Fréttablaðið - 23.01.2005, Blaðsíða 12

hvað það er gaman að vinna við
svona,“ segir Katrín og hlær. Hún
segir að það gefi mikið aukalega
að vita af því að varan sem fyrir-
tækið framleiði hafi jákvæð áhrif
á heilsu og líðan fólks. „Við lítum
svo á að við séum að færa fólki
betri heilsu og þar með aukin lífs-
gæði.“
Fóðrið flókið og heillandi
Í útbreiðslu sinni á hollustunni
nýtur Lýsi umboðsmanna víða
um heim. „Í neytendavörunni
erum við í samstarfi við mjög
góða aðila sem þekkja sinn mark-
að. Í magnvörunni er þetta meira
beint milli fyrirtækja og mörg
þeirra fyrirtækja sem við erum í
viðskiptum við hafa verið við-
skiptavinir Lýsis í yfir 40 ár. Í
fyrirtækinu er mikil þekking á
þessum markaði.“
Í magnútflutningnum er lýsið
selt til frekari vinnslu í neyt-
endapakkningar. „Oft á tíðum eru
stærstu viðskiptavinir okkar um
leið okkar hörðustu samkeppnis-
aðilar.“ Katrín segir að þetta hafi
ekki skapað vandamál enn sem
komið er því. „Þetta fer ágætlega
saman og okkur hefur tekist með
góðri samvinnu við þessa aðila að
sneiða hjá öllum vandræðum.
Fóðurblandan framleiðir eins
og nafnið gefur til kynna fóður,
bæði fyrir gæludýr og fyrir fisk-
eldi. „Fóðurblandan er mjög
áhugavert fyrirtæki og fellur vel
að því sem við erum að gera.
Bæði er lýsi notað í fóðrið og svo
var hún á sínum tíma í eigu
Lýsis. Svo það má segja að hún sé
komin heim.“
Fóðurgerð er flókin og til
margs að líta. „Hjá okkur er einn
færasti fóðurfræðingur landsins,
Erlendur Jóhannesson. Það er
gaman að segja frá því að hann
hefur verið að þróa þorskeldis-
fóður og náð fínum árangri í því.
Ég veit ekki til þess að aðrir séu
að fást við það hér á landi.“
Katrín segir að það þurfi að horfa
til litar í fóðrinu og étanleika.
„Aðallega er það þó flottíminn
sem skiptir máli. Fiskar éta
á mismunandi dýpi, þannig að
fóðrið þarf að fljóta á réttum stað
jafnframt því að tryggja þyngd-
araukningu og étanleika. Þetta er
mjög skemmtileg stúdía og fóð-
urbransinn mjög skemmtilegur
bransi.“
Innanlandsmarkaðurinn stöðugur
Þótt tengsl séu á milli fóðurhlut-
ans og lýsisframleiðslunnar, þá
eru þetta ólíkir geirar. „Lýsis-
hlutinn fer að mestu á erlendan
markað eða um 90 prósent. Þetta
er áhugaverður bransi, en mjög
lokaður. Múrarnir eru frekar
háir, vegna séþekkingar á efninu,
á framleiðsluferlinu og á mark-
aðnum. Lýsi er gamalt félag og
frekar þekkt og hefur alla tíð lagt
mikla áherslu á gæðamál. Þannig
að við höfum mjög gott orð á
okkur á lýsismarkaðnum.“
Flest erum við alin upp við
mikilvægi þess að taka lýsi, með
mismunandi gleði þó. „Innnan-
landsmarkaðurinn hefur verið
nokkuð stöðugur. Við erum frek-
ar í sókn. Þorskalýsið er mjög
stabílt, en aukning í lýsissölu inn-
anlands var um átta prósent á
síðasta ári. Aukningin er fyrst og
fremst vegna nýrra vöruflokka.“
Bandaríkjamarkaður er vax-
andi hjá Lýsi. Katrín segir að sala
á neytendavörum á Bandaríkja-
markaði hafi vaxið hratt. „Þetta
er svo stór markaður að við
kunnum ekkert að meta hann,
skynja eða skilja. Hins vegar
erum við bjartsýn á að við mun-
um ná vel utan um þetta, af því
að við erum að taka í notkun
þessa nýju verksmiðju. Það væri
ekki þægilegt að vera með núver-
andi stöðu, nema vegna þess að
nýja verksmiðjan er á leiðinni.“
Katrín segir afgreiðslutíma hafa
lengst og að kúnnarnir myndu
ekki hafa biðlund nema vegna
þess að þeir vita að hann muni
styttast á ný með tilkomu nýrrar
verksmiðju. „Við erum svo yfir-
keyrð að hér er allt á vælandi
snúningi. Ég myndi reikna með
því að það taki okkur þrjú ár
að fullnýta nýju verksmiðjuna
miðað við þróunina undanfarið.
Það er ofboðslega gaman að vera
til í dag.“
Virðing í að nýta
Þorskalifur er uppistaðan í Lýsis-
framleiðslunni. Samkeppnisaðil-
inn hérlendis er Múkkinn sem
fylgir fiskiskipunum í von um
æti. „Ég er afskaplega þakklát
fyrir lifrina sem við fáum frá
íslenskum sjómönnum. Við gæt-
um hins vegar nota helmingi
meir. Miðað við kvótann má leiða
líkur að því að við gætum fengið
fjórum sinnum meira af lifur, en
við erum að fá í dag. Því miður
fer mikið af henni í sjóinn og við
höfum orðið að bæta okkur það
upp með innflutningi frá
Noregi.“ Katrín segir að fyrir-
tækið biðli nú til frystitogara og
vonir standi til að það átak skili
sér í að meira af þessari hollustu
og verðmæti skili sér í land. „Við
horfum hér í fyrirtækinu á full-
nýtingu sem part af okkar virð-
ingu fyrir umhverfinu og landi
og þjóð. Þannig reynum við að
koma fram af virðingu við allt og
alla. Við nýtum grútinn sem í
gamla daga var dælt í sjónn, og
gerum úr því fínasta lifrarmjöl
sem notað er í rækju- og álaeldi.
Þess vegna finnst okkur það virð-
ingarleysi að hirða ekki það sem
þegar er dautt og nýta ekki auð-
lindina til fulls.“
Katrín segir að full ástæða sé
til bjartsýni í rekstri Lýsis. „Ég
held að fólk sé orðið svo með-
vitað um heilsu sína og þau bæti-
efni sem það virkilega ekki má
vera án, að þetta sé komið til að
vera. Hinn kosturinn á móti því
að taka lýsi er að borða tvær mál-
tíðir af feitum fiski á viku. Ég
þekki engan mann sem gerir það.
Það er í rauninni algjör vitleysa
að taka ekki lýsi,“ segir Katrín.
Sannindi sem fleiri og fleiri hafa
uppgötvað sjálfum sér til heilsu
og heilla. haflidi@frettabladid.is
SUNNUDAGUR 23. janúar 2005 11
Það koma nánast
nýjar rannsóknir á
hverjum degi um jákvæð
áhrif af lýsi og lýsisafurðum
,,
RANNSÓKNIR OG VÖRUÞRÓUN Nánast daglega birtast rannsóknir um hollustu afurða Lýsis hf. Rannsóknir eru fyrirferðarmiklar hjá
fyrirtækinu sjálfu og vöruþróun og gæðamál í öndvegi.