Fréttablaðið - 15.09.2004, Blaðsíða 4

4 15. september 2004 MIÐVIKUDAGUR
Samtök atvinnulífsins segja ummæli KÍ ofbeldistal:
Telja barnagæslu fyrirtækja verkfallsbrot
VERKFALLSBROT Kennarasamband
Íslands telur að um skýlaust
verkfallsbrot sé að ræða bjóði
fyrirtæki eða starfsmannafélög
upp á gæslu fyrir börn komi til
verkfalls. Þessi áform séu í það
minnsta siðlaus ef ekki lögbrot.
Samtök atvinnulífsins segja að
samkvæmt vinnurétti sé fyrir-
tækjum það heimilt.
Eiríkur Jónsson, formaður
Kennarasambands Íslands, segir
Íslandsbanka fá að sjá hvað
kennarar geri haldi bankinn
áformum sínum um Heilsuskóla
fyrir börn starfsmanna á grunn-
skólaaldri til streitu. Til hvaða
aðgerða verði gripið segir Eirík-
ur að þær geti orðið viðskipta-
legar.
Ari Edwald, framkvæmda-
stjóri Samtaka atvinnulífsins,
segir ummæli Eiríks um aðgerð-
ir gegn fyrirtækjum afskaplega
ógeðfellt ofbeldistal sem eigi
ekkert erindi í nútímasamfélagi.
„Mér finnst málflutningur
Kennarasambandsins fráleitur.
Skipuleggi fyrirtæki barnagæslu
eða frístundastarfsemi fyrir
börn er það ekki frekar verk-
fallsbrot en ef fyrirtæki skapaði
aðstöðu fyrir starfsmenn að
vinna heima,“ segir Ari. Hann
segir kennslu og fræðslustarf-
semi framlag kennara. Svo lengi
sem menn fari ekki inn á þeirra
verksvið sé verkfallsbrot ekki
framið: „Ég hefði haldið að þeir
töluðu af meiri virðingu um sitt
framlag en að það væri barna-
gæsla.“
Að ósk Íslandsbanka fundar
bankinn með Kennarasamband-
inu í dag. ■
Hægt að afstýra
kennaraverkfalli
Kennarar verða að fresta umræðu um vinnutíma og kennsluskyldu vilji
þeir leysa kjaradeiluna, segir fyrrum formaður Kennarafélags Reykja-
víkur. Bæjarstjóri segir sveitarfélögin ekki geta mætt kröfum kennara.
VERKFALL Hægt væri að afstýra
kennaraverkfalli ef umræður um
vinnutíma og kennsluskyldu væru
teknar út af samningaborðinu.
Það segir Gísli Baldvinsson,
námsráðgjafi í Síðuskóla á Akur-
eyri og fyrrum formaður Kenn-
arafélags Reykjavíkur.
Kristín Kolbeinsdóttir, formað-
ur Bandalags kennara á Norður-
landi eystra, segir vinnutíma og
kennsluskyldur það sem skipti
kennara mestu máli í kjaravið-
ræðunum. Það stafi af álagi í
starfi: „Ef við frestum þeim við-
ræðum núna náum við ekki að
semja um þau atriði.“
Gísli segir að meðan deilendur
séu læstir í skilgreiningu á vinnu-
tíma og kennsluskyldu kennara
komist þeir ekki áfram. „Ástæðan
er mjög einföld. Kröfur kennara
varðandi kennsluskylduna þýða
fleiri kennara í skólana og jafnvel
stærra húsnæði. Sveitarfélögin
vilja eðlilega lengri tíma fyrir þá
aðlögun,“ segir Gísli. „Ef öðru en
hækkun byrjunarlauna kennara
væri sópað út af borðinu, sett í
nefnd eða frestað væri hægt að
semja á tiltölulega skömmum
tíma. Ég myndi íhuga það veru-
lega og afstýra verkfallinu,“ segir
Gísli.
Halldór Halldórsson, bæjar-
stjóri í Ísafjarðarbæ, segir þær
fjárhæðir sem rætt sé um í kjara-
viðræðunum það háar að sveitar-
félögin hafi ekki rekstrargetu til
að uppfylla kröfunar. Um vinnu-
tíma kennara þurfi samt að ræða.
Gísli sat í stóru samninganefnd
kennara fyrir kjaraviðræðurnar
árið 1984. Hann kveðst hafa varað
við flutningi grunnskóla til sveit-
arfélagana ásamt þáverandi for-
manni Kennarasambandsins,
Svanhildi Kaaber.
„Ástæðan er einfaldlega sú að
við töldum að meðlag ríkisins
væri of lágt. Það myndi gera það
að verkum að sveitarfélögin
kæmust í peningaþröng. Skólamál
eru að verða stærsti hlutinn af út-
gjöldum margra sveitarfélaga.
Tiltölulega lítil sveitarfélög eru
að greiða frá 50-70% í mennta-
mál,“ segir Gísli.
Halldór segir sama hvort talað
sé um grunnskóla eða önnur verk-
efni sem sveitarfélögin hafi tekið
við af ríkinu. Fyrir liggi að þau
hafi farið halloka í þeim samning-
um. Þrátt fyrir það sé ekki hægt
að semja við kennara um gríðar-
lega hækkun launa og sækja síðan
peninga til ríkisins til að mæta út-
gjöldunum.
gag@frettabladid.is
Skýrist á næstunni:
Óljós staða
einkaskóla
KJARAMÁL Staða einkarekinna
grunnskóla er misjöfn. Í dag
skýrist hvort komi til verkfalls í Ís-
aksskóla í Reykjavík. Allt eins gæti
svo farið að aðeins helmingur kenn-
ara fari í verkfall, segir Edda Huld
Sigurðardóttir skólastjóri.
Hjalti Þorkelsson, skólastjóri
Landakotsskóla í Reykjavík, segir
skólann sjálfstæðan samningsað-
ila en kennarar sem starfi við
skólann greiði á næstunni at-
kvæði um hvort þeir samþykki
verkfall eða ekki: „Greiði meiri
hluti kennara atkvæði með verk-
falli líður hálfur mánuður áður en
til þess kemur.“ ■
Tekst FH-ingum að tryggja sér Ís-
landsmeistaratitilinn í fótbolta?
Spurning dagsins í dag:
Á Halldór Ásgrímsson eftir að vera far-
sæll í starfi forsætisráðherra?
Niðurstöður gærdagsins
á visir.is
29%
71%
Nei
Já
KJÖRKASSINN
Farðu inn á visir.is og segðu þína skoðun
visir.is
BARN Á MENNTABRAUT
„Ég vil setja samningaviðræður um vinnutíma inn á hliðarspor og opna þær viðræður eftir
nokkra mánuði,“ segir Gísli Baldvinsson. Hann segir að þannig megi afstýra verkfallinu
eða fresta og meiri tími gefist til umræðu um svo flókin atriði.
EIRÍKUR JÓNSSON
„Mér finnst að hvorki fyrirtæki né starf-
mannafélög eigi að hafa forgöngu um dag-
gæslu. Einfaldlega vegna þess að það kann
að vera að þeirra stéttarfélag verði næst í
þeirri stöðu að þurfa að sækja um bætt kjör.
Þá er ekki gott að vera búinn að stilla sér
upp sem andstæðingum þeirra sem berjast
fyrir bættum kjörum,“ segir Eiríkur.
FR
ÉT
TA
B
LA
Ð
IÐ
/G
VA
STJÓRNMÁL Jón Sveinsson, hæsta-
réttarlögmaður verður formað-
ur einkavæðingarnefndar. Hall-
dór Ásgrímsson, sem tekur við
embætti forsætisráðherra í dag
sagðist gera ráð fyrir því að Jón
yrði formaður en hann hefur
setið í nefndinni um árabil. Hall-
dór sagði í gær að stærsta verk-
efni nefndarinnar væri sala
Símans. „Við höfum ekki sett
sölu Símans á ís,“ sagði Halldór
Ásgrímsson, „ef svo væri þá
hefði hún alltaf verið á ís. Ég
mun reyna að setja aukinn kraft
í þetta á næstunni.“ Aðspurður
um hvort andvirði söluverðs
yrði varið til að styrkja dreifi-
kerfi , sagði Halldór:
„Við höfum rætt um að nota
ákveðinn hluta til að gera ákveðna
hluti við dreifikerfið en það verð-
ur að liggja nokkurn veginn ljóst
fyrir í upphafi hvað það er því það
er ekki hægt að selja fyrirtæki
með einhverja óvissu og óskil-
greindum skuldbindingum inn í
framtíðina því það hefur svo mik-
il áhrif á markaðinn og það er það
sem við erum að fara yfir.“ ■
Samningaviðræður:
Á mjög við-
kvæmu stigi
KJARAMÁL Viðræður samnings-
nefnda grunnskólakennara og
sveitarfélaga eru á mjög við-
kvæmu stigi. Þær hafa sammælst
um að Ásmundur Stefánsson rík-
issáttasemjari greini frá niður-
stöðu funda þeirra.
Ásmundur segir nefndirnar
hafi að mestu fundað hvor í sínu
lagi. „Fyrst og fremst hafa menn
samt verið að skoða málin í sínum
hópi og viðræður milli aðila ekki
miklar. Engin tilboð hafa gengið á
milli þeirra,“ segir Ásmundur. ■
KJARANEFND KENNARA
Vill rúmlega 30% hækkun á kostnaðarlið-
um sveitarfélaga vegna grunnskóla.
FR
ÉT
TA
B
LA
Ð
IÐ
/P
JE
TU
R
SI
G
U
RÐ
SS
O
N
Vilja þriðjungshækkun:
Laun kennara
KJARAMÁL Meðallaun grunnskóla-
kennara eru um 210 til 215 þúsund
krónur á mánuði. Laun nýútskrif-
aðra grunnskólakennara eru um 160
þúsund á mánuði, samkvæmt upp-
lýsingum Kennarasambandsins.
Laun framhaldsskólakennara
eru samkvæmt gögnum Kjara-
rannsóknarnefndar opinberra
starfsmanna um 239 þúsund á
mánuði. Grunnskólakennarar vilja
að laun þeirra verði sambærileg
kennurum á framhaldskólastigi.
Samningsnefnd kennara hefur lýst
yfir að hægt sé að ganga frá samn-
ingi með rúmlega 30 prósenta
kostnaðaraukningu fyrir sveitar-
félögin. Launanefnd sveitarfélag-
anna bauð kennurum tæplega 19
prósenta kjarabót í maí sem var
hafnað. ■
BOLTA VIÐ ÍSAKSSKÓLA
Það skýrist í dag hvort og hve margir
kennarar Ísaksskóla fara í verkfall náist
ekki samningar við sveitarfélögin.
Eldsvoði í Hvalfirði:
Kveikt var í
Brekku
LÖGREGLA Eldur sem kom upp í
bænum Brekku í Hvalfirði aðfar-
anótt mánudags var af völdum
íkveikju. Lögreglan í Borgarnesi,
sem fer með rannsókn málsins,
segir að rannsókn á vettvangi hafi
leitt þetta í ljós. Bíll sem stóð við
húsið brann í eldinum en annar
bíll sem stóð fjær húsinu brann
ekki en var skemmdur sömu nótt.
Rúður í honum voru brotnar og
hann rispaður. Lögregla telur að
sami maður beri ábyrgð á íkveikj-
unni og skemmdarverkunum. ■
Einkavæðingarnefnd:
Jón Sveinsson verður
nýr formaður
JÓN SVEINSSON
Nýr formaður einkavæðingarnefndar.
FR
ÉT
TA
B
LA
Ð
IÐ
/S
TE
FÁ
N
K
AR
LS
SO
N