Fréttablaðið - 13.10.2004, Qupperneq 25

Nokkur orð um ímynd kennara í verkfalli
Þegar þessar línur eru skrifaðar
hafa kennarar verið í verkfalli í 15
daga. Það er langur tími af skólaár-
inu – allt of langur tími sem börn
ganga verkefnalaus. Ég rita þessa
grein vegna þess að mér blöskrar
hvað fólk er tilbúið að skella skuld-
inni á kennara eina. Þetta er kjara-
deila þar sem tveir aðilar deila.
Kennurum datt ekki í hug að fara í
verkfall bara „af því bara“.
Staðreyndin er sú að við höfum
haft lausa samninga frá 1. mars sl.
og það var ekkert að gerast í viðræð-
um þegar kennarar þurftu að kjósa á
vormánuðum um hvort þeir væru
tilbúnir til að fara í verkfall. Stað-
reyndin er einnig sú að grunnskóla-
kennarar hafa dregist mikið aftur úr
sambærilegum stéttum í launum svo
eftir er tekið. Öll erum við í hjörtum
okkar á móti verkföllum, þau bitna
yfirleitt alltaf á þeim sem síst skyl-
di, þau eru í eðli sínu óréttlát og þau
kosta okkur sem taka þátt í þeim
mikinn pening. Mikill meirihluti
kennara greiddi, samt sem áður, at-
kvæði með verkfalli þar sem ekkert
var að gerast í samningaviðræðum.
Það segir meira en mörg orð að eftir
að verkfall hefur staðið í 15 daga þá
er samt ekki mikill vilji hjá samn-
inganefnd sveitarfélaga að semja
um lágmarkslaun til handa kennur-
um - hvað þá þegar ekki var búið að
hóta verkfalli. Það er nú einu sinni
svo að þetta er eina vopn stétta til að
ná fram launahækkunum.
Sérstaklega gremjulegt hefur
verið að heyra að kennarar beiti
börnum, fötluðum sem ófötluðum
fyrir sér í kjarabaráttunni. Hvernig
dettur fólki í hug að þeir sem hafa
lagt mörg ár í að mennta sig í
kennslu fatlaðra barna og gerir það
síðan að lífsstarfi sínu beiti þeim
fyrir sig í verkfalli? Níðist á fötluð-
um börnum? Það er nú einu sinni svo
að vinna kennara er að kenna börn-
um. Þegar kemur til verkfalls, sem
þarf ekki að taka fram að er neyðar-
úrræði, þá hætta kennarar að kenna
en ekki einhverju öðru. Verkföll
koma alltaf til með að vera óvinsæl –
en ef einhver hefur betri hugmynd
um að ná kjarabótum þá er honum
velkomið að koma henni til okkar
kennara. Guðmundi Andra finnst til
dæmis að verkföll séu úrelt og að
börn eigi að vera undanþegin verk-
falli, en þá má hann líka endilega
koma með aðra tillögu, sem hann
hlýtur að luma á, þar sem ekki hefur
hann verið spar á stóru orðin í garð
kennara.
Ímynd starfsstétta verður alltaf
fyrir hnjaski í verkfalli. Best er unn-
ið að betri ímynd starfsstétta með
því að bæta það starf sem unnið er.
Það er von mín að kennarar megi
halda áfram að nota krafta sína í
byggja upp og þróa áfram þann
kraftmikla skóla sem við höfum og
þurfi ekki að eyða dýrmætum tíma í
kjarabaráttu. Til þess þurfum við að
standa saman kennarar, foreldrar
jafnt sem ráðamenn. Til þess þurf-
um við að hætta að skella skuldinni á
kennara eina og beina spjótum okk-
ar að þeim aðilum sem bera ábyrgð-
ina á því að svona er komið. Til þess
þurfum við að þagga niður í Guð-
mundum þessa lands, sem hafa
vinnu af því að rita í blöð og leyfa
sér að skrifa harðorðar greinar sem
byggja á því að skrifa af vanþekk-
ingu um störf kennara. Verkfallið
beinist að sveitarstjórnum og ráð-
herrum þessa lands – það beinist
gegn þeim sem bera ábyrgðina –
ekki gegn börnum. ■
17MIÐVIKUDAGUR 13. október 2004
ÁSTRÍÐUR ELÍN JÓNSDÓTTIR
GRUNNSKÓLAKENNARI
UMRÆÐAN
KENNARAVERK-
FALLIÐ
Leður 1.999.- Leður 1.999.- Leður 1.999.- Leður 1.999.- Leður 2.999.-
Leður 2.999.- Leður 1.999.- Leður 999.- Leður 1.999.- Leður 1.999.-
Leður 1.499.- Leður 1.499.- Leður 1.499.- Leður 1.499.- Leður 999.-
Leður 999.- Efni 999.- Efni 999.-
Efni 999.-
Leður 1.999.- Leður 1.499.-
Leður 1.499.- Leður 1.499.- Leður 1.499.- Leður 1.499.-
Leður 1.499.- Leður 1.499.- Leður 999.- Leður 999.- Leður 999.-
RISA ÚTSALA
Póstsendum um allt land gegn
kortagreiðslu.
Pöntunarsími 699 2011.
SKÓMARKAÐURINN
FÁLKAHÚSINU SUÐURLANDSBRAUT 8, RVK.
OPNUNARTÍMI: MÁNUD. -LAUGARD. 11:00 – 18:00
Útblásið bull
Ég hef lengi haft á tilfinningunni að þeir
sem harðast gagnrýna samstarf Evrópu-
þjóðanna geri það í þeirri vissu að ESB þoli
gagnrýni, það sé engu hætt, það hefur eng-
inn Evrópumaður þá heimssýn að leggja
eigi ESB niður, en hins vegar, sem betur fer,
stendur sambandið það traustum fótum að
gagnrýni, málefnaleg eða ekki, getur gert
góðan hlut betri. Við erum upplýst þjóð og
þurfum ekki á útblásnu bulli að halda sem
röksemd fyrir því að standa utan við ESB.
Það er gott mál að standa utan við sam-
starfið vegna þess að við viljum það en að
sækja sér huggun og rök í að þetta séu
asnar er ekki boðlegt, guðjón.
Kristófer Már Kristinsson á evropa.is
Ávísanakerfi hentugt
Frjálshyggjumenn hafa löngum bent á svo-
kallað ávísanakerfi sem hentugt skref í
frelsisátt. Ávísanakerfi í skólastarfi virkar
þannig að hver nemandi fær ávísun frá rík-
inu til að greiða skólavist sína. Vilji nem-
andi/foreldrar fara í skóla sem innheimtir
hærri skólagjöld en sem nemur ávísuninni,
greiða þeir sjálfir mismuninn, í þeirri von
að gæði menntunarinnar aukist við það. Á
meðan geta þeir sem minna hafa milli
handanna valið skóla þar sem strípuð ávís-
unin nægir til skólavistar.
Gylfi Ólafsson á frjalshyggja.is
Dálæti á Guðjóni
Ég hef áður í pistlum mínum lýst dálæti
mínu á þeim árangri sem Guðjón Þórðar-
son náði með landsliðið á sínum tíma.
Þegar hann hætti var Ísland í 42. sæti á
styrkleikalista Alþjóðaknattspyrnusam-
bandsins og hafði hækkað um tugi sæta
frá því sem Logi Ólafsson hafði skilið við
það. Aftur seig á ógæfuhliðina meðan Atli
Eðvaldsson var landsliðsþjálfari. Nú er Logi
hins vegar mættur aftur og hefur liðið á
nýjan leik náð lægstu lægðum ef svo má
segja. Nýlega var liðið í 88. sæti á styrk-
leikalistanum og það var fyrir jafnteflið við
Möltu sem er í 122. sæti. Kannski erum við
bara ekki betri en þetta. Kannski er ekki
sama hver þjálfarinn er.
Guðjón Ólafur Jónsson á hrifla.is
Örríki og smáríki
Ísland er ekki örríki heldur smáríki, eins og
meintur forsætisráðherra Íslands upplýsti á
dögunum. Af orðum hans mátti skilja að
hlutskipti örríkisins væri ömurð og ein-
angrun, en að útleitin og alþjóðlega með-
vituð smáríki séu það svalasta sem fram
hefur komið frá því að Right Said Fred
sungu „Deeply Dippy“. En er það raunin?
Eru örríki ómerkilegir útnárar sem ekkert
hafa til heimsmenningarinnar að leggja? Í
fyrsta hluta þessa greinaflokks um örríki
heimsins voru færð rök fyrir því gagn-
stæða. Örríki eru nefnilega heillandi rann-
sóknarefni og segja okkur með fjölbreyti-
leika sínum margt um sveigjanleika mann-
legs samfélags.
Stefán Pálsson á murinn.is
AF NETINU
■ LEIÐRÉTTING
Í blaðinu í gær var ranglega sagt
að tökum á kvikmyndinni A Little
Trip to Heaven hefði seinkað um
viku og af því hefði hlotist auka-
legur kostnaður.
Að sögn Baltasars Kormáks,
leikstjóra myndarinnar, stóðust
tökur áætlun. Fréttablaðið biðst
velvirðingar á mistökunum.