Fréttablaðið - 20.03.2005, Blaðsíða 64
Við viljum eigna okkur aðeinhverju leyti kiljubylt-inguna sem orðið hefur hér
á landi á síðustu árum,“ segir
Egill Örn Jóhannsson, fram-
kvæmdastjóri JPV-útgáfu.
Á móti segir Kristinn Arnars-
son hjá Eddu: „Það er nú ekki eins
og þetta sé neitt nýtt. Við höfum
verið að gefa út kiljur í meira en
fimmtán ár, þótt sumir láti eins og
þeir hafi verið að finna upp kilj-
una.“
Kiljum hefur fjölgað jafnt og
þétt hér á bókamarkaði, sem er
mikil breyting frá því áður þegar
ekkert kom út nema innbundið í
harðspjöld.
Mál og menning byrjaði með
Ugluklúbbinn sinn fyrir um það
bil tveimur áratugum og sendir
reglulega frá sér pakka með
þremur kiljum til áskrifenda. Frá
upphafi hefur Ugluklúbburinn
sent frá sér pakka með þremur
bókum á um það bil tveggja mán-
aða fresti, sex sinnum á ári, en á
seinni árum hafa bæst við tveir
pakkar yfir árið, einn á vorin og
annar fyrir jól.
„Við gefum nú orðið út meira
en þrjátíu titla á ári í kilju,“ segir
Guðrún Magnúsdóttir, fram-
leiðslustjóri Eddu. Sumar þeirra
fara nú orðið beint á kiljumarkað-
inn án þess að vera sendar til
áskrifenda í Ugluklúbbnum.
Kiljur á vorin og strax eftir jólin
JPV blandaði sér í leikinn fyrir
um það bil fjórum árum með því
að gefa út bækur í kiljubroti á
vorin. Þetta var nýbreytni sem
var stíluð inn á sumarlesninguna.
Fólk tekur gjarnan bækur með
sér í sumarfrí, og þá er handhæg-
ara að grípa kilju úr bókabúðinni.
Nú er svo komið að kiljur
þykja orðið sjálfsagður hlutur á
íslenskum bókamarkaði. Vinsæl-
ar bækur koma sífellt fyrr út í
kiljubroti, og sumar jólabækurn-
ar eru jafnvel farnar að koma út í
kilju fljótlega eftir áramótin.
„Við mátum það svo núna að
best væri að gera þetta strax eftir
jól. Við gáfum út fjórar kiljur
snemma árs, þar af þrjár sem
komu út fyrir síðustu jól,“ segir
Egill Örn hjá JPV.
Hann segir hugsunina á bak
við þessa útgáfu vera þá að fyrir
jól er fólk í flestum tilvikum að
kaupa bækur fyrir aðra en síður
fyrir sjálft sig.
„Eftir jól veit fólk hins vegar
hvað það fékk ekki í pakkann af
því sem það langar þó til að lesa
og það er sú eftirspurn sem við
erum að mæta.“
Ef þessi þróun heldur áfram
gæti verið skammt í að æ fleiri
bækur komi eingöngu út í kilju-
broti, og þá væntanlega bækur
sem fólk kaupir fyrst og fremst
handa sjálfum sér en síður til
gjafa.
Danir vilja ekki kiljur
Bókaforlagið Bjartur hefur
einnig fikrað sig áfram með kilju-
útgáfu og hyggst halda því áfram
á þessu ári, en þó ekki í stórum
stíl að svo stöddu.
„Við erum að moka út Englum
og djöflum núna,“ segir Snæbjörn
Arngrímsson hjá Bjarti, sem nú
hefur einnig haslað sér völl í Dan-
mörku með útgáfufyrirtækinu
Ferdinand.
„Í Danmörku þýðir ekkert að
gefa út kiljur. Þar er engin hefð
fyrir því,“ segir Snæbjörn og hon-
um þykir þetta svolítið skrítið.
„Danir vilja reyndar fyrst fá
bækur í stórri kilju með inná-
broti, en síðan kemur næsta út-
gáfa í hörðu broti en kostar samt
minna. Venjulega kiljubrotið selst
hins vegar ekkert hjá þeim.“
Þetta er svolítið merkilegt í
ljósi þess að hér á landi hófst
kiljubyltingin í kjölfar þess að æ
fleiri Íslendingar tóku að lesa kilj-
ur á erlendum tungumálum. En
Danmörk hefur sem sagt ekki
tekið þátt í þeim leik nema að litl-
um hluta.
gudsteinn@frettabladid.is
Hans íslenska hátign
The Sunday Times kynnti á dögunum nýja ævisögu Jörundar Hundadagakonungs sem líklega til vin-
sælda í hinum enskumlæandi heimi. Bókin heitir The English Dane: The Life of Jorgen Jorgenson og
er skráð af Sarah Bakewell, vakti athygli með byrjendaverki sínu The Smart þar sem hún fjallaði um
verðbréfasvindl á átjándu öld. Hún þykir fylgja þeirri bók vel eftir með þessari sögu af sjómanninum,
landkönnuðinum, hvalveiðimanninum og hinum sjálfskipaða konungi yfir Íslandi. Það sem heillar
gagnrýnanda The Sunday Times einna mest við flókna persónu Jörundar er kostuleg tilhneiging hans
til að skjóta upp kollinum í miðri atburðarás sögulegra atburða sem gerir það að verkum að hann
minnir nokkuð á Zelig, hugarfóstur Woody Allen, og einfeldninginn Forrest Gump.
BÓKASKÁPURINN
32 20. mars 2005 SUNNUDAGUR
Ennþá ein
Stórleikkonan Laureen Bacall, sem er ekki síst fræg fyrir að vera ekkja ekrkitöffarans Humphrey Bog-
art, gaf út sjálfsævisögu sína, By Myself, árið 1979. Hún hefur nú endurskoðað verkið og endurútgef-
ið undir nafninu By Myself and Then Some en þar hefur hún einig prjónað aftan við eldri ævisögu
sína þannig að nú geta lesendur og aðdáendur hennar fylgt henni allt til 80 ára afmælisdags henn-
ar. Áhrifaríkustu kaflar bókarinnar eru sem fyrr þeir sem lýsa veikindum Bogarts en hann tærðist upp
af lungnakrabbameini sem lagði hann í gröfina árið 1957. Það skiptast því á skin og skúrir í þessu
verki, sem er sérlega skemmtileg lesning enda kann Bacall að segja sögur og er með skopskynið í
góðu lagi. Hún segist hafa lifað lengi en ekki nógu lengi fyrir sinn smekk og tórir því enn. Bogart
myndi áreiðanlega skála fyrir því.
„Hún myndi ekki vilja svona
mann, hugsaði hún. Maður
þyrfti að eyða öllum sínum
tíma á snyrtistofu til að líta út
eins og hann vildi. Auðvitað
hentaði það sumum konum
alveg ágætlega.“
- Hin eitursnjalla og ómót-
stæðilega Precious Ramotswe
á Kvenspæjarastofu númer eitt
veit hvað hún vill og fellur ekki fyrir manni í hvítum
skóm í bókinni Siðprýði fallegra stúlkna eftir Alex-
ander McCall Smith.
baekur@frettabladid.is
>
Si
ðp
rý
ði Bækur í bókaflokknum Úr Bálki hrakfalla, eða A Series of Un-
fortunate Events, eftir höfundinn dularfulla Lemony Snicket,
hafa undanfarnar vikur setið í efstu sætum metsölulista víða
um heim. Á Bookseller-listanum voru bækur úr bókaflokkn-
um í 9 af 10 efstu sætunum og þær eru meðal mest seldu
barna- og unglingabóka á Amazon.com og Barnes &
Noble.com. Bækurnar hafa nú verið þýddar á 32 tungumál
og seldar í yfir 27 milljónum eintaka. Bækurnar, sem eru
orðnar ellefu talsins, nutu strax mikilla vinsælda en nú
virðist sem nokkurs konar Lemony Snicket-æði hafi
brostið á og bækurnar eru étnar upp til agna af
krökkum á aldrinum 9-14 ára. Auknar vinsæld-
ir má eflaust rekja til nýlegrar kvikmyndar
sem gerð var eftir fyrstu þremur bókunum
og skartar Jim Carrey í aðalhlutverki.
Fyrstu þrjár bækurnar, Illa byrjar það,
Skriðdýrastofan og Stóri glugginn, eru
komnar út í íslenskri þýðingu hjá Máli
og menningu og fjórða bókin, Mæðu-
lega myllan, er væntanleg í haust.
Lemony Snicket-æði geisar
> Bók vikunnar ...
STATE OF FEAR eftir Michael
Crichton
Það fer í það minnsta tvennum
sögum af ágæti þessarar
spennusögu þar sem umhverf-
isverndarsinnar leggjast í
hryðjuverk vegna
þess að gróður-
húsaáhrifin láta á
sér standa. Egill
Helgason segir á
heimasíðu sinni á
Vísi.is að bókin
telji 600 blaðsíður
sem séu „óbærilega leiðinlegar
aflestrar“ en þar sem hægri-
menn eru farnir að nota hana í
málflutningi sínum til að grafa
undan umhverfisverndarsinn-
um hlýtur það að vera þess
virði að puðast í gegnum þetta
umdeilda verk.
Ótrúlegt verð
Kr. 45.595 á mann
M.v. Hjón með 2 börn á California íbúðahóteli.
20. maí, 5 dagar. Netverð með 10.000 kr. afslætti.
Kr. 55.190 á mann
M.v. tvíbýli á California Garden m/hálfu fæði
27. maí, 5 dagar (fös-mið). Netverð með 10.000
kr. afslætti.
10.000 kr.
afsláttur ef þú bókar strax.
Tryggðu þér lægsta verðið.
Salou Nú bókar þú beintá netinu á
www.ter
ranova.is
NÝTT
– sólarperlan suður af Barcelona
Salou er fallegur bær á Costa Dorada ströndinni, um 100 km sunnan við
Barcelona. Þar er Port Aventura, stærsti og glæsilegasti skemmtigarður Spánar.
Bærinn skartar stórkostlegum ströndum, fjölbreyttri aðstöðu og einstöku veðurfari.
Ströndin er breið og aðgrunn með fínum gylltum sandi og því tilvalin fyrir barna-
fjölskyldur. Menning, verslanir og litríkt næturlíf taka síðan við þegar sólböðum
líkur. Salou er sérstaklega skemmtilegur sumarleyfisstaður fyrir fjölskyldur.
Löng helgi eða fullvaxið frí
5 dagar – notaleg endurhleðsla í sólinni
12 dagar - fullvaxið frí
... og lengur ef þú vilt
Stangarhyl 3 · 110 Reykjavík
Sími: 591 9000 · www.terranova.is
Akureyri Sími: 461 1099
MasterCard
Mundu
ferðaávísunina!
Stórar og rúmgóðar
íbúðir í boði fyrir
barnafjölskyldur
E
N
N
E
M
M
/
S
IA
/
N
M
15
3
62
Kiljubyltingin lifir
ÍSLENSKAR KILJUR Tugir íslenskra
bóka koma út í kiljubroti á þessu ári.
Ekkert lát er greinilega á kiljubylting-
unni hér á landi.
BÓKAMARKAÐURINN: NÆSTA BYLGJA AF KILJUM SKELLUR Á Í VOR