Fréttablaðið - 28.06.2004, Blaðsíða 2
STRAND Tyrkneska súrálsflutn-
ingaskipið Kiran Pacific strand-
aði á skeri 3.3 sjómílur, eða um 6
kílómetra, norðvestur af
Straumsvíkurhöfn á laugardags-
kvöld. Alls er 21 maður um borð í
skipinu, allir frá Tyrklandi. Skip-
ið er talið nokkuð stöðugt á sker-
inu og því ekki óttast að áhöfnin
sé í hættu. Varðskip kom á vett-
vang í gærmorgun og kannaði
áhöfn þess aðstæður og ástand
flutningaskipsins.
Ekki var endanlega ljóst í gær-
kvöldi hvernig ástand skipsins var
en hjá Umhverfsstofnun fengust
þær upplýsingar að ekki væri tal-
in bráðahætta á mengun úr skip-
inu, svo lengi sem veður og sjólag
breyttist ekki til hins verra. Málið
er litið alvarlegum augum enda
gæti olíuleki úr skipinu valdið
miklu tjóni á dýralífi í nágrenninu.
Kiran Pacific var að koma frá
Bandaríkjunum með 45 þúsund
tonn af súráli sem flytja átti til
Straumsvíkur. Í skipinu eru 456
tonn af svartolíu, 52 tonn af
dísilolíu og 31 tonn af smurolíu.
Skipið er 21.968 brúttótonn og 193
metrar að lengd. Talið er að þrjú
göt séu á sjótönkum framarlega í
skipinu. Ekki er vitað um göt á
olíutönkum og ekki hefur orðið
vart við mengun.
Skipið strandaði klukkan 18 á
laugardag og barst tilkynning frá
Hafnarfjarðarhöfn um það til
stjórnstöðvar Landhelgisgæsl-
unnar klukkan 21. Fulltrúar frá
útgerð skipsins, tryggingafélagi
þess og hollensku björgunarfyrir-
tæki komu hingað til lands síðdeg-
is í gær. Þeir fóru á strandstað og
könnuðu ástand skipsins. Að því
búnu áttu þeir fund með fulltrú-
um Landhelgisgæslunnar, Sigl-
ingastofnunar og Umhverfis-
stofnunar. Þar var þeim kynnt ís-
lensk löggjöf sem lýtur að slíkum
atburðum og skyldur þeirra gagn-
vart henni. Jafnframt var óskað
eftir að þeir legðu fram aðgerða-
áætlun um björgun skipsins.
Siv Friðleifsdóttir umhverfis-
ráðherra kvaðst hafa verið í sam-
bandi við Umhverfisstofnun
vegna strandsins og myndi fylgj-
ast grannt með framvindu mála.
Vindur gekk niður síðdegis í
gær og samkvæmt upplýsingum
frá Veðurstofunni átti að vera
hæglætisveður í dag, hæg suð-
austan átt og aðstæður á strand-
stað því ákjósanlegar hvað það
snertir.
jss@frettabladid.is
2 28. júní 2004 MÁNUDAGUR
Næsti forseti framkvæmdastjórnar Evrópusambandsins:
Stungið upp á Barroso
DUBLIN, BERLIN, AP Lagt verður til
að Jose Manuel Durao Barroso,
forsætisráðherra Portúgals, verði
næsti forseti framkvæmdastjórn-
ar Evrópusambandsins.
Bertie Ahern, forsætisráð-
herra Írlands, skýrði frá þessu í
gær. Írar fara nú með for-
mennsku í Evrópusambandinu.
Gerhard Schröder, kanslari
Þýskalands, lýsti skömmu síðar
yfir stuðningi Þjóðverja við þessa
niðurstöðu.
Mikil leit hefur staðið yfir und-
anfarið að hugsanlegum eftir-
manni Romanos Prodis, sem læt-
ur af embætti forseta fram-
kvæmdastjórnarinnar í lok októ-
ber.
Á yngri árum, þegar einræðis-
herrann Antoniu Salasar réð ríkj-
um í Portúgal, var Barroso rót-
tækur maóisti sem barðist hat-
rammlega gegn einræðisstjórn-
inni. Í dag er hann forsætisráð-
herra íhaldsstjórnar í Portúgal og
eindreginn stuðningsmaður
stríðsaðgerða Bandaríkjamanna í
Írak.
Barroso státar sig af því að hafa
pólitískt úthald og standa óhrædd-
ur við ákvarðanir sínar, þótt sumar
hafi verið umdeildar. ■
Sprenging í herstöð á
Gazaströnd:
Hefndarað-
gerð Palest-
ínumanna
ÍSRAEL AP Að minnsta kosti tíu
Ísraelsmenn særðust í gífur-
legri sprengingu við bækistöðv-
ar ísraelska hersins á Gaza-
strönd. Herskáir Palestínumenn
höfðu grafið göng undir ramm-
gerðan vegg herstöðvarinnar til
þess að koma þar fyrir
sprengjuefni. Samtökin Hamas
og al-Aksa-skæruliðasveitirnar
lýstu ábyrgð sinni á árásinni.
Frá Hamas bárust þau skila-
boð að sprengjuárásin væri
hefndaraðgerð fyrir dráp Ísra-
elsmanna á stofnanda samtak-
anna, Ahmed Yassin, í mars,
sem og drápið á arftaka Yass-
ins, Abdel Aziz Rantisi, mánuði
síðar. ■
“Nei, það voru kjósendur sem brugð-
ust. Ég gerði það sem ég gat. Ég er
viss um að fólk verður meira vakandi
næst fyrir þessum góða málstað.“
Ingibergur Sigurðsson var kosningastjóri Ástþórs
Magnússonar. 2001 kusu Ástþór sem er 1,5% fylgi.
SPURNING DAGSINS
Ingibergur, varst það þú sem brást?
ÓK FULLUR Á KYRRSTÆÐAN BÍL
Þrír ökumenn voru teknir grun-
aðir um ölvunarakstur í Hafnar-
firði í fyrrakvöld og fyrrinótt.
Einn ökumannanna hafði ekið á
kyrrstæðan bíl í bílastæði áður
en hann var tekinn.
TVÆR VELTUR Á FRÓÐÁRHEIÐI
Bílvelta varð á Fróðárheiði í há-
deginu í gær. Ökumaður bílsins
náði ekki beygju á veginum sem
varð til þess að bíllinn valt og
endaði utan vegar. Þá valt annar
bíll á heiðinni við sæluhúsið. Eng-
inn slasaðist í óhöppunum.
ELDUR Í POTTI Eldur kviknaði þar
sem pottur hafði verið skilinn
eftir á eldavél í húsi í Hafnar-
firði. Slökkviliðið slökkti eldinn
og reykræsti íbúðina. Engar
skemmdir urðu. Þá kviknaði í bíl
við Ikea en vel gekk að ráða
niðurlögum eldsins.
VINNUSLYS Í BAKARÍI Sauma
þurfti tólf spor í olnbogabót á
konu sem fest hafði hönd í
pökkunarvél í bakaríi í Skeif-
unni í Reykjavík um klukkan
sjö í gærmorgun. Hún var flutt
með sjúkrabíl á Landspítalann.
INNBROTSÞJÓFUR HANDTEKINN
Öryggisvörður kom að inn-
brotsþjófi inni í tölvufyrirtæki
í Skipholti um klukkan hálffjög-
ur í fyrrinótt. Maðurinn sagðist
einungis hafa átt leið framhjá
fyrirtækinu og séð að hurðin
væri opin og því ákveðið að lit-
ast um. Engu að síður var lög-
regla kölluð til og maðurinn var
handtekinn. Hann gisti fanga-
geymslur en var sleppt að yfir-
heyrslum loknum í gærmorgun.
BRAUST INN Í BÍL Brotist var
inn í bíl við Skúlagötu í gær-
morgun og þaðan stolið mynda-
vél. Þjófurinn braut rúðu til að
komast inn í bifreiðina.
ANDLÁT Tónlistarmaðurinn Rafn
Jónsson lést á heimili sínu í
Hafnarfirði í gær eftir langvinn
veikindi. Rafn, sem var betur
þekktur sem Rabbi, fæddist árið
1954 á Suðureyri við Súganda-
fjörð. Á tónlistarferli sínum lék
Rabbi meðal annars með hljóm-
sveitunum Grafík, Sálinni hans
Jóns míns og Bítlavinafélaginu,
en hann gaf auk þess út nokkrar
sólóplötur.
Rabbi greindist með MND-
sjúkdóminn fyrir sextán árum og
tókst hann á við sjúkdóm sinn af
miklu æðruleysi. Rafn var giftur
Friðgerði Guðmundsdóttur og
áttu þau saman þrjú börn en Rafn
átti fyrir eina dóttur. ■ RAFN JÓNSSON
Dánarfregn:
Rafn Jónsson látinn
FORSÆTISRÁÐHERRA PORTÚGALS
Jose Manuel Durao Barroso, forsætisráð-
herra Portúgals, þykir nú líklegur arftaki
Romanos Prodi.
■ LÖGREGLUFRÉTTIR
■ LÖGREGLUFRÉTTIR
Forsetakosningar í
Litháen:
Naumur
sigur hjá
Adamkus
LITHÁEN AP Valdas Adamkus,
fyrrverandi forseti Litháens,
var í gær kosinn á ný forseti
landsins með naumum meiri-
hluta. Hann vann þar sigur á
Kazimira Prunskiene, fyrrver-
andi forsætisráðherra landsins.
Tæpir tveir mánuðir eru síð-
an fráfarandi forseti, Rolandas
Paksas, var hrakinn úr embætti
fyrir að ljóstra upp um ríkis-
leyndarmál og ráða sér aðstoð-
armann með tengsl við rúss-
nesku mafíuna.
Paksas hafði lýst yfir stuðn-
ingi sínum við Prunskiene.
Adamkus tekur formlega við
embætti 12. júlí næstkomandi. ■
FR
ÉT
TA
B
LA
Ð
IÐ
/G
VA
Olíuleki gæti
valdið miklu tjóni
Súrálsflutningaskip strandaði á skeri út af Straumsvíkurhöfn.
Málið er litið alvarlegum augum enda gæti olíuleki úr skipinu
valdið miklu tjóni á lífríkinu í grennd.
Á SKERI
Kiran Pacific strandaði á skeri
FR
ÉT
TA
B
LA
Ð
IÐ
/G
VA
Björgunarsveitir
á Suðurlandi:
Leita að
ferðamanni
BJÖRGUNARSTARF Erlendur ferða-
maður hringdi í Neyðarlínuna
um fimmleytið í gær. Hafði
hann lagt af stað frá Land-
mannalaugum fyrr um daginn
en villst af leið. Hann vissi ekki
hvar hann var nákvæmlega
staddur þegar hann hringdi, að
öðru leyti en að hann væri sunn-
an við Landmannalaugar.
Ljóst var að maðurinn var í
töluverðum vandræðum og voru
Björgunarsveitir á Suðurlandi,
alls 70 manns á tólf jeppum,
þegar kallaðar út til að leita að
manninum. Hann hafði enn ekki
fundist þegar Fréttablaðið fór í
prentun í gærkvöldi. ■