Fréttablaðið - 23.01.2005, Page 50
29SUNNUDAGUR 23. janúar 2005
FRÉTTIR AF FÓLKI
Clinic er skemmtilega óhefluð
tilraunarokksveit. Hljómurinn er
oftast hrár og fáar reglur virðast
vera til um hvað megi, og hvað
megi ekki gera. Hún hljómar ekki
eins og nein önnur bresk sveit,
þrátt fyrir að vera frá Bítlabænum
Liverpool.
Hún byrjaði víst sem pönksveit
en í dag er þetta mjög melódískt og
sætt á köflum. Þetta er þó alls ekki
allra, og verður seint spilað á
Bylgjunni... eða XFM ef út í það er
farið.
Það er svolítið erfitt að átta sig á
því fyrir hvern Clinic eru að gera
tónlist. Þeir velta sér líklegast lítið
upp úr markaðsfræðunum, og það
gerir tónlist þeirra bæði spennandi
og fráhrindandi á köflum.
Bestu lögin á þessari þriðju
plötu þeirra eru Circle of Fifths,
Anne og Falstaff þar sem daðrað er
skemmtilega við lög í anda Lee
Hazelwood. Þetta er sveit sem er
og verður áfram undir yfirborðinu.
Vel græjuð með köfunarbúnaðinn
sinn að grúska í sínum eigin heimi.
Þessi plata er ekkert meistara-
stykki, fjarri því, en það er eitt-
hvað heillandi við Clinic, eru ef-
laust betri tónleikasveit en þeir eru
á plasti, því flest lögin eru fín en
það hefði mátt útfæra þau á betri
hátt til að gera þau ferskari. Það er
of mikill æfingarhúsnæðisbragur
yfir þessu, fyrir minn smekk. Synd
þar sem lögin eru mörg skemmti-
leg, og hugmyndirnar góðar. Það
þyrfti að senda liðsmenn á næsta
heilsuhæli til að hugsa sinn gang.
Birgir Örn Steinarsson
Beint á heilsuhælið
CLINIC
WINCHESTER CATHEDRAL
NIÐURSTAÐA: Á þriðju plötu Clinic er að finna
nokkur góð lög, en útsetningar eru of kæru-
leysislegar. Ekki slæmt, en ekkert sérstaklega
gott heldur.
[ TÓNLIST ]
UMFJÖLLUN
www.sonycenter.is Sími 588 7669
Skýrari mynd en þú
átt að venjast!
Opið í dag!
*Miðað við 12 jafnar vaxtalausar greiðslur á Visa eða Mastercard
skuldabréf. 0,5% stimpilgjald bætist við samningsfjárhæðina og greiðist
með jöfnum greiðslum yfir samningstímann.
Digital Comb Filter
tryggir að þú sérð öll
smáatriðin í myndinni
skýrar. Sjáðu muninn.
Mynd í mynd.
Þú horfir á tvær
stöðvar í einu, og
missir ekki af neinu.
Borð í kaupbæti
sem er hannað undir
sjónvarpstækið að
andvirði 24.950.
32” Sony sjónvarp KV-32CS76
• 100 Hz Digital Plus • 3 Scart tengi
• Stafræn myndleiðrétting (DNR)
• Virtual Dolby Surround BBE
• Forritanleg fjarstýring fylgir
12 mánaða greiðslur
vaxtalaust.
Þú veist hvað þú borgar
mikið á mánuði.
Verð 131.940 krónur
eða 10.995 krónur á mánuði vaxtalaust*
32”
EYRARRÓSIN AFHENT Þjóðlagahátíðin á Siglufirði hlaut Eyrarrósina, sérstaka viður-
kenningu fyrir framúrskarandi menningarverkefni á landsbyggðinni, á fimmtudaginn var.
Ein og hálf milljón króna og verðlaunagripur eftir Steinunni Þórhallsdóttur féllu hátíðinni í
skaut. Dorrit Moussaieff forsetafrú afhenti viðurkenninguna en hún er jafnframt verndari
Eyrarrósarinnar.
Gamanleikarinn Chris Rock ersannfærður um að kollegi sinn
Jamie Foxx verði valinn besti leikar-
inn í aðalhlutverki á næstu Ósk-
arsverðlaunahátíð. Foxx, sem fer
með aðalhlutverkið í Ray, vann
Golden Globe-verðlaunin á dögun-
um og þykir líklegur til að hreppa
styttuna eftirsóttu. Talið er að Leo-
nardo DiCaprio
muni veita hon-
um mesta
keppni, en
hann leikur í
myndinni The
Aviator.
Söngkonan Beyoncé Knowlesætlar að fara með aðalhlutverkið
í nýrri mynd sem er byggð á söng-
leiknum Dreamgirl.
Knowles hefur áður leik-
ið lítil hlutverk í Austin
Powers og væntan-
legri mynd um
Bleika pardusinn.
Nú telja framleið-
endur að hún sé
orðin fullfær um að
leika aðalhlutverk og
hafa því veðjað á
hana sem drauma-
stúlkuna.
Á BÍLAHJÓLI
Karítas Guðmundsdóttir ásamt dætrum
sínum Kolfinnu Álfdísi, Þorgerði Brá og
Berglindi Rún Traustadætrum. Hafnfirðing-
ar mega búast við því að sjá fjölskylduna
„keyra“ um á bílahjólinu á sólríkum degi.
Bílahjól í
bingói
„Það er erfitt að hjóla í snjónum
svo hjólið er lítið notað núna en
það verður ábyggilega notað
þegar snjóa leysir. Það sló í gegn
hjá stelpunum mínum,“ segir
Karítas Guðmundsdóttir, leik-
skólakennari og þriggja barna
móðir, sem vann glæsilegt bíla-
hjól í Bingóþættinum á Skjá ein-
um fyrir viku síðan. „Það geta
þrír setið á hjólinu og svo geta tvö
börn verið í körfu framan á,“ út-
skýrir Karítas og bætir við. „Og
svo geta tveir staðið fyrir aftan.“
Karítas hefur nokkrum sinnum
tekið þátt í bingóinu enda hafa
stelpurnar hennar ákaflega
gaman af því. „Tengdamamma
fékk einu sinni allar þrjár raðirn-
ar en hún náði því miður ekki í
gegn. Ætli þetta hafi ekki bara
verið heppni hjá mér,“ segir
Karítas sem hefði þó frekar viljað
fá bíl eins og venja er fyrir þá
sem fá bingó. „En þetta er voða-
lega skemmtilegt tæki,“ bætir
Karítas við og bíður spennt eftir
því að fara að hjóla með börnin. ■