Fréttablaðið - 24.08.2004, Blaðsíða 33

Stríðið gegn Reykvíkingum
Í Fréttablaðinu 16. ágúst sl. fjallar
Bergsteinn Sigurðsson blaðamaður
um þróun húsaleigubóta hér. Þar
koma fram skýrar upplýsingar um
ákveðin atriði varðandi leigumark-
aðinn. Opinber útgjöld vegna húsa-
leigubóta hafa hækkað um 130% á
sex árum og aukningin er ekki mest
í Reykjavík eins og eðlilegt væri.
T.d. hafa bætur á Ísafirði sjöfaldast
síðan 1998. Í viðtali við Sigríði Jóns-
dóttur hjá Félagsþjónustu borgar-
innar segir að aukningin hér stafi
ekki af fjölgun leigjenda, heldur hafi
fleiri hópar fengið bótarétt og vegna
betri upplýsinga hafi fleiri sótt um.
Sigríður segir réttilega: „Íbúasam-
setning í Reykjavík er öðruvísi en
annars staðar og ástandið á almenna
leigumarkaðnum skiptir meira máli.
Ýmsar ályktanir má draga af þróun
húsaleigubóta. Þar ráða ýmis mark-
aðsöfl ferðinni, t.d. framboð á leigu-
húsnæði og hversu auðvelt er að fá
samning.“
Þá bendir Sigríður á að fjölgun
þinglýstra samninga skili ríkissjóði
auknum skatttekjum meðan sveitar-
félögum sé að mestu gert að greiða
bæturnar öfugt við vaxtabætur. Ekki
er rétt hjá Sigríði að húsnæðismál í
höfuðborginni eigi meira sameigin-
legt með höfuðborgum nágranna-
landa. Í nálægum löndum og reyndar
víðast í Evrópu eru leiguíbúðir 40 -
50% og upp í 70 - 80% af öllum íbúð-
um borganna og húsaleigubætur
meginstuðningur við fólk vegna hús-
næðiskostnaðar. Ég þekki ekkert
land í Evrópu sem hefur húsnæðis-
stefnu líka þeirri sem hér ríkir.
Helst væri það Bretland eftir að
stjórn Thatchers seldi stóran hluta
leiguíbúðanna og stjórn Blair af-
ganginn, enda hafa þau hlotið sér-
stakt lof auðhringa fyrir að standa
gegn hagsmunum alþýðunnar. Í áð-
urnefndri grein tekur Björk Vil-
helmsdóttir formaður félagsmála-
ráðs undir það álit Leigjendasamtak-
anna að almennar húsaleigubætur
eigi að greiðast af ríkinu og ekki
grundvallast á eign. Ríkisstjórnin
ætlar hinsvegar að hækka hlutfall
opinberra húsnæðislána upp í 90% af
kaupverði og auka enn skuldirnar og
bæta hagnað bankanna, sem orðinn
er meiri en arðurinn af sjávarútveg-
inum. Eins og alltaf bitnar þetta á
reykvískri alþýðu fyrst og fremst.
Markmið mín með baráttunni á und-
angengnum áratugum hafa fyrst og
fremst verið þau að skipulag borgar-
innar geri fólki mögulegt að lifa eðli-
legu lífi án þess að eiga bíl og að geta
rekið heimili án þess að taka lán.
Fátt myndi bæta kjör alþýðufólks
meira en þetta. ■
17ÞRIÐJUDAGUR 24. ágúst 2004
Mikill hugmyndafræðingur
Fáir stjórnmálamenn virðast vita hvaða
hugmyndafræði þeir aðhyllast. Reyndar
virðast fæstir þeirra vita nokkuð um
hugmyndafræði. Þess vegna væri
ánægjulegt að fá Jón Baldvin Hanni-
balsson aftur heim til Íslands til að taka
þátt í stjórnmálum. Ekki vegna einhverr-
ar ímyndaðrar forystueklu innan Sam-
fylkingarinnar heldur vegna þess að það
er almennt óþolandi skortur á hug-
myndafræðilegri umræðu í íslenskri
pólitík. Hvað sem fólki finnst um Jón
Baldvin þá geta fáir neitað því að hann
er mikill hugmyndafræðingur.
Sigurður Hólm Gunnarsson á skodun.is
Hótar endurkomu
Fyrrverandi formaður Alþýðuflokksins
og núverandi sendiherra Íslands í
Helsinki í Finnlandi, mætir nú í hvert
viðhafnarviðtalið á fætur öðru, nú síðast
um helgina í Fréttablaðið, og hótar því
að hefja að nýju þátttöku í íslenskum
stjórnmálum. Reyndar er hann þegar
kominn inn á fullu gasi. Og hvar skyldi
Jón Baldvin Hannibalsson fyrst bera nið-
ur? Jú, það er áminningarfrumvarp Geirs
H Haarde, fjármálaráðherra, sem þessi
tilvonandi alþingismaður staðnæmist
fyrst við. Eins og menn rekur eflaust
minni til gengur þetta frumvarp út á það
að hægt verði að segja starfsfólki upp
skýringalaust. Um þetta segir þessi fyrr-
verandi Alþýðuflokksformaður og nú-
verandi Samfylkingarmaður: „Ég var
alltaf á móti æviráðningum. Framfarir
þjóðfélagsins eru háðar breytingum.
Það verður að vera hægt að innleiða
breytingar. Ef þröskuldar og girðingar
eru reistar verður stöðnun.“
Ögmundur Jónasson á ogmundur.is
Hrikalegt minni
Ég hef oft velt því fyrir mér af hverju
Íslendingar kjósa yfir sig sömu ríkis-
stjórnina ár eftir ár. Það er sama hvern-
ig hún stendur sig, alltaf skulu Framsókn
og Sjálfstæðisflokkur enda í stjórn. Þetta
hlýtur að hafa eitthvað að gera með
hrikalegt minni þjóðarinnar. Í hverjum
kosningum koma loforðapakkar á stærð
við Eimskipsgáma og ekki einu sinni
einn þriðji hluti loforðanna er efndur.
Samt stendur öllum að því er virðist á
sama, alla vega hefur enginn fyrir því að
leggja loforðin á minnið þannig að
hægt sé að minnsta kosti að fyrirbyggja
að svikul stjórn komist til valda á ný.
Guðbjörg Benjamínsdóttir á politik.is
Stöndum saman
Á þessari stundu er okkur ekkert mikil-
vægara en að standa saman um flokk-
inn og forystuna. Skoðanakannanir sýna
að fylgið er of lágt, þær sýna reyndar
framsóknarflokkinn gjarnan lægri en
raun verður í kosningum. Allar innbyrð-
is deilur eru þó alltaf til ills frekar en
góðs, notum tímann og finnum fleira
fólk í flokkinn, konur sérstaklega, stærri
og öflugri flokkur býður upp á fleiri
möguleika. Horfum fram veginn: Eftir
15.september eigum við forsætisráð-
herra íslands og vaska sveit með honum
í stjórn. Ég er lika afar sáttur við að einn
efnilegasti stjórnmálamaður framtíðar-
innar er úr okkar flokki það er að segja
félagsmálaráðherrann Árni Magnússon.
Jón Vigfús Guðjónsson á hrifla.is
Forneskjulegt foringjaræði
Framsóknarforystan beitir sömu vinnu-
brögðum í ráðherramálinu og í fjölmiðla-
málinu í sumar. Forneskjulegt for-
ingjaræðið er ekki í neinum takti við vilja
grasrótarinnar í flokknum, ekki frekar en í
fjölmiðlamálinu, þar sem forystan var gerð
afturreka. Fámenn karlaklíka gæðinga for-
mannsins leggur á ráðin til að tryggja
eigin hag og bolar burtu konum sem
gætu ógnað framgangi þeirra. For-
ingjaræðið eru gamaldags vinnubrögð
þegar lýðræðisleg vinnubrögð og gagnsæi
eru krafa nútímans í stjórnmálum.
Ásta Ragnheiður Jóhannesdóttir á alt-
hingi.is/arj
AF NETINU
Við hvetjum lesendur til að senda okkur
línu og leggja orð í belg um efni
Fréttablaðsins eða málefni líðandi stun-
dar. Greinar og bréf skulu vera stutt og
gagnorð. Ritstjórn áskilur sér rétt til að
stytta aðsent efni. Einnig áskilur ritstjórn
sér rétt til að birta aðsent efni að
meginhluta á vefsíðu blaðsins, sem er
Vísir.is, og vísa þá til þess með útdrætti í
blaðinu sjálfu. Vinsamlega sendið efni í
tölvupósti á greinar@frettabladid.is. Þar
er einnig svarað fyrirspurnum um lengd
greina.
JÓN FRÁ PÁLMHOLTI
GJALDKERI LEIGJENDASAMTAKANNA.
UMRÆÐAN
HÚSALEIGUBÆTUR