, en 40 ár eru liðin
frá því að fyrsta Reykjavíkurmót-
ið var haldið.
Mótið í ár er mjög sterkt opið
skákmót með 82 þátttakendum.
Þar af eru 28 stórmeistarar, með
Hannes Hlífar Stefánsson, Helga
Ólafsson og Þröst Þórhallsson
þeirra á meðal. Í hópi þátttakenda
er einnig norska undrabarnið,
hinn 13 ára gamli alþjóðlegi
meistari Magnus Carlsen, efnileg-
asti og umtalaðasti skákmeistari
heims í dag. ■
Skák
HRÓKURINN
■ varð þrefaldur Íslandsmeistari í skák
um helgina. Það er mikið að gerast í
skáklífi landans þar sem Reykjavíkur-
mótið hófst strax í kjölfar Íslands-
meistaramótsins og þar mæta margar
kempur, á öllum aldri, til leiks.
ÍSLANDSMÓT SKÁKFÉLAGA
Mótinu lauk í MH á laugardagskvöld og þegar upp var staðið hafði Hrókurinn tryggt sér
þrjá Íslandsmeistaratitla.