Fréttablaðið - 16.03.2004, Blaðsíða 6

6 16. mars 2004 ÞRIÐJUDAGUR
GENGI GJALDMIÐLA
Bandaríkjadalur 70.32 -0.48%
Sterlingspund 127.12 0.09%
Dönsk króna 11.6 -0.24%
Evra 86.42 -0.25%
Gengisvísitala krónu 120,12 -0,12%
Kauphöll Íslands
Fjöldi viðskipta 274
Velta 6.185 milljónir
ICEX-15 2.514 -0,65%
Mestu viðskiptin
Eimskipafélag Íslands Hf. 34.028
Fjárfestingarfélagið Atorka hf. 31.811
Straumur Fjárfestingarbanki hf 29.746
Mesta hækkun
Þormóður rammi-Sæberg hf. 12,50%
Hlutabréfamarkaðurinn hf. 2,61%
Kaldbakur, fjárfestingarfélag hf 1,74%
Mesta lækkun
Jarðboranir hf. -6,21%
Eimskipafélag Íslands Hf. -3,00%
Opin Kerfi Group hf. -1,49%
Erlendar vísitölur
DJ* 10.127,0 -1,1%
Nasdaq* 1.947,7 -1,9%
FTSE 4.412,9 -1,2%
DAX 3.810,8 -2,7%
NK50 1.416,5 0,0%
S&P* 1.107,2 -1,2%
* Bandarískar vísitölur kl. 17.
Veistusvarið?
1Hvað heitir flokkurinn sem sigraði íkosningunum á Spáni?
2Vladimir Pútín sigraði í forseta-kosningum í Rússlandi um helgina.
Hvað fékk hann mörg prósent atkvæða?
3Hvað hefur Arsenal leikið marga leikií úrvalsdeildinni án þess að tapa?
Svörin eru á bls. 30
VIRKJUN Eitt tilboð barst í jarðbor-
anir vegna Hellisheiðarvirkjunar.
Jarðboranir hf. buðu rúma 2,4
milljarða króna í verkefnið en
kostnaðaráætlun hljóðaði upp á
rúma 2,6 milljarða.
Í heild verða boraðar tíu bor-
holur á virkjunarsvæðinu. Í til-
kynningu frá Orkuveitu Reykja-
víkur segir að þetta sé mesta bor-
unarverkefni í einum áfanga hér á
landi til þessa. Auk jarðborana
verður lagt í umfangsmikla vega-
gerð uppi á svæðinu og við fyrir-
hugað stöðvarhús við Kolviðarhól.
Orkuveitan stefnir að því að fram-
kvæma fyrir um þrjá milljarða
króna við Hellisheiðarvirkjun á
þessu ári.
Virkjunarframkvæmdin helst
í hendur við stækkun Norðuráls
úr 90 þúsund tonnum í 180 þús-
und tonn. Fullbyggð mun virkjun-
in framleiða 120 megavött af raf-
magni og 400 megavött af jarð-
varma sem mun sjá höfuðborgar-
svæðinu fyrir heitu vatni. Þegar
hafa nokkrar holur verið boraðar
á virkjunarsvæðinu, sem allar
lofa mjög góðu. ■
HÚSNÆÐISVERÐ Húsnæðiskaupend-
ur ættu ef til vill að halda að sér
höndunum þar til breytingar á
lánakerfi Íbúðalánasjóðs taka
gildi 1. júlí, að sögn Guðbjargar
Önnu Guðmundsdóttur hjá grein-
ingardeild Íslandsbanka. Búist er
við því að vextir nýju lánanna
verði lægri en núverandi vextir
húsbréfa og greiðslubyrði því
lægri. Á móti þessu kemur þó að
líklegt er að lægri vextir auki eft-
irspurn og lyfti örlítið upp verði,
samkvæmt Guðbjörgu.
„Þeir sem eiga húseign fyrir
verða ekki eins varir við verð-
hækkun því þeir munu hagnast
sem því nemur á sölu eigna sinna.
Þeir sem eru að kaupa í fyrsta
sinn velja því á milli þess að fara
inn í kerfið nú og taka lán á lakari
kjörum, eða bíða betri vaxtar-
kjara og taka þá áhættu að hús-
næðisverð hækki eilítið,“ segir
Guðbjörg.
„Aukinn kaupmáttur auk hækk-
unar lánshlutfalls og lánsfjárhæða
mun sömuleiðis hafa áhrif til
hækkunar húsnæðisverðs þegar
til lengri tíma er litið,“ segir hún.
Guðbjörg segir að áhrifa nýja
kerfisins sé ekki enn farið að gæta
á markaðinum vegna þess hve
mikil óvissa hefur ríkt um hverjar
breytingarnar yrðu og hvenær
þær tækju gildi.
Magnús Einarsson, fram-
kvæmdastjóri Félags fasteigna-
sala, tók undir að breytingar á lána-
kerfinu væru ekki enn farnar að
hafa áhrif á húsnæðismarkaðinn.
„Að undanförnu hefur verið
nokkuð jöfn og góð eftirspurn,“
segir Magnús.
„Ef fólk ákveður að halda að
sér höndunum fram yfir 1. júlí er
líklegt að aðeins meira framboð
skapist. Það mun þó ekki hafa
mikil áhrif á verð sökum þess hve
tíminn er skammur,“ segir hann.
Varðandi hækkun húsnæðis-
verðs eftir innleiðingu nýja kerf-
isins segist Guðbjörg Anna ekki
eiga von á því að hún verði svo
skörp að bóla myndist.
„Þó er ákveðin hætta fólgin í
því að innleiða þessar breytingar á
uppsveiflutímabili,“ segir Guð-
björg.
„Ef til samdráttar kemur í
efnahagslífinu eftir stóriðjufram-
kvæmdir, sem hæst standa
2006–2007, gætum við séð raun-
lækkun á fasteignaverði,“ segir
hún. Guðbjörg bendir þó á að ekki
sé þar með verið að spá raunlækk-
un, heldur einungis að benda á að
hún gæti átt sér stað.
sda@frettabladid.is
Japanskur piltur:
Sveltur af
föður sínum
JAPAN, AP Japanskur karlmaður og
sambýliskona hans hafa verið
kærð fyrir að pynta fimmtán ára
son mannsins og reyna að svelta
hann til bana. Fólkið byrjaði á því
að drepa í sígarettum á líkama
piltsins og tóku síðar til við að
berja hann. Að því loknu læstu
þau hann inni í herbergi og sveltu.
Drengurinn, sem liggur í dái á
sjúkrahúsi, er aðeins eitt þúsunda
barna sem sæta illri meðferð for-
eldra sinna eða annarra aðstand-
enda. Á síðasta ári komu 23.738
mál inn á borð japanskra barna-
verndaryfirvalda, fjórfalt fleiri
en 1997. ■
Atvinnuréttindi:
Svíar vilja
takmarkanir
STOKKHÓLMUR, AP Þrír af hverjum
fimm Svíum vilja aðlögunartíma
þar sem réttur íbúa nýrra Evrópu-
sambandsríkja til vinnu í Svíþjóð
verði minni en réttur íbúa þeirra
ríkja sem þegar eru fyrir í sam-
bandinu. Rétt rúmlega fjórðungur
er því andvígur meðan tólf pró-
sent eru óákveðin samkvæmt
nýrri skoðanakönnun.
Ríkisstjórnin lagði á föstudag
fram frumvarp um takmarkanir á
atvinnuréttindum ríkisborgara tíu
nýrra aðildarríkja. Samkvæmt
því verða þeir sem ætla til Sví-
þjóðar að sækja um atvinnuleyfi
áður en þeir koma þangað. Þessu
hafa atvinnurekendur mótmælt. ■
~ A u k i n f i t u b r e n n s l a
~ M e i r i o r k a
~ M i n n i l y s t
~ G e n g u r á f i t u f o r ð a
~ M i n n k a r n a r t
Easy body Burner hylki er frábær leið til að tapa þyngd á
árangursríkan og skynsaman hátt. Hylkin innihalda m.a
koffín, Hýdroxísítrussýru, króm pikkólant og L-Carnitine.
Leiðbeiningar og innihaldslýsing eru á íslensku!
FITUBRENNSLA Í HYLKI
E a s y b o d y v ö r u r n a r e r u s é r h a n n a ð a r f y r i r þ á s e m v i l j a k o m a l í n u n u m í l a g !
20%
afslát
tur
17-24
mars!
Eitt tilboð í jarðboranir vegna Hellisheiðarvirkjunar:
Framkvæmt fyrir þrjá
milljarða á árinu
BORHOLA Á HELLISHEIÐI
Þegar hafa verið boraðar nokkrar holur á
virkjunarsvæðinu sem allar lofa mjög góðu.
Íbúðaverð heldur
áfram að hækka
Búist er við því að nýtt lánsfyrirkomulag Íbúðalánasjóðs, sem taka mun gildi 1. júlí, gæti
stuðlað að verðhækkun á húsnæðismarkaðinum. Ný lán verða þó líklega með lægri vexti og því
gæti borgað sig að bíða með kaup.
NÝBYGGINGAR
Áframhaldandi hækkun fasteignaverðs á höfuðborgarsvæðinu stafar meðal annars af stöðugri fjölgun íbúa á svæðinu vegna flutnings af
landsbyggðinni. Hið sama hefur verið að gerast í löndunum í kringum okkur. Nýtt lánafyrirkomulag Íbúðalánasjóðs tekur gildi 1. júlí og
er útlit fyrir betri vaxtakjör húsnæðislána.
FR
ÉT
TA
B
LA
Ð
IÐ
/Þ
Ö
K