Fréttablaðið - 23.01.2005, Síða 47

26 23. janúar 2005 SUNNUDAGUR
HANDBOLTI Keppnismaðurinn
Viggó Sigurðsson var strax kom-
inn í ham eftir æfingu íslenska
landsliðsins í gær en þá fékk
landsliðið sína fyrstu og einu
æfingu í El Menzah-íþróttahöll-
inni þar sem riðill Íslands verður
spilaður. Viggó fékk aðeins að æfa
í 50 mínútur í höllinni og það sætti
hann sig illa við.
„Það er ekki boðlegt að gefa að-
eins 50 mínútur í þessari höll og
það er eitthvað sem við þjálfar-
arnir hljótum að mótmæla,“ sagði
Viggó sem er annars mjög já-
kvæður út í aðstæður hér í Túnis.
„Mér líst rosalega vel á þetta
allt saman. Við erum líka á mjög
fínu hóteli. Skipulag virðist einnig
vera í góðu lagi en það er kannski
of skipulagt því við fáum lög-
reglufylgd með sírenum og öllum
pakkanum þegar við förum eitt-
hvað og öllum er rutt frá. Svo eru
vopnaðir verðir á hótelinu og ann-
að eftir því.“
Viggó lét þessa eina æfingu
duga í gær en hann mun æfa
snemma í dag fyrir leikinn. Hrista
alla streitu úr mönnum svo þeir
verði vel upplagðir þegar blásið
verður til leiks gegn Tékkum.
Hann hafði ekki ákveðið í gær
hvernig hann muni byrja leikinn í
dag.
„Við erum tilbúnir í hvað sem
er. Tékkar eru með mjög öfluga
skyttu, hornamann og markvörð
sem hefur reynst okkur erfiður,“
sagði Viggó sem er vel meðvit-
aður um mikilvægi leiksins í dag.
„Hann er gríðarlega mikil-
vægur. Mér finnst þetta vera
lykilleikur í riðlinum og það er
mjög mikilvægt að byrja þetta
mót vel. Við viljum byrja vel og
það er mikið undir. Það gera sér
allir grein fyrir því. Við erum með
ákveðin markmið og til að ná þeim
þurfum við að spila vel í öllum
leikjum,“ sagði Viggó Sigurðsson
landsliðsþjálfari. henry@frettabladid.is
VIGGÓ SIGURÐSSON Segir íslenska liðið verða að byrja vel á heimsmeistaramótinu í
Túnis.
Lykilleikur gegn Tékkum
Landsliðsþjálfarinn Viggó Sigurðsson segir sína menn klára í slaginn fyrir
fyrsta leikinn gegn Tékkum í dag.
HENRY BIRGIR
GUNNARSSON
HM í Túnis
LEIKIR Í DAG
A-RIÐILL
TÚNIS-ANGÓLA kl. 16.00
FRAKKLAND–CANADA kl. 18.00
DANMÖRK–GRIKKLAND kl. 20.00
B-RIÐILL
TÉKKLAND–ÍSLAND kl. 16.00
RÚSSLAND–ALSÍR kl. 18.00
SLÓVENÍA–KÚVEIT kl. 20.00
C-RIÐILL
KRÓATÍA–ARGENTÍNA kl. 16.00
SPÁNN–JAPAN kl. 18.00
NOREGUR–BRASILÍA kl. 20.00
D-RIÐILL
ÞÝSKALAND–EGYPTALAND kl. 16.00
SERBÍA/SVARTFJ.–KATAR kl. 18.00
NOREGUR–BRASILÍA kl. 20.00
Ólafur Stefánsson hefur lagt vonbrigðin á Ólympíuleikunum í Aþenu á hilluna og er ánægður með hópinn:
Ungu strákarnir gefa nýja sýn á lífið
HANDBOLTI Ólafur Stefánsson er
kominn aftur í íslenska landsliðið
en hann lék ekki með á World Cup
í Svíþjóð og svo gældi hann reynd-
ar við að leggja landsliðsskóna á
hilluna eftir Ólympíuleikana í
sumar. Þessi besti handknattleiks-
maður þjóðarinnar hefur lagt von-
brigðin á ÓL á hilluna og það
leynir sér ekki að honum líður
mikið mun betur í dag.
„Mér líður mjög vel. Ég hef
reyndar verið að glíma við smá
meiðsli í nára en það verður von-
andi í lagi. Annars er þetta bara
gaman og það er fín stemning í
þessum hópi enda margir léttir og
skemmtilegir strákar í honum,“
sagði Ólafur sem hefur augljós-
lega gaman af ungu strákunum.
„Þeir gefa nýja sýn á lífið og
maður heldur aðeins í þá strauma
sem eru í gangi á þessum aldri.
Allar þeirra væntingar og annað.“
Ólafur var óvenju yfirlýs-
ingaglaður á síðasta ári og fór til
að mynda ekki leynt með þann
draum sinn að hann ætlaði að
vinna til verðlauna á Ólympíuleik-
unum. Það muna allir hvernig sá
draumur fór. Markmiðin eru lág-
stemmdari að þessu sinni.
„Það er bara að hafa gaman af
þessu og standa sig vel. Gera gott
mót eins og maður segir stundum.
Gott mót er að vera númer eitt
eða tvö í riðlinum og svo er bara
að sjá til með framhaldið. Við eig-
um að geta farið í hvern leik til
þess að vinna hann.“
Ólafur tók sig vel út með
heyrnatól á höfðinu eftir æfingu
en hann var að hlusta á nýja
diskinn hans Mugison og var
nokkuð sátttur.
„Hann er þrælgóður og aldrei
að vita nema maður spili hann
fyrir leiki,“ sagði Ólafur léttur í
bragði.
henry@frettabladid.is
ÓLAFUR STEFÁNSSON Á við meiðsli að stríða í nára en segist verða klár í slaginn í dag.
H M Í H A N D B O L T A
T Ú N I S
H M Í H A N D B O L T A
T Ú N I S
SKRIFAR UM
HM Í
HANDBOLTA
FRÁ TÚNIS
Dagur Sigurðsson landsliðsfyrirliði segir stemninguna vera fína í hópnum:
Mjög bjartsýnn fyrir mótið
HANDBOLTI Dagur Sigurðsson
landsliðsfyrirliði hefur fengið
vænan skerf af gagnrýni eftir
síðustu mót og því er nokkur
pressa á honum fyrir þetta mót.
Viggó Sigurðsson landsliðsþjálf-
ari hefur tröllatrú á Degi og ætl-
ast til þess að hann skili lykilhlut-
verki í þessu móti. Dagur var
brattur þegar blaðamaður hitti
hann eftir æfingu í Túnis í gær.
„Þetta leggst allt ágætlega í
mig og höllin fín þótt hún sé svo-
lítið skrýtin,“ sagði Dagur en El
Menzah-íþróttahöllin er hringlaga
og völlurinn er eins og gryfja
fyrir neðan áhorfendastúkuna.
Alls tekur höllin 3500 í sæti.
„Við byrjum mótið á 4 stiga
leik og það skiptir miklu máli upp
á sjálfstraust og annað að vinna
þann leik,“ sagði Dagur og bætti
við að það kæmi mikill ferskleiki
með nýju mönnunum í hópnum.
„Það er alltaf fín stemning í
landsliðshópnum en það koma
ferskir vindar með þessum strák-
um. Þeir eru margir hverjir á
svipuðum aldri og rífa svolítið
upp fíflaganginn sem er bara já-
kvætt. Ég er mjög bjartsýnn fyrir
þetta mót því við erum vel undir-
búnir og einbeittir,“ sagði Dagur
Sigurðsson.
henry@frettabladid.is
DAGUR SIGURÐSSON Segir íslenska liðið vera vel undirbúið og einbeitt.
Einar Hólmgeirsson:
Klár í slag-
inn gegn
Tékkum
HANDBOLTI Einar Hólmgeirsson
æfði í fyrsta skipti af einhverjum
krafti í gær og komst ágætlega
frá æfingunni. Hann kenndi sér
lítils meins og Brynjólfur Jóns-
son, læknir landsliðsins, var mjög
bjartsýnn á að Einar gæti spilað á
mótinu.
Viggó Sigurðsson landsliðs-
þjálfari var ánægður með að fá
Einar aftur til leiks og hann mun
láta Einar spila gegn Tékkum.
„Hann verður með. Það er ekki
spurning. Það er fínt stand á
mannskapnum og allir eru frískir
og klárir í slaginn,“ sagði Viggó.
- hbg
EINAR HÓLMGEIRSSON með gegn
Tékkum í dag.
Ísland-Tékkland:
Hreiðar og
Vilhjálmur
hvíla
HANDBOLTI Viggó Sigurðsson lands-
liðsþjálfari mun ekki tilkynna það
fyrr en á hádegi í dag hvaða tveir
leikmenn hvíla í leiknum gegn
Tékkum í dag. Samkvæmt heim-
ildum Fréttablaðsins er þó búist
við því að það verði markvörður-
inn Hreiðar Guðmundsson úr ÍR
og stórskyttan Vilhjálmur Hall-
dórsson úr Val en alls mega fjórt-
án leikmenn vera á skýrslu í
hverjum leik. ■
HREIÐAR GUÐMUNDSSON
Hvílir væntanlega gegn Tékkum í dag
ásamt Vilhjálmi Halldórssyni.
KRÓATAR BESTIR Flestir hallast að því
að Króatar verji heimsmeistaratitil sinn í
Túnis.
Veðmál á HM í Túnis:
Króötum
spáð sigri
HANDBOLTI Þýski veðbankinn bet-
andwin.de spáir því að heims- og
Ólympíumeistarar Króatíu standi
uppi sem sigurvegarar á heims-
meistaramótinu í Túnis sem hefst
í dag.
Þýska fyrirtækið telur mögu-
leika Króata vera 3,75/1. Í næstu
sætum á eftir koma Frakkar,
Spánverjar, Danir og Rússar en
íslenska landsliðið er talið vera
með ellefta sterkasta liðið á mót-
inu í Túnis. Möguleikar íslenska
liðsins eru 34/1. Fjögur lið, Ástral-
ía, Kanada, Katar og Kúveit skera
sig nokkuð úr en möguleikar
þeirra á sigri eru taldir vera
1001/1. ■