Fréttablaðið - 16.03.2004, Blaðsíða 4
4 16. mars 2004 ÞRIÐJUDAGUR
Ferðu oft í bíó?
Spurning dagsins í dag:
Óttastu hryðjuverk á Íslandi?
Niðurstöður gærdagsins
á frett.is
29%
21%
1–2 í mánuði
50%1–2 á ári
Nei, aldrei
Kjörkassinn
Farðu inn á frett.is og segðu þína skoðun
frétt.is
■ EvrópaStjórnarhættir í fyrirtækjum:
Kaupréttarsamningar
fari fyrir hluthafafundi
VIÐSKIPTI Í reglum um stjórnar-
hætti fyrirtækja er lagt til að
kaupréttarsamningar við starfs-
menn séu lagðir fram til sam-
þykktar eða synjunar á hluthafa-
fundum. Í gær kynntu Verslunar-
ráð Íslands, Kauphöll Íslands og
Samtök atvinnulífsins reglur sem
unnið hefur verið að og miðast að
því að auka gagnsæi í viðskiptum.
„Markmiðið með leiðbeiningun-
um er fyrst og fremst að stuðla að
góðum stjórnarháttum fyrir-
tækja,“ segir Þór Sigfússon, fram-
kvæmdastjóri Verslunarráðs Ís-
lands. „Um leið er markmið leið-
beininganna að auka traust á fyrir-
tækjum og atvinnurekstri almennt
og efla trúnað milli fjárfesta og
stjórnenda.“ Þá nefnir Þór sérstak-
lega að með skýrum leiðbeiningum
um stjórnarhætti hérlendis sé er-
lendum fjárfestum auðveldað að
gera sér grein fyrir þeim stjórnar-
háttum sem tíðkast hérlendis þeg-
ar þeir eru að meta hvort þeir ætla
að fjárfesta hér á landi.
Leiðbeiningarnar sem gerðar
hafa verið eru gerðar af hags-
munaaðilum og geta fyrirtæki af
frjálsum vilja undirgengist að
fylgja þeim. Að sögn Þórs hafa við-
líka reglur erlendis þróast á þann
veg að markaðsaðilar hafa gert
ríka kröfu um að fyrirtæki fylgi
reglum sem þessum. ■
Forsetinn boðar meiri
þátttöku í umræðunni
Ólafur Ragnar Grímsson býður sig fram til áframhaldandi setu á forsetastóli. Hann boðar að
forsetinn taki meiri þátt í umræðu um framtíð og verkefni þjóðarinnar og að forsetinn svari
gagnrýni sem beint sé að embættinu.
FRAMBOÐ Ólafur Ragnar Grímsson,
forseti Íslands, boðar aukna þátt-
töku embættisins í umræðu um
embættið sjálft og um stöðu og
framtíð þjóðarinnar. Hann lýsti
yfir framboði til
embættisins í
gær. Ólafur
Ragnar sagðist
telja að forsetinn
ætti að taka þátt
í samræðum um
verkefni og
framtíð þjóðar-
innar á skynsam-
legan og hógvær-
an hátt. Hann
sagði umræðu
um að embætti
forseta Íslands
væri valdalaust á
m i s s k i l n i n g i
byggða. „Forset-
anum er falið
mikilvægt vald
sem þjóðin kýs
að sé í hans
höndum.“ Hann
sagði kosning-
arnar framundan
kærkomið tækifæri til að ræða þau
mál. Ólafur Ragnar sagðist fagna
því að umræða um stöðu embættis-
ins hefði hafist. „Ég mun reyna að
taka þátt í henni á næstu vikum og
mánuðum. Nýta þau tækifæri sem
forsetakosningarnar gefa til að
leggja mitt af mörkum svo að efn-
isrík og innhaldsrík umræða um
forsetaembættið geti farið fram í
landinu.“ Hann sagði það verkefni
embættisins að styðja framrás
íslenskrar menningar, vísinda og
viðskipta séu verkefni sem skipti
Íslendinga æ meira máli. „Ég tel af
fenginni reynslu að það sé hægt að
sinna þeim verkefnum ítarlegar,
betur og á víðtækari hátt en ég hef
gert til þessa.“
Ólafur Ragnar sagðist ekki viss
um að sú hefð að forsetinn tjái sig
ekki í umræðu um embættið ætti
lengur við. „Ef að mér verður falið
að gegna þessu embætti á nýjan
leik, þá mun ég hugleiða að skapa
greiðari aðgang að slíkri umræðu
við forsetann á komandi árum.“
Hann sagði forseta annarra landa
sem hefðu svipaða stöðu í stjórn-
skipun hafa farið inn á þessa braut
á síðari árum. „Kannski vegna
þess að þeir sjá að það er nauðsyn-
legur þáttur í því fjölþætta lýð-
ræðissamfélagi sem við búum í að
forsetinn taki ekki þegjandi öllu
því sem sagt er um hann.“ Hann
sagðist líta svo á að forsetaemb-
ættið væri þjónustustarf við fólkið
í landinu og í þeim anda vildi hann
bjóða sig fram til embættisins.
Ólafur Ragnar sagði að svör við
gagnrýni á embættið ættu að vera
í hófi. „Mér finnst kannski óeðli-
legt að það sé í gangi í samfélaginu
látlaust neikvæð umræða og að
ákveðnir einstaklingar komnir
með skotleyfi á forsetaembættið
og hann svari aldrei fyrir sig.“
Hann vildi ekki tjá sig frekar um
deilur sínar og forsætisráðherra í
tengslum við heimastjórnaraf-
mælið, en sagðist ekki sjá eftir
neinu í sínum þætti málsins.
haflidi@frettabladid.is
RÆÐA ÖRYGGISMÁL Grískir og
tyrkneskir embættismenn og
herforingjar funda á morgun
um öryggismál á eyjunni Kýpur
og veru herja ríkjanna á
Miðjarðarhafseyjunni. Ríkin
verða að komast að samkomu-
lagi um fjölda hermanna,
vopnabúnað þeirra og staðsetn-
ingu samkvæmt tillögum Sam-
einuðu þjóðanna um samein-
ingu grísku og tyrknesku hluta
eyjarinnar.
LÁGMARKSLAUN HÆKKA Breska
stjórnin hefur samþykkt að
hækka lágmarkslaun um tæpar
40 krónur á tímann og lögbinda
í fyrsta sinn lágmarkslaun fyrir
sextán og sautján ára launþega.
Laun þeirra mega ekki vera
lægri en 380 krónur.
BROSMILDUR FORSETI
Vladimír Pútín fagnaði stórsigri í kosning-
um sem kosningaeftirlitsmenn gagnrýndu.
Vladimír Pútín:
Stöðugleiki
og festa
MOSKVA, AP Vladimír Pútín lofaði
Rússum stöðugleika, röð og reglu
eftir að hann var lýstur réttkjörinn
forseti Rússlands með 71,2% allra
greiddra atkvæða.
„Ég held ég hafi unnið af elju-
semi og samviskusemi öll þessi ár.
Fólk virðist hafa skynjað það,“
sagði Pútín þegar hann ávarpaði
blaðamenn í gær eftir að hann var
lýstur sigurvegari.
Erlendir eftirlitsmenn gagn-
rýndu kosningarnar, sögðu dæmi
um alvarlega galla við talningu at-
kvæða og kváðu umfjöllun ríkis-
rekinna fjölmiðla í kosningabarátt-
unni mjög einhliða í þágu Pútíns. ■
Fjögurra rétta matseðil og vínglas
með hverjum rétti fyrir aðeins 8000 kr.
Humar og reykt Klaustursbleikjameð lárperuturni, tómatsultu og
sítrusvinaigrette.
Vín: Eden Valley Riesling 2002
Smjörsteikt sandhverfa með kremuðu hestabauna ragú og
beurre blanc.
Vín: Chardonnay 2001
S teiktar nautalundir með kartöflummousseline, steiktum
villisveppum, krydduðu uxabrjósti
og madeirasósu.
Vín: Futures Shiraz 2001
Sveskjusoufflé með súkkulaði-moussé manjari og heslihnetuís.
Vín: The King 1995
Peter Lehmann dagar á Hótel Holti
18. – 21. mars
Víngerðarmaður ársins í heiminum 2003
Borðapantanir í s. 552 57 00
holt@holt.is
Romano Prodi segir stríðið gegn hryðjuverkum ekki skila árangri:
Bandaríska leiðin virkar ekki
RÓM, AP „Þessir örlagaríku dagar
hafa sýnt okkur að bandaríska leið-
in virkar ekki. Á laugardag verður
ár liðið frá upphafi stríðsins í Írak
og hryðjuverkaógnin sem við stönd-
um frammi fyrir er mun meiri en
hún var áður,“ sagði Romano Prodi,
forseti framkvæmdastjórnar
Evrópusambandsins, í viðtali við
ítalska blaðið La Stampa.
Prodi sagði í viðtalinu að til að
sporna gegn hryðjuverkum yrði að
beita fleiri aðferðum en hervaldi.
Þar hefðu Bandaríkin brugðist.
„Evrópa notar aðrar aðferðir sem
hjálpa íbúum okkar að segja skilið
við óttann, við notum stjórnmál en
ekki bara vald sem hefur skapað
ótta.“
Prodi sagði að Evrópusambandið
íhugaði að setja á fót nýja stöðu í
framkvæmdastjórninni sem
sérhæfði sig í baráttunni gegn
hryðjuverkum. ■
FULLTRÚAR HAGSMUNAAÐILA
Þór Sigfússon, framkvæmdastjóri Verslun-
arráðs Íslands, Þórður Friðjónsson, forstjóri
Kauphallar Íslands, og Ari Edwald, fram-
kvæmdastjóri SA, kynntu tillögur um
stjórnarhætti í fyrirtækjum.
FRAMBOÐI LÝST
Ólafur Ragnar Grímsson tilkynnti framboð til áframhaldandi setu í embætti forseta Íslands
í gær. Hann fagnar umræðu um embættið og sér kosningarnar sem kærkomið tækifæri til
þess að taka þátt í þeirri umræðu.
„Mér finnst
kannski óeðli-
legt að það
sé í gangi í
samfélaginu
látlaust nei-
kvæð um-
ræða og að
ákveðnir ein-
staklingar
komnir með
skotleyfi á
forsetaemb-
ættið og
hann svari
aldrei fyrir
sig.
FR
ÉT
TA
B
LA
Ð
IÐ
/G
VA
ÞÖGN Í MINNINGU FÓRNARLAMBA
Romano Prodi og Guy Verhofstadt, forsætisráðherra Belgíu, voru meðal þeirra sem
minntust fórnarlamba árásanna í Madríd.
Kúrdískir mótmælendur:
Þustu inn í
sendiráð
GENF, AP Á þriðja tug Kúrda þustu
inn í sendiráð Sýrlands hjá skrif-
stofum Sameinuðu þjóðanna í
Genf í gær og tóku þar öll völd í
tvo klukkutíma. Fólkið sem tók
sendiráðið á sitt vald var hluti af
um 50 manna hópi sem mótmælti
því að fimmtán manns létu lífið og
um hundrað slösuðust í átökum
kúrdíska minnihlutans og araba í
Sýrlandi um helgina. Ólætin brut-
ust út eftir ólæti á fótboltaleik.
Litlar skemmdir urðu á sendi-
ráðinu og engin meiðsl á fólki.
Kúrdarnir sögðust aðeins hafa
viljað vekja athygli á stöðu Kúrda
í Sýrlandi. ■