Fréttablaðið - 15.09.2004, Blaðsíða 25

Útsalan er eingöngu í verslun Hans Petersen á Laugavegi 178
Verð nú 22.900
22.000
kr. afsláttur
DX 4530
• 5 milljón pixla
• Þrefaldur optískur aðdráttur
Kodak EasyShare starter kit fylgir
Verð nú 21.900
18.000
kr. afsláttur
DX 6340
• 3 milljón pixla
• Fjórfaldur optískur aðdráttur.
Kodak EasyShare starter kit fylgir
Síðustu dagar útsölunnar!
Mikið úrval af stafrænum myndavélum, prenturum og aukahlutum.
17MIÐVIKUDAGUR 15. september 2004
Almannafé misnotað
Fréttir af því að Síminn hafi keypt sýn-
ingarrétt á ensku knattspyrnunni og
fjórðung í Skjá einum vekja furðu. Hvað
vill fyrirtæki í ríkiseigu, sem ætlunin er
að selja á næstunni, með svona fjárfest-
ingu? Svo láta ráðamenn eins og þeir
hafi ekki vitað neitt um þessar fjárfest-
ingar Símans. Hversu langt er hægt að
ganga í að gera grín að almenningi? Ef
þetta er rétt þá efast ég um hæfni þess-
ara manna til að fara með almannaeig-
ur og almannafé. Hér er verið að nota
almannafé til að skekkja samkeppnis-
stöðuna á markaðinum.
Ásta Ragnheiður Jóhannesdóttir
á althingi.is/arj
Löngu útkrotuð blöð...
Nú veit ég ekki hvort eitthvað er eftir af
vinstri mönnum í Framsókn lengur,
nema þá á meðal kjósenda flokksins.
Þó er ágæt félagshyggjuhugsun hjá
Guðna Ágústssyni og Jóni Kristjánssyni
þegar þeir sjálfir ráða för. Árni Magnús-
son er enn of ungur í pólitík til að hægt
sé að átta sig fullkomlega á áherslum
hans en um sumt sýnast mér þær vera
ágætar. En ef Árni er óskrifað blað verð-
ur hið sama ekki sagt um þá ráðherra
flokksins sem enn eru ónefndir. Halldór,
Valgerður og Siv eru löngu útkrotuð
blöð og það með verkum sem maður
hefði haldið að fæstir vildu hafa á sam-
viskunni: Stærstu náttúruspjöllum Ís-
landssögunnar, stuðningi við heims-
valdastefnu Bandaríkjanna, sölu á verð-
mætum eigum þjóðarinnar til pólitískra
vildarvina, svikum á samningum við ör-
yrkja, einkavæðingu og samdrætti í vel-
ferðarþjónustu, rándýr gæluverkefni,
stofnun íslenskrar herdeildar á bak við
tjöldin...
Ögmundur Jónasson á ogmundur.is
James Bond sem kvenmaður
Ef James Bond myndi stíga fram á
sjónarsviðið nú væri hann eflaust kven-
maður, Jenny Bond, sem var valin í
starfið þar sem hún þótti jafn hæf til
starfans og fyrrverandi maður hennar.
Hún fór frá honum eftir að hafa komið
að honum í rúmi með annarri á hóteli
í Istanbul, þegar James átti að vera að
ná í dulsmálsvél af Sovétmönnum á
tímum kalda stríðsins. Fráskilin þriggja
barna móðir myndi Jenny bjóða hinum
karllæga heimi birginn, drekka jarðar-
berjakampavín á barnum, kælt með
þremur ísmolum. En Jenny myndi
þurfa að gera meira en sigra heiminn,
hún þarf að berjast gegn niðurskurði á
fjárheimildum frá breska ríkinu til
leyniþjónustunnar. Þá þarf hún að rétt-
læta starfið fyrir lögfræðingi sínum
sem er hræddur um að James reyni að
ná af henni forræðinu, hún er í hættu-
legu starfi og ef hún fellur frá, er þá
ekki betra að eiginmaðurinn fyrrver-
andi hafi forræðið?
Haukur Agnarsson á sellan.is
Missagt var í dálkinum Frá degi til dags
í blaðinu í gær að Siv Friðleifsdóttir, frá-
farandi umhverfiráðherra, hefði verið
viðstödd þegar ísjaka var lyft upp úr Jök-
ulsárlóni á Breiðamerkursandi í fyrra-
dag. Siv var stödd í Skaftafelli á sama
tíma, en Halldór Ásgrímsson fylgdist
hins vegar með jakalyftunni svo sem
sagt var frá í sama dálki. Eru hlutaðeig-
andi beðnir velvirðingar á þessum mis-
tökum.
Nýjar tölur um fortíðina
Nú liggja fyrir tölur um hagvöxt fyrir fyrri
helming þessa árs, auk þess sem tölur
fyrir síðasta ár hafa verið endurskoðað-
ar. Allt árið í fyrra var hagvöxtur 4,3%.
Hagvöxtur janúar til mars var svipaður,
en mánuðina apríl, maí og júní á þessu
ári mældist hagvöxtur 6,5%. Síðast
sáust tölur af þessari stærð á fyrsta árs-
fjórðungi 2001 þegar hagvöxtur mæld-
ist 8%.
Allt eru þetta fremur háar tölur þegar
kemur að hagvexti og eru vísbending
um að ójafnvægi sé að myndast í
þjóðarbúskapnum með tilheyrandi
þenslu. Því til stuðnings má benda á
að verðbólga er í hærri kantinum eða
3,5%. Þá fer viðskiptahalli vaxandi og
nam á tímabilinu janúar til júní 28
milljörðum, sem er tvöfalt hærri upp-
hæð en í fyrra. Á hinn bóginn hefði
maður átt von á því að atvinnuleysi
færi lækkandi á móti, en það er nú
svipað og var fyrir ári síðan.
Aukinn hagvöxt má að mestu rekja til
vaxtar í einkaneyslu og fjárfestingu. Auk-
in fjárfesting kemur auðvitað að stórum
hluta af stóriðjuframkvæmdum, enda
jókst fjárfesting atvinnuveganna um 26%
í fyrra. Fjármunamyndun í heild jókst um
17,5%. Í ljósi mikilla umsvifa á íbúða-
markaði ætti það ekki að koma á óvart
að fjárfesting í íbúðarhúsum jókst um
13,5%. Fjárfesting hins opinbera stóð á
hinn bóginn í stað. Vöxtur í fjármuna-
myndum hélt áfram á þessu ári, eða um
15-20% á fyrsta og öðrum ársfjórðungi.
Í fyrra mátti rekja stærri hluta hag-
vaxtar til einkaneyslu en fjárfestingar,
enda einkaneysla mun meiri en fjár-
festing í hlutfalli af landsframleiðslu.
Vöxtur einkaneyslu nam 6,5% í fyrra.
Þarna er um að ræða neyslu einstak-
linga á árinu 2003 umfram það sem
hún var á árinu 2002. Mesta aukning-
in er í útgjöldum Íslendinga erlendis,
útgjöldum vegna bifreiða og til ferða-
laga, og starfsemi samtaka. Þá jukust
útgjöld vegna húsnæðis einnig tölu-
vert á milli ára. Á fyrri hluta þessa árs
hefur einkaneysla aukist um 6,5-8%.
En hvað er fram undan? Seðlabankinn
spáir ríflega 4% hagvexti á þessu ári. Í
ljósi talna fyrir fyrri helming ársins og þar
sem ekki er útlit fyrir breytingu á síðari
hluta ársins er þessi spá líklega of lág.
Ekki er heldur útlit fyrir minni viðskipta-
halla á síðari hluta ársins. Á hinn bóginn
hefur verðbólga ekki aukist síðustu mán-
uði. Fram undan eru aftur á móti skatta-
lækkanir sem væntanlega munu ýta und-
ir aukna einkaneyslu og stóriðjufram-
kvæmdir munu halda áfram næstu árin.
Það lítur því út fyrir vaxandi ójafnvægi í
þjóðarbúskapnum næstu mánuði.
ÞJÓÐARBÚSKAPURINN
KATRÍN ÓLAFSDÓTTIR
HAGFRÆÐINGUR
„Það lítur því út fyrir vaxandi ójafnvægi í þjóðarbúskapnum
næstu mánuði.“
■ LEIÐRÉTTING
AF NETINU