Fréttablaðið - 09.04.2005, Page 2

2 9. apríl 2005 LAUGARDAGUR
Útför páfa:
Pólverjar tóku sér frí
PÓLVERJAR Gera má ráð fyrir að
meginþorri allra Pólverja á Íslandi
hafi tekið sér frí frá störfum í gær
til að geta fylgst með sjónvarpsút-
sendingum frá útför Jóhannesar
Páls páfa annars.
Alls búa um 1850 Pólverjar á
Íslandi og eru þeir dreifðir um allt
land. Á Suðureyri við Súgandafjörð
búa um 30 Pólverjar og tóku þeir sér
allir frí frá vinnu í gær til að fylgjast
með útförinni og syrgja páfa. Ekki
komu þeir þó saman í kirkju bæjar-
ins eins og fréttir hermdu heldur
komu menn saman í heimahúsum
þar sem hægt var að ná gervihnatta-
útsendingum frá Póllandi.
Á Stöðvarfirði kom upp smá-
misklíð milli stjórnenda hjá fisk-
vinnslu Samherja á staðnum og níu
Pólverja sem þar vinna, en Pólverj-
unum var í fyrstu meinað um frí til
að fylgjast með útför páfa. Ástæðan
var sú að starfsemi vinnslunnar
myndi að mestu lamast við þetta,
enda Pólverjarnir ríflega þriðjung-
ur starfsmanna.
Málið leystist þó í mesta
bróðerni með aðstoð góðra manna
og fengu Pólverjarnir að horfa á út-
sendinguna frá Róm og sneru aftur
til vinnu eftir hádegið. - sþs
Íbúðalánasjóður:
Ráðherrar ósammála um
hlutverk Íbúðalánasjóðs
ÍBÚÐALÁNASJÓÐUR „Þegar menn tala
um að Íbúðalánasjóður eigi að ein-
beita sér að einhvers konar fé-
lagslegum lánum þá finnst mér
skorta upplýsingar um hvað menn
eiga við með þessu“, segir Árni
Magnússon félagsmálaráðherra.
Þetta eru svör Árna við þeim
ummælum Geirs H. Haarde fjár-
málaráðherra á ráðstefnu Sam-
bands banka og verðbréfafyrir-
tækja. Þar sagði Geir að fram-
vindan á íbúðalánamarkaðnum
vekti upp spurningar um eðlilega
verkaskiptingu milli Íbúðalána-
sjóðs og bankanna. Eru þessi
ummæli í takt við þá þróun sem
bankarnir hafa sagt að væri
eðlileg.
Telur Geir eðlilegt að hlutur
sjóðsins beinist í framtíðinni í
meira mæli að félagslegum þátt-
um og þeim landshlutum sem
markaðurinn sýnir minni áhuga.
Árni segist alls ekki útiloka það
að hlutverk Íbúðalánasjóðs muni
breytast í framtíðinni en telur
þessa umræðu ekki tímabæra.
„Í mínum huga snýst þetta um
eitt lykilatriði og um það mun ég
standa vörð, að okkur ber skylda
til þess, að fólk hvar sem það er,
eigi þess kost að koma sér þaki
yfir höfuðið fyrir sem hagkvæm-
ast verð, segir Árni Magnússon.
- sþs
Falsaðar happa-
þrennur til lögreglu
Fölsun á happaþrennum er ein leið sem óprúttnir reyna til að svíkja út fjár-
muni. Þrjár slíkar falsanir voru nýlega kærðar til lögreglunnar í Reykjavík.
Mest er um að reynt sé að svíkja út fimm þúsund króna vinninga.
LÖGREGLUMÁL Fölsun á happa-
þrennum hefur verið kærð til lög-
reglunnar í Reykjavík, sem er
með málið í rannsókn.
Eigandi söluturns sem Frétta-
blaðið ræddi við sagði að mörgum
sinnum hefði verið reynt að fram-
vísa fölsuðum happaþrennum í
söluturninum hjá sér. Nýverið
hefði það tekist og viðkom-
andi fengið greiddar út peninga-
upphæðir. Afgreiðslustúlkurnar
hefðu nýverið hafið störf og ekki
verið nógu vel á varðbergi.
„Þetta hefur verið gert með
því að upphæð hefur verið tekin
af einni happaþrennu og límd á
aðra til að fá þrjár samsvarandi
tölur og þar með vinning. Það er
mikið reynt við fimm þúsund
krónurnar.“
Hann sagði að í þeim þremur
tilvikum sem starfsfólkið hefði
greitt út falsaðar happaþrennur
hefði verið um fimm þúsund krón-
ur að ræða í hvert sinn. Málið
hefði farið til lögreglu, en grunur
léki á hver hefði verið að verki.
Hann kvaðst hafa sett upp viðvör-
unarskilti í söluturninum hjá sér,
þar sem starfsfólk væri varað við
tilraunum til falsana.
„Ég hef verið með happaþrenn-
urnar til að styðja málefnið, því
það er lítið upp úr þeim að hafa,“
sagði eigandinn, sem kvaðst vera
farinn að hugsa sig tvisvar um
eftir falsanirnar. Hann sagði þó að
Happdrætti HÍ hefði tekið á sig
skellinn í þetta sinn þótt sölu-
turninn væri ábyrgur. Söluaðilar
fengju svo lítið fyrir sinn snúð að
það hefði tekið tæpt ár að vinna
þetta tap upp ef Happdrættið
hefði ekki hlaupið undir bagga.
Steinunn Björnsdóttir deildar-
stjóri í Happdrætti HÍ staðfesti að
fölsunin á happaþrennum hefði
verið kærð til lögreglu, en hún
sagði það sjaldgæft að fólk reyndi
þetta og enn fátíðara að það tækist.
„Við erum alltaf að ræða þetta
við fólk á sölustöðunum,“ sagði
hún,“ þannig að það á að vera vak-
andi fyrir þessum hlutum. Við
höfum ekki orðið mikið vör við
tilraunir af þessu tagi í gegnum
tíðina. En fólk reynir þetta.“
jss@frettabladid.is
ENDANLEGA SKILIN
Alexandra og Jóakim fengu skilnaðarvott-
orðið í hendur í gær.
Jóakim og Alexandra:
Lögskilnað-
ur staðfestur
DANMÖRK, AP Lögskilnaður
Jóakims Danaprins og Al-
exöndru prinsessu var í gær
staðfestur af konunglegum
dómstól. Þar með lauk lögform-
lega tíu ára hjónabandi þeirra,
en þetta er fyrsti skilnaðurinn í
dönsku konungsfjölskyldunni í
nærri 160 ár. Sá síðasti átti sér
stað árið 1846, er Friðrik
sjöundi skildi við prinsessuna
Karolínu Charlottu Marianne af
Mecklenburg-Strelitz.
Hjónin skildu að borði og
sæng í október en minnst hálft
ár þurfti að líða áður en lög-
skilnaðurinn gat tekið gildi. Þau
deila forræði yfir sonunum
tveimur, Nikolai og Felix. ■Davíð Oddsson:
Í veikinda-
leyfi
STJÓRNMÁL Davíð Oddsson lagðist
inn á sjúkrahús í gær til eftirmeð-
ferðar vegna þeirra sjúkdóma
sem voru meðhöndlaðir síðastlið-
ið sumar og haust. Hann verður
nokkra daga á sjúkrahúsi og mun
svo hvílast á heimili sínu. Hann er
væntanlegur aftur til starfa eftir
níu til tíu daga. ■
SPURNING DAGSINS
Maggi, er kílóborgarinn
næstur?
Já, um leið og það tekst að baka nógu
stórt hamborgarabrauð.
Magnús Garðarsson veitingamaður, betur þekkt-
ur sem Maggi mangó, býður upp á hálfs kílós
hamborgara í Mangógrilli í Grafarvoginum, en
slíkur borgari inniheldur meira en ráðlagðan dag-
skammt hitaeininga fyrir venjulegt fólk.
ÁRNI MAGNÚSSON
Félagsmálaráðherra og fjármálaráðherra
eru ekki sammála um framtíðarhlutverk
Íbúðalánasjóðs.
FR
ÉT
TA
B
LA
Ð
IÐ
/E
. Ó
L
PÁFI SYRGÐUR
Pólverjar um allan heim syrgja fyrsta
pólska páfann, þar á meðal þessi sem var
við sálumessu í Kraká.
FALSANIR
Nokkuð hefur verið um að reynt sé að falsa happaþrennur til að svíkja út peninga. Falsar-
arnir hafa þó ekki reynt við stórar upphæðir svo vitað sé.
Markús Örn Antonsson:
Hafnaði
samningi
RÍKISÚTVARPIÐ Útvarpið skýrði frá
því í gær að Markús Örn Antons-
son útvarpsstjóri hefur hafnað
beiðni lögmanns Auðuns Georgs
Ólafssonar um viðræður um
starfslokasamning við Ríkisút-
varpið. Þegar Auðun Georg sagði
sig frá starfi fréttastjóra frétta-
stofu Útvarpsins hafði hann ekki
undirritað ráðningarsamning.
Að höfðu samráði við Kristján
Þorbergsson, lögmann Ríkisút-
varpsins, ákvað Markús Örn að
hafna beiðninni.
Eyvindur G. Gunnarsson, lög-
maður Auðuns Georgs segir að
farið hafi verið fram á viðræður
um starfslok. Í sínum huga sé það
klárt að Auðun eigi rétt á bótum
og uppsagnarfresti í vinnuréttu-
legum skilningi, en úr því þetta
varð niðurstaðan ætli Auðun að
láta þetta gott heita. - ss
AUÐUN GEORG ÓLAFSSON
Formaður Landssam-
bands kúabænda:
Skilyrðing
vaxta
KÚABÆNDUR Þórólfur Sveinsson,
formaður Landssambands kúa-
bænda, telur koma til greina að
setja skilyrði um að vextir á lánum
kúabænda hjá Lánasjóði landbúnað-
arins verði ekki hækkaðir upp fyrir
ákveðið mark fyrstu árin eftir sölu
skuldabréfanna og að skuldararnir
geti fært skuldabréfin annað ef þeir
telja vextina ekki nógu hagstæða.
Fyrirsjáanlegt er að Lánasjóður
landbúnaðarins verði lagður niður
og kröfur hans á hendur bændum
verði seldar. Fyrirhuguð niðurlagn-
ing var til umræðu á þingi búnaðar-
bænda á Selfossi. - ghs
■ UTANRÍKISÞJÓNUSTA
TRÚNAÐARBRÉF AFHENT Tómas
Ingi Olrich sendiherra afhenti í
gær Dr. Jorge Fernando Branco
de Sampaio, forseta Portúgal,
trúnaðarbréf sitt sem
sendiherra Íslands með aðsetur
í París. Í fréttatilkynningu
kemur fram að Tómas Ingi hafi
átt fund með Portúgalforseta að
afhendingu lokinni og hafi þeir
rætt góð samskipti ríkjanna.