Fréttablaðið - 15.09.2004, Blaðsíða 6

6 15. september 2004 MIÐVIKUDAGUR
TYRKLAND AP Hundruð tyrkneskra
kvenna gengu í mótmælaskyni um
götur Ankara í gær til að sýna í verki
andúð sína á fyrirætlan ríkisstjórn-
arinnar um að gera framhjáhald að
refsiverðu athæfi samkvæmt lögum.
Fyrirhugaðar lagabreytingar
eru hluti af endurskoðun tyrk-
nesku hegningarlaganna, en þeim
var síðast breytt fyrir nær átta
áratugum. Breytingin mun fela í
sér þyngri refsingar gegn
nauðgurum, barnaníðingum, þeim
sem stunda pyntingar og mansal
og mæðrum sem myrða börn sín
sem fæðast utan hjónabands. Þá
mun lagabreytingin gera nauðgun
í hjónabandi og kynferðislega
áreitni að refsiverðu athæfi.
Forsætisráðherra landsins,
Recep Tayyip Erdogan, segir að
nýju lögin muni vernda fjölskyld-
ur og konur sem hafa sætt mis-
rétti af hendi eiginmanns síns.
Tyrkneskar konur halda því hins
vegar fram að lögin verði notuð gegn
konum. Þær muni enda í fangelsi og
tapa forræði yfir börnum sínum.
Konurnar vara við því að lögin muni
ýta undir ærumorð þar sem fjöl-
skyldumeðlimur myrðir stúlkur eða
konur fyrir að vanvirða fjölskyldu
sína.
Þá hafa leiðtogar aðildarríkja
Evrópusambandsins varað við því
að lög gegn framhjáhaldi muni
standa í vegi fyrir inngöngu Tyrk-
lands í ESB. ■
Óska frekari aðstoðar
Forseti Íraks hefur óskað eftir að NATO og ESB hjálpi enn frekar til við
að binda enda á stríðsástandið í Írak og taki þátt í að byggja upp landið.
Tugir borgara létu lífið í áframhaldandi átökum í landinu í gær.
ÍRAK, AP Forseti Íraks, Ghazi al-
Yawer, óskaði í gær eftir aðstoð
NATO og Evrópusambandsins til að
binda enda á hörmungarástandið í
landinu og byggja upp hið stríðs-
hrjáða land.
Aðildarríki NATO standa nú í
samningaviðræðum um hvernig þau
geti tekið enn virkari þátt í því að
þjálfa upp her Íraka. Nú þegar eru
fjörutíu hermenn á vegum NATO í
Írak með það hlutverk að þjálfa íras-
ka hermenn en vonast er til þess að
þeim megi fjölga í 350 til þrjú þús-
und hermenn. Frakkar eru þó alfarið
á móti því að NATO verði of áber-
andi í Írak.
Í dag mun NATO ræða um fram-
tíðarhlutverk bandalagsins í Írak.
Rætt verður um hvort rétt sé að
bandalagið aðstoði við að byggja upp
íraska herinn og færa vopnabúr
hans í nútímahorf.
Forsetinn mun hitta Javier Sol-
ana, utanríkismálastjóra Evrópu-
sambandsins, í dag og ræða um upp-
byggingu í Írak. Búist er við því að
Solana lýsi yfir stuðningi Evrópu-
sambandsins og vilja þjóðanna 25 til
að aðstoða af bestu getu og hjálpa til
að tryggja það að kosningar geti far-
ið fram í Írak þrátt fyrir útbreidda
bardaga.
Evrópusambandið hefur verið
hikandi við að senda hjálparstarfs-
menn til landsins vegna þess hve ör-
yggismálum er þar ábótavant.
Tugir óbreyttra borgara létu lífið
í áframhaldandi átökum í Írak í gær.
47 létust og 114 særðust þegar bíl-
sprengja sprakk nálægt lögreglustöð
í höfuðborginni Bagdad. Talið er að
um sjálfsmorðsárás hafi verið að
ræða.
Árásin átti sér stað þegar fjöldi
manns beið eftir að komast að í
starfsviðtal hjá lögreglunni.
Þá hófu tveir menn úr tveimur
bílum skothríð á lögreglubíl í borg-
inni Baqouba með þeim afleiðingum
að 11 lögreglumenn og einn óbreytt-
ur borgari létust. Auk þess særðust
tveir í árásinni.
Íslömsk hryðjuverkasamtök und-
ir forystu Jórdanans Abu Musab al-
Zarqawi hafa lýst ódæðunum á hend-
ur sér. ■
Þjóðsöngur Mexíkó:
Syngja um
allan heim
MEXÍKÓ, AP Búast má við því að
Mexíkóar víða um heim syngi
þjóðsöng sinn hástöfum á hádegi í
dag. Þá minnast Mexíkóar þess að
150 ár eru liðin síðan þjóðsöngur
þeirra var saminn. Stjórnvöld
hafa af því tilefni hvatt Mexíkóa
til að leggja niður störf á hádegi
og syngja þjóðsönginn í fagnaðar-
skyni, hvar sem þeir eru staddir.
Auk þess að fagna afmæli þjóð-
söngsins álíta skipuleggjendur
átaksins það góða leið til að sam-
eina þjóð sem er klofin vegna
glæpa og deilna um stjórnmál.
„Við búum við neyðarástand
óheiðarleika, sundrunar og glæpa.
Við verðum að snúa bökum sam-
an,“ sagði Erwin Salas Juarez. ■
VEISTU SVARIÐ?
1Hvaða viðurnefni hefur fellibylurinnfengið sem herjar á Karíbahafið?
2Hvað heitir maðurinn sem seldi stór-an hlut í Og Vodafone fyrir skömmu?
3Hvað heitir verðandi umhverfisráð-herra?
Svörin eru á bls. 31
SEX HUNDRUÐ TYRKNESKAR KONUR MÓTMÆLTU Í ANKARA Í GÆR
Eru andsnúnar fyrirætlan ríkisstjórnarinnar um að gera framhjáhald að refsiverðu athæfi.
Segja lögin verða notuð gegn konum.
Tyrkneskar konur mótmæla lagabreytingu:
Framhjáhald verði
ekki gert refsivert
BÍLSPRENGJA Í ÍRAK Í GÆR
Tugir óbreyttra borgara létu lífið í áframhaldandi átökum í Írak í gær. 47 létust og 114 særðust þegar bílsprengja sprakk nálægt lögreglu-
stöð í höfuðborginni Bagdad. Talið er að um sjálfsmorðsárás hafi verið að ræða.
Lögregluskólinn:
Margir féllu
á prófinu
35 af 98 umsækjendum um skóla-
vist í Lögregluskóla ríkisins féllu á
inntökuprófum. 32 náðu ekki þrek-
prófum og þrír náðu ekki íslensku-
prófi. Að mati kennara við skólann
er skýringa á því að þriðjungur
umsækjenda falli í þrekprófum
frekar að leita í lélegu líkams-
ástandi umsækjenda en því að
prófin séu erfið. Til samanburðar
benda þeir á að í fyrra féllu 27%
umsækjenda, nokkuð færri en nú,
þrátt fyrir að sömu kröfur hafi
verið gerðar til umsækjenda þá og
nú.
Úr hópi 63 umsækjenda sem
stóðust prófin verða tuttugu valdir
til að hefja skólavist í Lögreglu-
skóla ríkisins í byrjun næsta árs. ■
LÖGREGLAN
32 féllu á þrekprófi Lögregluskólans.
SEX GRÁÐU NÆTURFROST Víða
um land var næturfrost aðfara-
nótt miðvikudags. Mældist hita-
stigið allt niður í -6 stig á Húsa-
felli og -5 stig á Þingvöllum. Ekki
var jafn kalt á fjöllum. Víða á há-
lendi mældist þriggja stiga frost,
næturfrost mældist hins vegar
ekki á höfuðborgarsvæðinu.
■ VEÐUR
Brautarholt á Kjalarnesi:
Kvöðum aflétt
GJALDÞROT Sýslumaður hefur aflétt
óðalskvöðum vegna Brautarholts
númer fimm og tíu á Kjalarnesi
en þar er löglegur handhafi eign-
anna svínabúið á Brautarholti. Í
síðasta mánuði stöðvaði sýslu-
maður uppboð á hluta jarðarinnar
Brautarholts þar sem jörðin lyti
lögum um óðalsjarðir.
Hefur nú skiptastjóri Skala,
sem áður var svínabúið á Brautar-
holti, sent inn nýja uppboðsbeiðni
vegna reita númer fimm og tíu á
Brautarholti þar sem óðalskvöð-
inni hefur verið aflétt og stangast
því ekki á við óðalsréttinn. ■