Fréttablaðið - 28.06.2004, Blaðsíða 21
MÁNUDAGUR 28. júní 2004
'*( %
!"# $% &'(
!" !
)' !"# $% &'(
#$
%
&''
!"
EM Í FÓTBOLTA David Beckham er á
því að slök frammistaða hans á EM
í Portúgal sé að hluta til að kenna
lélegu líkamlegu formi sem megi
rekja til lélegs æfingaprógramms
hjá Real Madrid: „Mér finnst við
ekki æfa nærri því eins mikið í
Madrid og ég var vanur í Manchest-
er,“ sagði Beckham og bætti við:
„Þannig er það einfaldlega á Spáni.
Ég fann mig ekki vel á seinni hluta
síðasta tímabils og kannski hafði
það áhrif á frammistöðuna á EM.“
Þessi ummæli munu væntan-
lega falla í grýttan jarðveg hjá
forráðamönnum Real Madrid en
Sven Göran
E r i k s s o n
l a n d s l i ð s -
þjálfari Eng-
lendinga, tók
í sama streng
og Beckham:
„Þegar við
vorum í æf-
ingabúðum á
Sardiníu rétt
fyrir mót þá
var það alveg
ljóst að David
var ekki í sínu besta formi. Hon-
um hefur farið aftur á þessu ári. ■
David Beckham viðurkennir að vera ekki í toppformi:
Minna æft í Madrid
en Manchester
DAVID BECKHAM
Segist ekki vera í nógu
góðu formi. Sést hér
eftir að hafa brennt af
vítinu gegn Portúgölum.
FÓTBOLTI Jacques Santini, lands-
liðsþjálfari Frakka, hefur hvatt
stuðningsmenn Tottenham
Hotspur til þess að dæma sig ekki
fyrir fram eftir slaka frammi-
stöðu Frakka á EM í Portúgal.
Santini mun einmitt taka við
stjórnartaumunum hjá Spurs
innan skamms og fyrir EM ríkti
mikil ánægja með ráðningu hans
en eftir að franska liðið var slegið
út af Grikkjum hefur efasemdar-
röddum fjölgað og menn spyrja
hvernig það sé hægt að klúðra
málum svona með þennan ótrú-
lega mannskap innanborðs.
„Aðdáendur Spurs geta treyst
því að ég mun gera allt sem í mínu
valdi stendur til þess að félagið nái
árangri,“ sagði Santini og klykkti
út með þessu: „Orðspor mitt hefur
ekki beðið hnekki. Ég geri mér
fulla grein fyrir því að Spurs end-
aði í 14. sæti á síðustu leiktíð en ég
er með þriggja ára áætlun sem
unnið verður eftir en ég er ekki til-
búinn á þessari stundu að segja
nánar frá henni.
Á meðan ég fæ ánægju út úr
því að starfa við knattspyrnu-
þjálfun mun ég halda því áfram
því starfið krefst mikillar ábyrgð-
ar og það líkar mér,“ sagði
Jacques Santini og greinilegt að
sjálfsánægjan hefur heldur ekki
beðið neina hnekki. ■
Jacques Santini biðlar til stuðningsmanna Spurs:
Ekki dæma
mig fyrir fram
BROTTFÖR
Jacques Santini biður stuðningsmenn
Spurs að treysta sér. Sést hér á flugvellin-
um í Lissabon á leiðinni heim til
Frakklands eftir óvænt tap gegn
Grikkjum í átta liða úrslitum EM.
TENNIS Martina Navratilova hefur
verið valin í bandaríska tennis-
landsliðið sem keppir á Ólympíu-
leikunum í Aþenu í ágúst. Navra-
tilova er 47 ára og varð um daginn
elsta konan frá árinu 1922 til að
vinna leik á opna Wimbledon-
mótinu sem fram fer þessa dag-
ana. Hins vegar verða þetta fyrstu
ólympíuleikarnir hennar en þar
mun hún keppa í tvíliðaleik.
„Hún hefur gert allt til þess að
verðskulda sæti í liðinu og hún er
yfir sig spennt að fá þetta tæki-
færi,“ sagði Zina Garrison,
þjálfari bandaríska kvennalands-
liðsins í tennis.
Á áttunda og níunda áratug síð-
ustu aldar var Navratilova algjör
yfirburðamanneskja í kvenna-
tennisnum og heyrði það til undan-
tekninga ef hún tapaði leik. Eftir
að spaðinn hafði verið á hillunni í
þó nokkuð mörg ár ákvað Navra-
tilova nýverið að reyna sig á nýjan
leik á meðal þeirra bestu og miðað
við aldurinn þá er kerla ótrúlega
sterk ennþá og gaman verður að
fylgjast með henni í Aþenu. ■
Martina Navratilova ekki dauð úr öllum æðum:
Keppir á Ól í Aþenu
Í FULLU FJÖRI
Hin 47 ára Martina Navratilova mun
keppa á ólympíuleikunum í Aþenu í
ágúst.