Tíminn - 08.02.1975, Blaðsíða 12

12
TíMINN
Laugardagur 8. febrúar 1975.
Þegar Katrin hafði reimað skóna, stóð hún upp, gekk út
og skellti hurðinni að stöfúm á eftir sér. Um leið og hún
snaraðist út, heyrði hún, að Gústaf sagði við eldri bróður
sinn:
,,Það er fallegt af þér eða hitt þó heldur að fara með
hana móður þina eins og einhverja gustukamanneskju".
,,Sá, sem lifir á gustukaverkum annarra er gustuka-
manneskja, hver svo sem það er".
,,Haltu kjafti", æpti Gústaf svo hátt, að Katrín hrökk
við úti á dyrahellunni.,, Ef þú ætlar að f ara að tem ja þér
þennan tón, þá skaltu vita, að það er mér að mæta. Og
það getur svo farið, að þú komizt að þvíkeyptu", hélt
hann áf ram. ,,Þú gengur með manndrápssvip alla daga,
eins og allir hafi drýgt eitthvert ægilegt óréttlæti gagn-
vart þér. Þegar þú ert ekki heima, þá er heimilið hérna
eins og annað heimili".
Katrin fór út að brunninum og hélt áfram að þvo.
Reiðin sauð enn í henni, en undir niðri var hún óróleg
vegna sona sinna. Gústaf haf ði ætið borið mikla virðingu
fyrir eldri bróður sínum, sem þegar var búinn að fá yf ir
sig dálítið af kapteinsgloríunni í vitund heimilisfólksins.
En Katrín vissi, að í huga sínum myndi hann nú bera
hann saman við Eirík, sem oftast hafði verið honum góð-
ur og skemmtilegur félagi, og þó einkanlega siðasta
veturinn. Gústaf var ekki þannig skapi farinn, að hann
gæti til langframa fellt sig við fálátan og skapþungan
félaga, eins og Einar var. Katrínu datt í hug, hvernig
hann hafði veitzt að Jóhanni, og var dauðhrædd um, að
skapið kynni einnig að hlaupa með hann í gönur í við-
skiptum hans við Einar. Svo gerólíkir sem bræðurnir
voru, hugsaði hún, þá voru þeir þó báðir gæddir sömu
lyndiseinkunum og hún í mjög ríkum mæli. Annar virtist
hafa erft allt það létta og öra, en hinn það þunga og
þrjózka. Gústaf var lika gæddur miklu af barnslegu sak-
leysi Jóhanns. En Einar vesalingurinn býr yfir sömu
innibyrgðu beiskjunni og sama særða stórlætinu og ég,
þegar ég gekk með hann, hugsaði Katrin. Það er mín sök,
en ekki hans.
Gústaf kom út að brunninum. Hann var reiður og æst-
urog fór aðhjálpa móðursinni viðaðskola flíkurnar upp
úr ísköldu vatninu, eins og í mótmælaskyni við háttsemi
bróður síns. Loks mælti hann gremjulega:
,,Einar heldur svo sem, að hann geti steytt sig, af því
að hann á fáein mörk í sparisjóði. En það er ég hárviss
um, að hann getur aldrei lynt við nokkurn mann, ef hann
sér ekki að sér í tima".
,, En hann er eftirsóttur til vinnu, hann gerir alla hluti
svo frábærlega vel", svaraði Katrín varfærin.
,,Til vinnu, — já. En enginn lifir nú á vinnunni einni.
Það er að minnsta kosti aumt líf að eignast aldrei neinn
vin og geta aldrei umgeng'st annað fólk".
,,Það er satt, — en Einar er nú svo ómannblendinn og
getur ekkert að því gert".
,,Hann getur þó líklega talað eins og annað fólk, ef
hann kærir sig um það. Það var öðru vísi hér í f yrra vet-
ur, þegar Eiríkur var heima. — Manstu, hvernig við
dönsuðum og ólmuðumst?" Rödd Gústafs varð loðin og
óstyrk, þegar hann minntist hins látna bróður síns. Augu
Katrinar fylltust tárum.
,, Já, Eiríkur var alltaf svo glaður", sagði hún lágt.
Þau létu flíkurnar í balann, þegar þau höfðu skolað
þær nægjanlega, og báru hann inn á milli sín. Gústaf
varð litið á skó Katrínar.
,,Þetta eru Ijómandi fallegir skór, mamma. Einar
kann að velja það, sem hann kaupir", sagði hann, og
Katrin heyrði það á raddblænum, að reiði drengsins var
strax rokin út í veður og vind. í gleði sinni yfir því gat
hún sjálf ekki annað en fyrirgefið Einari kergjuna.
Undir eins og hún kom inn, spratt Einar á fætur og ætl-
aði að rjúka á dyr, en Katrín kallaði glaðlega á eftir hon-
um:
,,Farðu ekki út, Einar. Ég ætla að fara að hita kaffi
handa okkur. — Skórnir, sem þú keyptir eru ágætir: þeir
eru vantsheldir. Ég þakka þér hjartanlega fyrir þá".
Einar nam staðar og vissi ekki, hvaðan á sig stóð veðr-
ið. Eftir dálitið hik settist hann aftur og drakk síðan
kaff ið með hinum. Hann rýndi þungbúinn niður í gólf ið,
en það var sýnilegt, að hann var sjálfum sér reiðastur.
Einar réði sig þenna vetur á Ameríkufar og fór til
Maríuhafnar snemma vors. Þar lá skipið. Katrín gerði
hann eins vel að heiman og henni var frekast unnt og
reyndi að vera eins umhyggjusöm og hlýleg í viðmóti og
hún gat, svo að minningin um síðustu samverustundirn-
ar yrðu honum sem ánægjulegust. Henni kom Eiríkur oft
í hug. Þeir, sem kveðjast, vita aldrei, hvort þeir sjást
nokkurn tíma framar.
Einar var ekki eins úrillur og hann hafði verið, en þó
var auðséð, að hann átti enn í hörðu stríði við sjálfan sig.
Ef til vill langaði hann í rauninni til þess að opna hug
sinn og vera þýður og ástúðlegur í viðmóti, en feimnin og
stærilætið og þumbaldahátturinn héldu aftur af honum.
Laugardagur
8. febrúar
7.00 Morgunútvarp.
Óskalög sjúklinga kl.
10.25: Kristin Sveinbjörns-
döttir kynnir.
12.00 Dagskráin. Tónleikar.
Tilkynningar.
12.25 Fréttir og veðurfregnir.
13.30 Iþrdttir-Umsjón: Jón Ás-
geirsson.
14.15 Aö hlusta á tónlist, XV.
Atli Heimir Sveinsson sér
um þáttinn.
15.00 Vikan framundan
Magnús Bjarnfreðsson
kynnir dagskrá útvarps og
sjónvarps.
16.00 Fréttir. Tilkynningar.
(16.15 Veðurfregnir). ts-
lenzkt mál. Ásgeir Bl.
Magnússon cand. mag. flyt-
ur þáttinn.
16.40 Tiu á toppnum. örn
Petersen sér um dægur-
lagaþátt.
17.30 Sögulestur fyrir börn
Guðrfður Guðbjörnsdóttir
les smásöguna „Tvær syst-
ur” eftir Jón Trausta.
18.00 Söngvar i léttum dúr.Til-
kynningar.
18.45 Veðurfregnir. Dagskrá
kvöldsins.
19.00 Fréttir. Fréttaauki. Til-
kynningar.
19.30 Frá Norðurlöndum. Sig-
mar B. Hauksson ræðir við
Dr. Peter Hallberg um
nóbelsverðlaunahafana Ey-
vind Johnson og Harry
Martinson.
20.05 Hliómplöturabb.Þor-
steinn Hannesson bregður
plötum á fóninn.
20.50 Ævintýrið um Pál og
Lizzie á Halldórsstöðum
Jónas Jónasson tekur sam-
an þáttinn.
21.25 Tóniistarlíf á Húsavik
Nemendur i barna- og ung-
lingaskólanum þar syngja
og leika Ladislaw Vojta
stjórnar.
21.45 „Feðgarnir sem fórust”,
smásaga eftir Jón Dan.Þor-
steinn Gunnarsson leikari
les.
22.00 Fréttir
22.15 Veðurfregnir Lestur
Passiusálma (12)
22.25 Danslög
23.55 Fréttir i stuttu máli.
Dagskrárlok.
LAUGARDAGUR
8. febrúar 1975
16.30 íþróttir. Knattspyrnu-
kennsla. Þýðandi og þulur
Ellert B. Schram.
16.40 Enska knattspyrnan.
17.30 Aðrar iþróttir. Meðal
annars mynd frá Evrópu-
meistaramóti i listhlaupi á
skautum. Umsjónarmaður
Ómar Ragnarsson.
18.30 Lina Langsokkur.Sænsk
framhaldsmynd, byggð á
sögu eftir Astrid Lindgren.
6. þáttur. Þýðandi Kristin
Mantyla. (Aður á dagskrá
haustið 1972).
19.15 Þingvikan. Þáttur um
störf Alþingis. Umsjónar-
menn Björn Teitsson og
Björn Þorsteinsson.
19.45 Hlé.
20.00 Fréttir og veður.
20.25 Dagskrárkynning og
auglýsingar.
20.30 Elsku pabbi. Breskur
gamanmyndaflokkur. 2.
þáttur. Hundur og maöur.
Þýðandi Dóra Hafsteins-
dóttir.
21.00 Ugla sat á kvisti. Get-
raunaleikur með skemmti-
atriðum. Umsjónarmaður
Jónas R. Jónsson.
21.35 Hornbiower skipstjóri.
(Captain Horatio Hornblow-
er). Bresk-bandarisk bió-
mynd frá árinu 1950, byggð
á sögum eftir C.S. Forester.
Leikstjóri Raoul Walsh.
Aðalhlutverk Gregory
Peck, Virginia Mayo og Ro-
bert Beatty. Þýðandi Jón
Thor Haraldsson. Myndin
gerist I byrjun 19. aldar.
Englendingar eiga i striði
við frakka og spánverja,
sem um þessar mundir lúta
veldi Napóleons mikla.
23.25 Dagskrárlok.